ما بعد التصوير وقبل العرض!!! مهم جداً لكل مصورة

[فراولة^فوشيا]

قبل

بعد



نفس الطريقه اوتو ليفل و اوتو كونتراست
و
Image > Adjesment > selective color

 

[بنت عبدالغني شربت]

يههههههههههههههههههههههههههههههههههههههههههبل موضوعج كفيتي وفيتي وان شاء الله بس انزله على جهازي اليديد راح اطبقه تسلمين يالغاليه مبروك على الاشراف

 

[toot^o^mishmish]

مشكووووووووووووووورة والله يعطيج العافية ويزاج الله كل خير على هالتعب والدروس ...
صراحة وااااااااايد هالدروس تنفع خاصة حق وحده مثلي توني اتعلم عالفوتوشوب....

هذا اول تطبيق لي وعفية عفية ابي انتقاد قوي اتعلم منه ...


before



after





هذي من تجاربي بالتصوير
وعقبها بالفوتوشوب

 

[جاي وحليب]

بعض الصور نصورها ونحس انها عاديه محتاجه لشيء معين ممكن يبرزها
او لمسه معينه وسريعه بالفوتوشوب تطلعها غير ولها قيمتها....

بعض صور المباني القديمة خصوصاً .. او البورتريه (تصوير الاشخاص)
وخصوصاً الكبار بالسن.. نحس ان تحويلها للابيض والاسود يخدم الصوره
بشكل كبير.. ويخلي المشاهد يفكر فيها اكثر...

بعض صور الستل لايف.. الاضاءه فيها مميزه جداً ومتقنه..
لذلك بعد تحويلها للابيض والاسود يتم التركيز على الاضاءه من قبل
المشاهد من اول ما يشوفها...


وهذا اللي حبيت انافشه معاكم اليوم...

بعد تصوير الصوره وقبل عرضها.. والاحتفاظ بالصوره الملونه الاصليه طبعاً
نجربها بالابيض والاسود .. او السيبيا..
او حتى الالوان الاخرى.. بحيث تعطي للصوره لمسه واحساس وجو...
مثل..
(الازرق --> غالباً يحسسنا بالبروده)
(الاصفر--> بالدفء)
(البنفسجي......الخ)

وهذي الخطوات ممكن نعملها بالفوتوشوب..
وهذا افضل شيء بنظري.. افضل من الفلاتر الملونه
واختيار من مميزات الكاميرا الابيض والاسود..
ليش؟
لان ممكن نصور صوره بالابيض والاسود ونمشي من المكان
خصوصا بالسفر.. وبعد رفعها على الكمبيوتر نجد ان الصوره
مو مضبوطه بالابيض والاسود 100% ..
وحسااافه ليتها كانت عندي ملونه افضل!!

فـ الحل هو اضافات هذي اللمسات والخطوات الثانويه
بالفوتوشوب...

ولذلك وضع موضوعنا......





~* التحويل للابيض والاسود *~

الصورة المستخدمه بالشرح....

النتيجة النهائية....

شكراً على متابعتكم....


** الصورة المستخدمة في الشرح من تصويري

 

[جاي وحليب]

فراولة^فوشيا

انتي بسميج عضوه 5 نجوم
ماشالله عضوه نشيطه ونشاطج جداً حلو ومفيد للبنات

تطبيق ممتاز 100% ماقصرتي على هالمشاركات
واسعدني تواجدج يالغاليه...


بنت عبدالغني شربت

الله يبارك فيج ويسلمج مشكوره حبوبه على المرور والتعليق
وننتظر مشاركاتج...


toot^o^mishmish

تطبيق حلو.. بس مافكرتي تاخذينها بالطول؟
او شرايج لو تسوين لها كروب مثلا..
نقص الاجزاء اللي نحس مالها داعي او ماضافت شي مهم للصوره..
لان ماحسيتي ان الجوانب يمين ويسار فاضين؟

نجرب بالتصوير مرات بالطول يكون احلى
و حبيبتي حاولي ماتخلين العنصر اللي تصورينه بالوسط
لان التوسيط غالباً يخلي الصوره ممله وكأن شايفين منها وايد من قبل
فـ نحاول نبدع بالزوايا واتخاذها بشكل مختلف

وووبس شكراً على المشاركة الحلوه .. فرحتيني والله

 

[miss_lavendar82]

يعطيج العافيه مشرفتنا الغاليه


ان شاء الله بطبق هالدرس يا ابله

واوريج قبل وبعد

^_^

 

[toot^o^mishmish]

مشكوووووووووورة وماقصرتي جاي وحليب وان شاء الله التطبيقات يايه بالطريج...
ومنكم نستفيد....
يزاج الله كل خير على هالنصايح

 

[جاي وحليب]

miss_lavendar82

toot^o^mishmish

اشكر لكم متابعتكم ومروركم
وان شالله تستفيدون من كل درس احطه

 

[SabaQueen]

مشكورةجاي على شروحاتج
واحنا متابعين لج
قواج الله

 

[ام مهودي]

هاذي الصوره من تصوييري بالمالدييف وهذا تطبيقي حق الدرس الاول ها شاريكم :")

قبل





بعد



امبييي حركه بسيطه بالفوتوشوب صج غيرت الصوره انه قبل كنت احب الصووره حييل احسها حلوه بس بعد التعدييل صج صارت احلى واللي قبل صارت مو حلوه :")

 

[ام مهودي]

تطبيقي لدرس الصوره الابيض والاسود

قبل


بعد



مشكووره جاي وحليب وااايد

 

[digital]

ام مهودي شكرا على الموضوووع

انا احب التصوير وودي اتعلم على الفوتو شوب


شنو احسن طريقه للتعلم؟؟

 

[جاي وحليب]

SabaQueen

اشكر لج متابعتج يالغاليه
وحياج الله



ام مهودي

بالنسبه للدرس الاول
الصورتين حلوين.. واجواء الصوره مميزه
لكن مثل ما قلنا في لمسات بعد التصوير وقبل العرض
ممكن تخرج لنا الصوره بشكل افضل...

وتطبيق حلوو للدرس الثاني.. قواج الله

شكراً على مشاركتج فرحتيني بالتطبيق والله



lemonq8

حياج الله اختي.. تابعينا وان شالله تعرفين كل اللي ودج اياه
بتعديل للصور ولمسات بسيطه نحتاجها لصورنا...
وبالتوفيج

 

[pineapple]

مشكورة جاي وحليب على هالمعلومات الي وضحت لي شلون استخدم البرنامج وفعلامسكت ورقة وقلم وسجلت كل الي قلتيه ونزلت البرنامج عندي بالشغل وبتدرب على الخيارات وشوية تدريب ومنج مساعده انشالله اضبط الصور اكثر

هل الفوتو شوب يحتاج دورة او اقعد احورف فيه بروحي

مشكورة يالغاليه :tek:

 

[ChOcoLaTe 'n MarShMaLlOw]

يسلمو على الدرس ..

انا اللي اشوفه الابيض و الاسود يضيع ملامح الصوره

هذي وجهة نظري

 

[فراولة^فوشيا]

جاااي

مشكوره حبيبتي على التشجيع

وروعه درس الأبيض والأسود وانشالله اطبقه ولي عوده

وعلى فكره صورج بالأبيض والأسود لها ستايل خاص
مميزه فيه ماشالله عليج

وننتظر جديدج

 

[دهن عود مبخر]

ماشاءالله عليج جاي
صورج روووووعه

ومشكوره على الدروس المفيده اللي
فعلا انا شخصيا قاعده اتعلم منها
واحسها نفعتني حيل

عساج ع القوه يالغاليه
وهذا تطبيقي للموضوعين

الصوره الاصليه >> بعد التعديل >> بالابيض والاسود

هاشرايج ؟؟



.​

 

[جاي وحليب]

pineapple

العفو.. وان شالله تتعلمين كل اللي تبينه
بالنسبه لتعديل الصور ترى مايحتاج دورة ولا شي
الفوتوشوب برنامج كبير وله امكانيات واستعمالات كثيره
لكن احنا كـ مصورات نحتاج منه الشغلات اللي تساعدنا باخراج صورنا
بشكل افضل.. لاتحاتين الموضوع سهل ان شالله




ChOcoLaTe 'n MarShMaLlOw

الله يسلمج حبيبتي.. صحيح هذي وجهة نظرج وانا احترمها
ولكل منا وجهة نظر مختلفة.. لان لو بنتعمق اكثر بالتصوير
بنشوف ان الابيض والاسود فن بروحه.. ومجال من مجالات التصوير
فيه احساس ورساله يمكن المصور مايقدر يوصلها بالصور الملونه

والاهم من هذا كله ان نستخدمه استخدام صح للصوره الصح
علشان مانظلم الصورة الملونه نفس ماقلتي...

وشكراً لج على المتابعه




فراولة^فوشيا

العفو.. حياج الله
ومشكوره على الكلام الطيب

الابيض والاسود مجال ممتع مهما تعمقت فيه
احس ان فيه وايد اشياء تنطرني..
وماعرفتها بهالمجال




دهن عود مبخر

هلا والله
العفو حبيبتي وانا والله حاطه هالموضوع لكم
ابيكم تستفيدون وتعرفون الشغلات البسيطه هذي اللي ممكن
تخدمنا وتخدم صورنا بشكل صح...

مشالله تطبيق ممتااز.. شفتي الوان الصوره شلون صارت بالخطوه الثانيه
والابيض والاسود صح ...

اشكرج على متابعتج

 

[قاعده بالليوان]

الله يعطيج العافيه

 

[sprinkles]

مشكورة جاي وحليب على المعلومات ما شاء الله خوش موضوع