ما انام ساعدوني!

[الاسطورية]

امبيه نفسي بالضبط
شوفينين قاعده الحين
وتدرين من متى قاعده قاعده امس 11 الظهر المفروض الحين حدي دايخه مافيني نوم
نومي قليل جدا
بس من التفكير اكيد

 

[pretty sarona]

سمالله عليج ,, انا تييني هالحاله إذا كنت أفكر بشي و شاغلني وايد الموضوووع .. عموما في طقوس معينة تسويينها إذا ييتي تناميين أهمها انج ما تفكرين و انتي بالسريير خلج ريلاكس لان التفكير بروحه كافي ان يخليج ما تنامين ,, و لا تروحيين السريييير إلا إذا انتي فيج النوم موصله حدج , وحاولي انج تعدلين نومتج ترى نومة الصبح ما تنفع

 

[أمانيQ8]

هلا حبيبتي انا اخس منج يتني فتره والله نسيت النوم اظل امبققه اعيوني لي الساعه 6 تخيلي عقبها يتسلط على النوم وقت قعدت اليهال عشان يلبسون حق المدرسه اقوم ومالي خلق المهم تعبت قمت اروح حق امي ابجي والله اقولها ما انام ورحت الصيدليه قلت له دكتووور انا ما انام!!! قلت له نومي يمكن 4ساعات بليوم وساعات ساعه ونص عقب ما البس اليهال حق المدرسه بس اطير النومه!! ارجع انشط مع اني ما نمت شي واروح الفراش هلكانه جسمي تعبان وبنام بس ما اقدر المهم... قلت له ابي بندول نايت قالي فيج ظغط؟ قلت ايه قال عيل اسف ما اقدر اعطيج اياه مايصلح\ لج وعطاني شاي اعشاب وقالي بتنامين والله خلصت الكرتون ولا اكوفايده ورجعت له قالي ماعندي شي بعد اعطيج المهم نبهني على اشياء قالي حاولي تبتعدين عنها وبتنامين قال لا اتنامين الظهر خليج صاحيه من الصبح عشان ما ايي الليل الا انتي ميته بالفراش بعيد الشر وقالي انتي بالج مشغول بشي؟؟؟ اذا اتفكرين يصيبج ارق اكيد وقمت ابتعد عن نومة الظهر واشوي احسن قمت انام امبجر بس الساعه2او3 الفجر صاحيه!! عاد اقعد احاول اخمد ولاحظت اذا اليهال صادفتهم امتحانات انا ما انام افكر واصير بحاله الله لايوريج الزبده ابتعدي عن نومة الظهر ولو ان ادري من الصعب اتقاومينها واذا عندج مشكله حاولي قدر الامكان ما اتفكرين /// ادري قرقتج وقصيت قصة حياتي بس معروف عني اني ثرثاره

 

[ريمه الكويت]

ماتشوفين شر حبيبتي عاد في ايات قرانيه من سوره اهل الكهف زينه للقلق وقله النوم
وعاد امس بالصدفه انا رايحه صيدليه قعدت عندها ساعه ونص اقرا كتيابتها واسولف معاها عند ادويتها واغراضهم عطتني كتيب كاهو بيدي اقراه فيه منتجات طبيعيه واعشاب للشاي وكل نوع يصلح حق مرض معين

اسم الشركه تراديشونال ميديسنال

من ظمنهم شاي اسمه سينت جونز الطبيعي
مركب من زهور الافندر والليمون تساعد على التخلص من الاكتئاب والارق والاظطراب والعصبيه وتقوي الجهاز العصبي وتعمل على التخلص من قله النوم والارق وظغط العمل ويمنح الراحه والسكينه والنوم الهادىء وتاخذونه بين الوجبات هذا الي مكتوب

شكلي بروح اشتري منه احنا كل فينا ارق واكتئاب

واذا تبين اسم الصيدليه ورقمهم اعطيج اياه انا اخذت كرتهم عندهم شغلات عجيبه

 

[سمسميه]

الاسطوريه-سارونه-اماني-ريمه
بعد قلبي ما قصرتوا على الردود
وانا مثل ما قلتوا مخي مشغول وايد ومضغوطه
وقاعده امر بضروف وايد صعبه
ابوي بالمستشفى الله يقومه بالسلامه صار له شهر الحين
وامي الي بروحها بالبيت ولازم كل يوم اشوف طلباتها واطل عليها
ريلي مسافر عني صار له اكثر من شهر
مريت بضغوط الامتحانات لاوالدراسه
هذا غير البيت والياهال المراضى
هذا غير ايدي الي تخدر بروحها ما ادري من شنو
ولا حول الله من يانا شهر 1 واحنا من عزا لي عزا استغفر الله وكلهم ناس قراب

يعني استغفر الله ضروفي وايد صعبه

ادعوا لي بنات

 

[عرباويه كويتيه]

الله يسهل عليج حبيبت قلبي سمسميه

ويردلج ريلج بالسلامه والله يشفي عيالج وابوج انشاءالله

 

[الاسطورية]

اي انا اقول اكيد تغكير
وانا بعد افكر
وهذا سبب الارق

لازم وقت النوم تنسين التفكير وتصفيج بالج

ترى جلسات المساج تنفع معاج اقولج روحي سبا سويلج جلسه مساج تريح اعصابج

 

[سمسميه]

الاسطوريه
حجزت موعد باجر رايحه السبا جود اريح شويه مشكوره يا قلبي على اهتمامج
عرباويه
بعد قلبي مشكوره على الدعوه

 

[music_teacher88]

عاد جو الشتىىى ينوم

وحتى لو نقولج نصايح وطولت هالسالفه معاج روحي الطبيب لاتعابلين بنفسج

 

[سمسميه]

ميوزك تيشر
انا سهرانه الحين !
استغفرالله يا ربي تعبت من هالحاله
من الساعه 12 وانا اتقلب بفراشي
امي تقولي ويهي يخرع شكله تعبان
والله من الارق قمت احس قلبي يطق بسرعه جنه دقاته مو منتظمه:eh_s(1):

يوم الاحد ان شاءالله بروح الطبيب
تعبت:krkrkr: