ما تزوجتي عشان اهلك .. تعالي قولي لنا

[د.باريس]

صباح الخير ..

كل عام وانتم بخير و صحة و سلامة ..

كثير من البنات ما تتزوّج بسبب اهلها ..يرفضون اللي يتقدم لها بسبب راتبها ..او انها تكون خدامه لأهلها ..او يبون يستغلون ظروفها لو مثلاً عندها إعاقة و الحكومة تدفع لها فلوس فا هم يبغون فلوسها ..
وفيه بنات بأنفسهم يرفضون عشان يبقون عند اهلهم ..يهتمون بوالدينهم او عشان دراستهم و حياتهم المستقبلية
سؤالي ..
هل تعرفون احد بالظروف هذي ؟
لو كان الرفض من الأهل بدون مراعاة مشاعر البنت ..هل قدرتي تواجهينهم و تتناقشين معهم عشان يغيرون رأيهم ..
هل تنازلتي عن شي عشان يزوجونك ..مثلاً تركتي صرافتك عند ولي امرك ..
هل دخّلتي احد واسطه ؟
ام استسلمتي للأمر الواقع ..

الموضوع عشان نفتح مجال لحل المشكلة عند اغلب العوايل ..يمكن بنت تتشجع و تناقش ولي امرها و تغير رأيه ..

انطلقوا :eh_s(7):

 

[kuwaitya_zoGaa]

اممم انا اللى اعرفه انه الاهل يرفضون الخاطب
لانهم خايفين على بنتهم مايستغلونه
يعنى من ناحيه الدراسه - الوظيفة - الاصل - المذهب - العادات والتقاليد - الاخلاق
هذى الاشياء اهيا اللى تسبب الرفض
وفى بنات وايد ما يحسبون حساب هالاشياء فتلاقينها تقول اهلي يستغلوني لكن العكس صحيح الاهل خايفين على بنتهم

 

[كتالونيه]

امممممممممممم
امممممممممم
مااااااااادري
يمكن لانه مافي رياييل
انا متزوجه واشوف اغلب لبنات جذي يقولون مافي رياييل

 

[الزين 85]

كل شي قسمة ونصيب

وماتدري الوحده او الواحد وين نصيبهم

 

[KOKO_284I]

للاسف في زمنا كثرت هالسالفه وما يزوجون بنتهم لان يبون معاشها لهم ووايد صارت لناس اعرفهم وبس تزوجت قاطعوها لانها بعد التزامات الحياه قامت ما تقدر تعطيهم

 

[اطالع بس مااشوف]

لإ ، أنا اسسمع بسس مو قادره أسستوعب إن في اهل ب هـالبخل وب هـالبششاعه هـٰذي ! ، مافيه أي إحترام لمششاعرها احسس ،،. تقبلي مروري إختـي ٰ*~

 

[iLLuMinaTion]

قسمه ونصيب

 

[Moe love]

ههههههه لا ما اتوقع جذي في بالايااام هذي ولو صار لي بيوم من الايااام ماراح اسكت وراح اصرخ باأعلى صوتي اقووووولi wanna marry ماراح استحي اني اوااااجه اهلي //// بيتنا ديمقراطي/// انا ما اخش شي عن امي وابوي واختي يعني لو ابي اقوووول الكلمه الي كتبتها اقولهااا من دون خجل لانه حق من حقوووق حياتي بس مو الحين ان شاااااء الله ابي اقولها بعد ٤ سنين /ههههههه/ وايد لماااا اتخرج //// عندي مخططاااات بسويهااا بحيياتي قبل الزواج*

 

[ياغفور اغفر لي]

حبيبتي اعرف ناس جذي بناتهم مايبون يزوجونهم البنات موظفات بس مو عشان رواتبهم لاااا الام رافضة رفض تااام ماتبي تزوجهم تقول بس

والاب مو قادر ع الام وحرام في اخر العشرينات وفي الثلاثينات الله يرزقهم

 

[تبطي عظم!]

اعرف وااجد نفس هالحاله بس الي الي اعرفهم عدل ابوهم رافض زواجهم لان خواته عنسو

وخايفه يزوج بناته ويحترون خواته

وخواته عنسو بسبته لان قال ياتاخذون عيال عمكم ياماكو زواج وعيال عمهم ماتقدمو لهم

وقعدو صارو بالثلاثينات والاربيعات

وبناته الحين بنص العشرينات ومازوج ولا وحده منهم ~

 

[Freakya]

احس اللي قلتيه مو داش مخي

البنت اول ما تخلص الثانوية اهلها يدورون لها ريل

و اذا خلصت الجامعة و ما يالها نصيب يزوجونها اي واحد الحمدلله و الشكر

فيمكن هالنوع اللي ذكرتيه قليل و نادر وجوده عندنا بالكويت

 

[بحر الرمال]

ماعمري سمعت عن هالحالات
بالعكس الحين البنت من تصير 16 امها ترزها بالعروس عشان تنخطب

 

[Gifts&Occaions]

كلشي قسمة ونصيب

 

[ReeM ^ Style]

اي في شكثر
اول شي مسألة نصيب
ثاني شي يبون رضا والدينهم
اخرتها هذا زواج واللي الله كاتبه بيصير
مشكوره عالموضوع الحلوو

 

[الجمووووح]

الحمدالله علي كل حال


وربي يفرج علي كل بنت ويرزقها بالزوج الصالح والذريه الصالحه


انا اعرف وحده ابوها يبيها تاخذ ولد عمها وهي رافضه وراح ملج لها عليه بدون رضاها

والبنت انصدمت واحلفت انها ما تتزوج ولا تدخل الصاله ولا تجهز

وراحت دقت علي الولد وقالت له انا ما ابيك وقالت انا مستعد اطلقج وابوها عرف وقال لها اذا ما اخذتيه والله ماتاخذين غيره

لو تموتين

وصح لي اللحين صار عمرها بنص الثلاثينات وهي مو متزوجه

علي ان اخوانها قالولها احنا نملج لج

بس هي رافضه

وكل ما جا احد يخطبها رده ابوها عنااااد



الحمدالله الذي عافانا

 

[سنيوريتآ]

كل شششي قسسسمه و نصصصيب ..~

 

[الغنج والدلع]

كل شيء قسمه ونصيب واللي كاتبه الله يسير

 

[زوجة عزيز]

انا امي كانت ترفض اللي يتقدمون لي بدون اي سبب واضح سنين تمت اتردهم وترفض من غير حتى ما اتشاورني او اتقولي حتى رفيجاتي وبنات خالاتي وبنات عمتي وعماتي كلهم تزوجوا ويابوا اعيال وصاروا يقطون اعيالهم علي لين بيطلعون وانا اربي اخواني واعيالهم معاهم يقطونهم علي وضاع عمري على جذي يوم اعترضت مره كانت النتيجه حرماني من الدراسه وطلعوني من المدرسه وياليت وافقوا يزوجوني بعد ويوم عمتي اصرت تبيني حق ولدها واهي كانت رافضه في نفس الوقت كان خاطبني واحد وافقت عشان اتحر عمتي وتقهرها وملجوا علي وبعدها باربعه اشهر طلقوني منه ووبعدها اي احد يتقدم لي تمت ترفضهم سنين وتالي يوم عرفت زوجي وتقدم لي اصريت عليه انا وبعد سووت لي مشاكل على كل شي كانت تبي عرس بفندق راقي وتبي كلشي تمت تتطلب وزوجي يرفض صرت بين نارين اهي مو قصدها لي او عشان افرح لاء عشان تعزم صديقاتها وتتفاخر عليهم يوم ضيعت علي فرص ما تتعوض لين خلتني اخذ شايب ومطلق ابو اعيال تمت تتشرط خوش ام والله كانت تبيني اتم خدامه لها لانها اتغير ماتبي اييب خدامه اتغير على ابوي حضرتها وتبي بنفس الوقت اتوفر فلوس الخدامه لها والحين قاعده اتسوي حق اختي نفس الشي اترد اللي يتقدمون لها عشان راتبها وعشان اتوديها واتييبها اي مكان تبي واختي قاعده تشتكي من هالشي واتقول ان صديقاتها كلهم تزوجوا وصاروا امهات

 

[انا لحبيبي .]

بعرف وحده عمرها 37 سنه ، ولحد هلأ بيجيها عرسان وهي مو راضيه

عشان تساعد امها واخواتها ، رغم انه خواتها كبار 24 ، 25 مو صغار يعني ، بس لحد هلأ بتساعد البيت

وهمي اشتغلو وبساعدوها عشان البيت وبصرفو على امهم المريضه ،،

 

[حطمۈكہ يآقلبي]

انا امي كانت ترفض اللي يتقدمون لي بدون اي سبب واضح سنين تمت اتردهم وترفض من غير حتى ما اتشاورني او اتقولي حتى رفيجاتي وبنات خالاتي وبنات عمتي وعماتي كلهم تزوجوا ويابوا اعيال وصاروا يقطون اعيالهم علي لين بيطلعون وانا اربي اخواني واعيالهم معاهم يقطونهم علي وضاع عمري على جذي يوم اعترضت مره كانت النتيجه حرماني من الدراسه وطلعوني من المدرسه وياليت وافقوا يزوجوني بعد ويوم عمتي اصرت تبيني حق ولدها واهي كانت رافضه في نفس الوقت كان خاطبني واحد وافقت عشان اتحر عمتي وتقهرها وملجوا علي وبعدها باربعه اشهر طلقوني منه ووبعدها اي احد يتقدم لي تمت ترفضهم سنين وتالي يوم عرفت زوجي وتقدم لي اصريت عليه انا وبعد سووت لي مشاكل على كل شي كانت تبي عرس بفندق راقي وتبي كلشي تمت تتطلب وزوجي يرفض صرت بين نارين اهي مو قصدها لي او عشان افرح لاء عشان تعزم صديقاتها وتتفاخر عليهم يوم ضيعت علي فرص ما تتعوض لين خلتني اخذ شايب ومطلق ابو اعيال تمت تتشرط خوش ام والله كانت تبيني اتم خدامه لها لانها اتغير ماتبي اييب خدامه اتغير على ابوي حضرتها وتبي بنفس الوقت اتوفر فلوس الخدامه لها والحين قاعده اتسوي حق اختي نفس الشي اترد اللي يتقدمون لها عشان راتبها وعشان اتوديها واتييبها اي مكان تبي واختي قاعده تشتكي من هالشي واتقول ان صديقاتها كلهم تزوجوا وصاروا امهات

امبيه ليش امــج جذي ؟؟
تفكر بنفسهاا وساعدتهاا
مااقول غير الله يهديهاا لكم يارب​