ما تفعل لو خسرت اعز اصدقاائك ..

[noof>>]

​

ماذا تفعل لو خسرت أعز اصدقائك
---------------------------------------------------------------------

ما أجمل الصداقة وما أروعها حين يسودها التفاهم والصدق،

وتغلفها الصراحة والوضوح ، ما أجمل الصداقة بعيدا

عن التكلف والتزلف ، وما أروع معانيها حين تخرج من القلوب .
هي دعوة صادقة بأن لا يخسر منا صديقا له .
ويحسن الظن كل الظن بمن يعاشر فلربما أصدرت حكما

بلحظة ندمت عليه زمنا مديدا.

فلماذا - يا صديقي - يكون التسرع سبيل المفاهمة

ويكون الهجر طريق العقاب، وتكون الظنون سلم التعلم ؟!

الخسارة الحقيقية حينما اخسر ذلك الإنسان

وأنا قد منحته كل شي بل أعظم شي

فماذا تفعـــــل لو خسرت أعز أصدقائك ....




:aha:

 

[نعومه حدي]

اووووووه قوييه بعض المرات افكر بهالشي بس والله مادري يمكن الصدمه راح تلعب دورها
ومااستوعب الا بعد سنه اوسنتين ومااااااااادري بعدين شيصير
مشكورة حبيبتي على الموضوع

 

[روح مغليهآ]

الله لايقوله

 

[د.مشمش]

الله لايقدر علي هالشي لانه صعب جدا

 

[الحبيبه الدبيبه]

انا ارد عليج من تجربه شخصيه و واقعيه صارت مع صديقة عمري ضربتني ضربة كرهتني الصداقه ونستني معناها واسمها ، مع مرور السنين احس بشوق وحنين لها ولسوالفنا قديما ياما ضحكنا سويا وسافرنا مع بعض لكن يظل السؤال اللي دائما يتردد على بالي " ليش سوت فيني جذي " ؟؟؟ من بعدها مافي شيئ اسمه صداقه عندي ؟ بمعنى اني تعقدت من سالفتها الله يسامحها

 

[غرور وايل]

.
؛
اممم بصراحة انا جربتهاا مره من السنوات وتحطمت حييييييييل وقعدت ابجي حييييييييييييييييييييييييييييييييل ويأست من الحياه لكن الحمدالله رجعت الحياة مثل اول والله عووضني برفيجات احسن منها
عاشر من تعاشر فلابد من الفراق و فارق من تفارق فلابد من اللقاء

يسلموو ع المووضووع

؛
.

 

[noof>>]

مشكورين علي المرور الحلو

^ ^

 

[still_waiting]

......................................................................................................
انا الحمد لله ما اخلي رفيجاتي يزعلون علي حتى اذا اختلفنا او شي اعتذر
واغير الموضوع وأذا على قولتج أعز رفيجاتي انا ما اعتبرتها أعز رفيجاتي ألا لأني واثقه
منها وخابزتها وعارف انها تحبني وما تهون عليها العشرة ومو أي احد اعتبرة أعز رفيجاتي وأنا اهني أعز رفيجاتي
بهالشي واتمنى تقرى كلامي لأنها موجوده هني بالمنتدى وااي فديتها
......................................................................................................

 

[AmOoNa-]

الامام علي قال : "فقد الاحبه غربة"
اي والله غربة
انا فقدت صديقاتي بس ماتاثرت وايد بوقتها لانه صديقتي الصدوقه ظلت معاي
واهي اهم شي عندي بس الحين عقب مامرت السنين
اتضايق اقول الموضوع ماكان يسوى صج صج الدنيا ماتسوى
والله بنات يمكن بوقتها ماتحسون بس لمه تكبرون وتنضجون
بتعرفون ماكو شي بالدنيا يستاهل
صج في ناس ماتستاهل الطيب بس بكل الاحوال
سوو خير وقطه بحر

 

[شموع الفرح]

اول شي الله لا يقوله انا عندي صديقه وحده وطبعا هذي اختي ما عدها صديقه يتنا فتره ابتعدنا عن بعض لأنها تعرفت على بنات معاها بالدوام غيري وصار لها مواقف معاهم وشوفي سبحان الله اعرفت منو صديقتها اللي تخاف عليها ومرافجتها علشانها مو علشان مصلحه والحين الحمدالله علاقتنا وايد حلوه وترا صعب الأنسان يعيش بدون صديق وهم ارد واقول هالكلمه وايد ترا مثل خواتج ما تحصلين صديقات

 

[katko0ota]

اول مره كنت وايد اتاثر و تنعفس حالتي فوق تحت لكن مثل ما يقولون كثر الدق يفج اللحام

الحين صار عندي مناعه و الي راح الله معاه / معاها ههههه

الدنيا ما توقف على خساره صديق او صديقه

تقبلي مروري

 

[صـوفي]

جبتيها على الجرح
بس مااقول غير حسبي الله على اللى كان السبب
اخرتها رفيجتي بتعرف منو اللى يرافجها للمصلحه ومنو اللى يبيلها الخير

 

[وغلاتكـ]

انا فرقتني الظروف عن اعزز صدييقه بحياتي

بس الحمدلله ما خسرتها و ان شاء الله ايي اليوم اللي التقي معاها

قولواا اميييييييين

بس مره خسرت صديقتي من 3 سنوات تقريبا كانت حييل معاي بسبب شي تاافه

بس الحمدلله الله عوضني بصديقااات واااااايد

 

[zooz92]

ان شاء الله ما ايي هاليووم بس راح اتأثر واايد

 

[noof>>]

مشكورين علي المرور الرائع

=)

 

[وهج الحب]

السلام:
انا من اللي ما يتأثر اذا احد خلاني لاني ما انصدم بالناس ..ولو خلتني صديقتي بدون سبب الله يحفظها ما اهتم بها ..واخلي علاقتي طيبة معاها سلام باي بس ..اما اذا انا غلطانة اتأسف منها ..واذا ما رضت الله يحفظها ما اهتم بها ..

 

[•●FRoOo7●•]

اللهـ لا يب هاليوم
بـس بكون عادي ,,الي مايبيني ماابيه

 

[صلاتي-حياتي]

الظروف القاهرة كفيله أحيانا بأن تبعدنا عن اصدقاءنا

لاأتمنى خسارة صديق اعتبرته في يوم صديق حقيقي

 

[noof>>]

مشكورين على المرور