ما انام ساعدوني!

[سمسميه]

بنات صار لي 10 ايام تقريبا ما انام ما ادري اشفيني؟
اروح الفراش اتقلب اتقلب ما اييني النوم
لي الساعه 6 الصبح
تالي انام ! وتخبلوا اقعد بعد 4 ساعات
وهكذا
نعبت ابي انام
شربت لبن ماكو فايده
خذت شاور طارت النومه زياده
صليت ركعتين وليلحين قاعده

ابي شي يخليني انام ساعدوني:0bee2e8d89:

 

[music_teacher88]

يتني هالحاااااله قبل سنه تقريببا

وكان عندي امتحانااات

والله احط راسي 10 ما انااام الا لما ياذن الفير

قمت اروح الكليه مومركزه تعبانه جني رايحه حق الحضور والغياب بس

عاد استخدمت بندوول نايت فتره وبس قطعته
واكله لووووووول جنه الي بالمسلسلات سيده ادوخ وانام

 

[سمسميه]

ميوزك تيشر
ما ادري اشفيني! عاد تدرين ان انا اخذ دوا حق العضلات ينوم وما اثر فيني!
ما ادري اشفيني!
ابي انام
والله قمت استاحش بالليل
التلفزيون مافيه شي
تعبت!

 

[Moondance]

الله يعينج والله انا هالحالة تييني ايام الامتحانات ماقدر انام بالايام .. اعتقد ان هالشي بسبب القلق والتوتر حاولي تكونين ريلاكس ولما تسهرين حاولي تواصلين يوم عشان تنامين وتعدلين نومج وانشالله مافيج لا العافية

 

[سمسميه]

مون دانس
المشكله ان هالحاله يتني عقب ما خلصت امتحاناتي ! ايام الامتحانات اشزيني اتام عادي!

 

[سمسميه]

بروح احاول انام بس لا تستغربون اذا رديت لكم بعد شوي!!
حالتي صعبه

 

[شندوخه]

شربي ينسون وبابونج وخلج ريلاكس طفي الليتات وخلي احد يسوي لراسج مساج وماعليج شر ان شاء الله

 

[lulucaty]

مممممممممممممممم

والله ما ادرى شقولج هذا من القلق الى انتى فيه بالج مشغووووول

حاولى تسويلج جو رومانسى

مثلاحطى شموع وطفى الليتات سوى مساج خل يفركون راسج


كلش كلش سوى نفس اقعد ابجى بعدها انام من كثر البجى

ولا اقولج حجزى يوم بفندق وروحى نامى
لوووووووووووووووووووول

والله يكون بعونج النوم شى مو طبيعى اموت بختراع اسمه نوم احب انام وايد

الله يهدى بالج وتنامين نومه حلوه

 

[زيـنـه]

هيئي الغرفه للنوم .. خلي الاضاءه بس على الاباجوره و انسدحي بفراشج و اقري لج شي .. قران .. و الا مجلات و الا كتاب .

شربي بابونج يريح و يسوي ريلاكس

و اهم شي الحاله النفسيه .. اذا تحاتين شي او تفكرين وايد ما راح اييج النوم .

و طمنينا عليج

 

[سمسميه]

بعد فلبي والله ما قصرتوا
امس تميت قاعده لي الاذان صليت ونمت
واليوم فازعه من الساعه 10!!

شندوخه
اي والله يبيلي سباتايم يركسلوني على الاخر

لولو كاتي
والله اهيء الغرفه وابطل الاباجوره ب هم ماكو فايده

زينه
صحكلامج انا بالي مشغول ومضغوطه حدي
يمكن من جذيه ما اقدر انام

 

[dal3 kuwaiti]

ياااقلبي تحسيت بعوار براسج ؟؟؟؟

هذا السؤال مهم تجاوبين عليه

 

[موت الحمر]

لا تسوين و لا شي هذه حالة عادية انا مريت فيها فترة و راحت هذه كلها لخبطة هرمونات و توتر

 

[سمسميه]

دلع كويتي
لا الحمدلله ماكو عوار بالراس

موت الحمر
عاد انا قريب تييني الدوره تهقين منها؟ بس شكو من 10 ايام!

 

[عرباويه كويتيه]

عندي لج خووووووووووووووش طريقه وانا اسويهاا

ياطويله العمر روووحي الجمعيه رف الاطفال اخذيلج بودره الافندر وزيت الافندر وغسول الافندر(جونسون) البنفسجي

تسبحي فيه بماي دافي

ودهني جسمج ورقبتج خصوصا بهالزيت وحطي بودر شوي على جسمج

وان مانمتي تعالي قابليني لان بالبدايه ضحكت عليهم والحين قمت اسوي هالشي كل يوم والحمد لله ارتااااااااااااااح راحه

تامه

 

[سمسميه]

عرباويه
عاد عندي منهم
الليله بجرب ان شاءالله

 

[رفرف]

عادي تصير فيني مرات !!
م انام كلش كلش كلش نومتي متقطعة احاول انام ساعة تالي انام 10 دقايق واقوم واقعد ساعتين وارد انام ربع ساعة ..
عذاااب الله يعينج ..
شربي جاي نعناع يهدي الاعصاب .. او حليب او لبن بالليل ..
لا تكثرين عشا
اذا تشربين جاي وقهوة وبيبسي وتاكلين ككاو قطعيهم

انا كنت جذي
بس قبل لا اتزوج واييب عيال ..
لأن من عقب العيال اسملله عليهم ادور النومة دوااااارة من احط راسي عالمخدة شخري ..

 

[سمسميه]

رفرف
اي والله ما انام كلش
حتى ويهي تعبان وتحت عيوني اسود من الارهاق
والله يفرجها ان شاءالله

 

[softlady]

شوفي هالرابط


http://q8yat.net/showthread.php?t=123562








بعد قلبـ قلبكمـ

مع تحياتيـ softlady


.

 

[سمسميه]

سوفت ليدي
مشكوره حبيبتي

 

[dal3 kuwaiti]

الحمدالله اذا ماكو عوار راس اكيد انتي تفكرين وااايد