ما تزوجتي عشان اهلك .. تعالي قولي لنا

[love-latee]

الله يكون بعونكل مظلومة وصج صعبة اذا كان للحين في ناس جذي بهالزمن

 

[Vous jamais]

الله يفرج هم كل مهموم و عليكم بالدعاء

 

[~ بنت الهدى ~]

في وحده كان خاطبها واحد محترم و ملتزم و يموتووون في بعض و حالته الماديه عاديه على قده
لما قرب عرسهم ابو البنت قال للبنت هالولد مايصلحلج و خلاهم ينفصلون عن بعض..بس الولد بسرعه خطب و تزوج و انا في عرسه طرت على بألي خطيبته القديمه كسرت خاطري شنو ذنبها
و طبعا حاط عينه على ولد اخوه *دكتور* بس الدكتور مارضى و خطب وحده ثانيه و بعد يومين بروح عرسه

الحين كل واحد خطب و تزوج باقي بنت الشرير مسكينه للحين محد طق بابها خوش بنت الله يسامح ابوها فرقها عن حبيبها...

 

[UNICORNA]

اى شفت كثير اهل من هالعينه الاولى اللى تستغل عيالها

حسبنا الله ونعم الوكيل خلهم تنفعهم هالفلوس بقبورهم

 

[~ بنت الهدى ~]

الدكتور خطب بنت اخوو المسكين اللي على قد حاله..
والمسكينه بنت الشرير ضيعها ابوها يلعن ام الطمع شوفوا شيسوي :’(

 

[ماريا ابنة الحي]

انا اعرف عن وحده موظفه اخوانها البطاليين يعيشون على افاها
ياخذون معاشها ويقسمونه بينهم
فكل واحد يتقدم لاختهم يرفضونه رفض قاطع
البنت كبرت ووصلت الثلاثينات تقدم لها واحد عاد عمها مادري خالها ادخل وزوجها غصبن عليهم

اتوقع بعرسها يلطمون

الحمدلله الذي عافانا مما ابتلاهم به وفضلني على كثير من خلقه


اتوقع هل مظلومه بعرسها كانت اسعد وحده بالعالم
الله يهنيها ويسعدها

 

[مولاي الفرج]

اي احنا بيتنا جذي ماتتزوج الا لما تتوظف

ملاقه

 

[الحياة جوهره]

لا حول ولا قوة الا بالله موضوع يعور القلب ورسول قبل وفاة وصاكم بنساء خير انا اعرف وحده ابوه مايبي يزوجها عناد من غير سبب ادعوله انه الله يهديه

 

[انجبر قلبي]

والله امي حبيبتي كانت رافضـه زواجي يمكن 5 سنين مناقشه و نجرة و تعب احاول اقنعها و اتحاول تقنعني وما كان الموضوع سهل كلش يعني يمس بسمعتج و كرامتج و كل شي خصوصا انج قاعدة تواجهين أمج مو اي احد كان وايد حالتي صعبه والحمدلله بالنهايه وافقت لمه شافت الاصرار ولمه شافت زوجي شكثر يبيني و لمه قابلت اهله ارتاحت لهم مع انها كانت تقول مستحيل ارضى لو اموت
وكاهي ماشالله الحين لا انا استغني عن امي ولا اهي تستغني عني وتموت على زوجي وايد تحبه سبحان مغير الاحوال

 

[د.باريس]

منورين الموضوع .. و شكراً على الردود
و الظاهره كثير منتشرة عندنا بالسعودية واسأل الله انه يمحيها من كل بيت بكل ارض
:eh_s(17):

 

[3w!Shni]

المفروض الدولة تفرض عقوبة للأهل الي مثل جي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وين قاعدين؟؟؟؟؟؟؟؟؟

تروح البنت تخربط مثلا؟؟؟ ولا تنحاش من البيت؟؟؟؟؟؟؟؟ عشان طمع الاهل؟؟؟؟؟؟

حسبي الله ونعم الوكيل على كل ظالم

 

[لمى...]

الجموح صدمني ابوها واااايد عنيد بس مو معقولة جذي ليش ماحد يكلمه

 

[ظل الياسميـن]

امبلا انا سامعه هالسالفه

من قبل
لا حول ولا قوة الا بالله

ماعن ريال ما يبي يزوج بناته عشان رواتبهم

وعقب ما توفا الابو
ليلحين البنات ما تزوجوا

الله يكتب لهم اللي فيه الخير

 

[بنوتة كول]

يمكن في حالات بالكويت لكن ناااااااااااااااادرة
بس الاكيد بنات عمي في السعودية يقولون لي عن هالمشكلة
ويا كثر العوانس بالسعودية والسبب الطمع وتكلموا عن هالموضوع كذا مرة في برامجهم ومسلسلاتهم
واخر مسلسل تكلم عن هالمشكلة طاش ما طاش وقبل جم يوم في برنامج صباح الخير يا عرب
الله يهدي هالفئة من الناس حرام عليهم يظلمون بناتهم

 

[! E m p t y]

اممممم

مدري شقول

بس كنت احب شخص وجاإء وتقدملي وامي رفضت

تقول بسبب الاختلاف المادي

ولانه ارمل وله طفلين

وانا صغيره عمري 19

ووحيدتها انا واخوي بس

رغم ذا الشي جرحني الا ان امي اهم من كل شي بالدنيا

 

[! E m p t y]

بنات صرت كارهه كل شي

احس خلاص مدري شقول

الموضوع ذا ذكرني باشياإء كثيرهـ

 

[رحيل المرافيء]

الغلك من البنت
البنت حقها ترفع قضية على ابوها والقاضي يزوجهاا
اما بتتم ساكتة خلها تتحمل
وانا برأيي اللي مايطالب بحقه مايستاهل هالحق
لازم ماتسكت لهم
محد يقدر ياخذ راتب احد ولابطاقة البنك من غير مايسمح له لا اخوان ولا اهل
والمخافر والقوانين موجودة