ما الفائدة المرجوة من تدريس اللغة الانجليزية في رياض الأطفال في مدارس الحكومة؟

[زلابيا]

كلنا نخاف عالى هالأطفال وهالحجي اللي نقوله لاهوا نفاق ولا تصنع لأن هذولي امانه

مثل ما انا ابي احد يدير باله على عيالي ويراعي ضميره معاهم ويدرسهم ويخاف عليهم

انا بعد اخاف على عيال خلق الله اللي يداومون من صباح الله خير عندي لي الظهر

ولأن كثر الدق يفج للحام

يعني انا بعطي كل هالأشياء للطفل واذا رديت البيت بقعد احضر واجهز حق ثاني يوم .. وهذي حالتي طول السنه

شنو بيتوقعون منه !!!

على قولة اوركيد بسوي اللي علي لا بضمير ولا اخلاص مجرد تأدية واجب لا اكثر ولا اقل

ويوم انهم يبون يقلدون المدارس الخاصه ويبون رياض الحكومه يصيرون مثلهم ليش ما يوفرون ابلات

ولا بس شاطرين يقولون ابلة الروضه ابله شامله حق كل شي !!!



عهود ودنا الوضع يتعدل بالعكس اريحلنا وافيد لنا واريح وافيد للطفل .. استانس اذا يت ولية الامر تتشكر وتقول ولدي قال وولدي سوا والله يعطيكم العافيه والله صج الواحد شيبي احسن من جذيه

بس كله على بالهم ان احنا بس نتحلطم ومو عاجبنا شي وبنقعد بنحط ريل على ريل

 

[أوركيد]

عهود ...زلابيا ..

مديرات رياض التجربة لازم ينافقون ويمدحون ..عيل شلون يوصلون وتصير رياضهم مميزة وفيها فعاليات ..

ترى كافي اختيارهم كرياض تجربة ...

هذا بحد ذاته يوصله صينهم بالمنطقة ..وهذا المطلوب..

وبعدين لا نقص على روحنا ...جم مديرة من مديرات الرياض تهمها الأبلة وراحتها قاعدين بمكاتبهم مايدرون عن الأبلة الا لي بغوا يدخلون عليها ...

ثاني شي...

احنا ياما تكلمنا وذكرنا سلبيات بالرياض والخبرات ...بذمتكم منو التفت لنا ...منو ؟؟؟

قلنا لهم ..ياناس الحركيه يبيلها أبلة تعرف لها ومتخصصه فيها ..

ياناس خبرة النفط ليش 3 اسابيع >>>عذاب للأبلات ولا شنو ؟؟؟

دمجوها يومين مع بلدي الكويت ...وبس

ريحوا الأابلات خل يرتاحون ...امينة المكتبة خل تمسك فترة وحده باليوم بس ...المكتبة عليها ..

ابله الموسيقى اذا فرحنا ..اليوم عندهم موسيقى >>>قالت بدرب ماراح آخذهم بمرسوم رسمي من الإدارة ..

واااااااااااااااااااااي....

والله على كثر ما كنت احب شغلي واموووت عليه ...كرهته واهم السبب

 

[زلابيا]

اي والله صدقتي

على سالفة ابلة الحركيه وان ابلة المكتبه تمسك الفتره

كل سنه نكتب اب تقويم الكفاءه هههههههههههههههههههههههههه

 

[نسايم عود]

رد : ما الفائدة المرجوة من تدريس اللغة الانجليزية في رياض الأطفال في مدارس الحكومة؟

يا حبيبتي اوركيد
الخاص غير عنا
لأنه باختصار ابلاته ما يفكرون بالغياب كثر بعض الابلات بالرياض الحكومية
و لأنه المديرات ما يفكرون بسوالف الترزز والدربكة والفعاليات
فعاليتهم الوحيدة ينتجون طفل متميز
و احنا ننتج رقاصات وطبالين
هذا اكبر هم الرياض الحكومية والسبب الوزارة

:tek:

هذا الحجى الصج

يسلم لسانج حبيبتى

 

[nero]

صح لسانج اوركيييد

 

[أوركيد]

صح لسانج اوركيييد

صح بدنيك استازه نيرو :aha:

 

[ملاك-77]

فعلا 100% صح لسانج اوركيد
يـــــبـــــــــــيــــــــلــــــــــــــــه

 

[شيري]

عيدكم مبارك ياحلوات:aha:​

تدرون روضتنا من الرياض اللي طبقوا فيها تجربة المنهج اليديد والابلات شاطرات واجتهدوا بسأصعب شي كان بالنسبه للابلات الانجليزي لأن في كلمات تنطق غير وتنكتب بطريقه غير وبالتالي الابلات كانوا يعلمون الاطفال غلط ويي توجيه الانجليزي ويشرح ويعدل بس صعب يتنفذ لأن الابلات مو تخصصهم لغه انجليزيه ...اللي يدرسون هاللغه قعدوا 4 سنوات يدرسون بالجامعه تخصص لغه انجليزيه مو ابله تخصصها رياض اطفال تيونها شك بم بعد دوره مدتها9 ايام يالله درسي عر بي وانجليزي ورياضيات !!!!!!!!!!!خلوهم يعللمون الاطفال شي بسيط شكل الحرف ونطقه والكلمات اللي بياخذها بالابتدائي عشان يصير كل شي متسلسل ومتدرج عشان اذا يا الطفل واصل للابتدائي الااهو فاهم كل شي وما يتعقد وينصدم بالدراسه ...واحنايبونا المرأه الحديديه درسي كل هذاو مسكي جدولك القديم نفس ما أهو ؟؟؟؟؟؟ ليش كل هذا عشان فرق الساعه اللي نطلعها مبكر عن الابتدائي والاسبوع اللي نعطله مبكر عنهم يببون يهلكوووونا مايدرون شيسون ؟ انا ودي يمسكون الاطفال يوم واحد بس عشان يعرفون المجهود والطاقه اللي تبذل معاهم ....لاحظوا كل ابلات الروضه مريضات ولاعندهم دسك يابالرقبه اوبالظهر او كله تعبانه من ملاحق الاطفال والوقفه طول اليوم بالنشاط والفرصه وغيره من الانشطه ........انا ما انحشت من الروضه من شوي الحمدلله اني استقلت وبقعد بالبيت اسوي كذي :dfgl:​

 

[روعه 99k]

رد : ما الفائدة المرجوة من تدريس اللغة الانجليزية في رياض الأطفال في مدارس الحكومة؟

انا من مؤيدين تعليم اطفال الرياض المبادىء الاساسيه للغه العربيه والرياضيات والانجليزى

على الاقل يعرف المبادىء والاساسيات ومسكة القلم
ويتركون الموسيقى والترقص اللى ما له داعى
شنو يستفيد الطفل من الاغانى ممكن يتعلم ويمسك قلم وعلى الاقل يعرف يكتب اسمه وبعض الاحرف
خل يشوفون تجربة التمهيدى والرياض بالمدارس الخاصه
ويطبقونها على اطفالنا بدل الضياع اللى اهما فيه

بس شاطرين بالترزز وتخصيص ميزانيه على التكشخ بين المدارس ودرس نموذجى ومادرى شنو
شنو يستفيد الطفل من هذا كله ؟؟؟
ولا شى

ومو شرط يكون عند المدرسه شهاده وتخصص عشان تقوم بواجبها
على الاقل خل يسوون لهم دورات .................................

اهما دخلو الكمبيوتر على فصول ثانى روضه ........شنو استفاد الطفل منه ؟؟؟؟؟؟

التعليم ...............بالخاص

والا التربيه ضااايعه

 

[Turquoiseya]

شوفوا يا ابلاتي

انا ضد تدريس اللغة الانجليزية بالروضة مع العلم انا ابلة انجليزي ويعطوني صفوف تاسيس
السبب: ان الطفل صغير ولا يقدر يستوعب لغتين بوقت واحد ويفرق بينهم
من رايي التركيز على اللغة العربية والرياضيات
وفي المستوى الثاني على اخر السنة يدرسونهم شوية ارقام وحروف انجليزية شفويا بس

ولدي كان مستوى اول : تعقدت وانا اكتبه مرة عربي ومرة انجليزي
الولد تدوده مايدري شلون يكتب من اليمين ولا اليسار

 

[bint_looda]

شوفوا ....

آنا مع ان الطفل يتعلم ويكون فيه منهج عربي وانجليزي وعلوم ورياضيات ...حالهم حال الخاص..

كاااا عيالنا قاعد يستفيدون ويتعلمون ونقط فلوووس ومستانسين ..

بس...احنا غير والخاص غير...

احنا ابلتين بالصف...والخاص 8 ابلات تقريباً

احنا تخصصنا مواد عامة...شكثر عندنا ابلات ابلات مايعرفون الــyesمن الـــno...

اشكراااا جدامنا ..على اي اساس تعلم الطفل انجليزي..!!!!

الظاهر ان المهم عند الوزارة كراف الأبلة أكثر من تعميم الفايده على الطفل ...

آنا أعتبر نفسي معلمة متميزة وكفء..وبشهادة ادارتي ومنطقتي..

لكن فيه اشياء مو تخصصي ..ما اقدر اوصلها للطفل...حسيت اني فاشلة فيها ..

(كان المطلوب ان نعلم الاطفال عمليات حسابيه مفتوحه ..1+[...]=6 !!!)

آنا ما عرفت اوصلها للطفل ...يا ناااس مو تخصصي ولا تددربت على هالشي ولا اهو اهتمامي الرياضيات ..

قلت للموجهه ..آنا ما اعرف وما نجحت بهالمسائل ...ردت علي : عادي علميهم اي شي!!!!!

شلوووووووووون!!!!!!!

المهم خطة وتتنفذ..واحنا سوينا وماسوينا ..وبس..

ولا الطفل واللــــــــــــه ما دروا عنه ولا همهم ..

صج محترة من هالوزارة الخبر خير

:eh_s(2):

 

[كلي لكـ]

بصراحه انا حابه المنهج لان عيالي يطلعون فاهمنين الانجليزي والعربي والرياضيات الحمدلله احنا تعبنا عليهم
بس هذا مومعناته المنهج حلو بالعكس فاشل ومتعب والله احنا 3 ابلات بالصف ومانفضى
فيه اغلاط واااااااااااااااايد والحمدلله احنا كتبنا ملاحظاتنا على المنهج وعدلوا فيه ومنها شالو الحصيله اللغويه 2
وغيروا لنا كلمات من العربي

بس اللي يقهرني ان لازم بكل درس ادخل الديني و والوطني غصب طيب
يعني يتشتت الطفل لخاطر عيون الناظره؟؟؟؟؟؟؟؟؟

الموجهه تقولها مولازم بكل وقت واهيا لا غصب لاااااااااااازم

يعني ابله الرياضيات بالابتدائي ماتتكلم عن الديني والوطني بالعكس تستغل الوقت لتوصيل المعلومه للطلبه
واحنا وقتنا كله 20 دقيقه شلون بوصل معلومة يديه للطفل وفوق هذا اعزز الجانب الديني والوطني

والله احنا لو الله يفكنا من هالحريم اللي فوقنا نكون بخير

والمفروض يستمدون المنهج من الميدان مو كل واحد بمكتبه يحط منهج

انا هذي اول سنه بالتربيه وكرهتها موعشان الاطفال والتدريس لا والله

عشان هالادارات الفاشله والوزاره التعبانه
حرام عليهم مايخافون من رب العالمين

 

[جيتك تعال]

شوفي حبيبتي انا ما عندي فكرة عن المنهج الي بيدرسوونه في الريااض

بس انا بتكلم من وااقع تجربتي مع زميلاات عيالهم في مداارس وريااض خااصة

الطفل في الخااص احسن بكثير من الحكوومي لانه يتعلم حرووف عربية واجنبية ويبتدي يكتب ويعد

وبجد انا اشووفهم اقوى من الريااض الحكوومية ويمكن اغلبكم مدخل عيااله كي جي في المداارس الاجنبية

طيب ليش هالشي ما يكون في رياضنا ويستفيد طفلنا من وجوده بالروضة عالاقل يعرف معلوومة

لانه واقع الريااض مع احتراامي لكم مااا فيه اى اضاافة للطفل

ارجو تاخذوون كلامي برحاابة وبالنسبة للهيئة التدريسية اعتقد الوزارة بتكون مدركة هالشي

وبتعمل على توفير الكادر المؤهل للشي هذا

 

[ملامح بريئة]

لفت نظري الموضوع مع اني مو روضة بس التربية تهمني كمواطنة مهتمة:rerrerek:والله المسألة واضحة آخر همهم اعيالنا تدروووووون ليش ؟؟؟؟
فلووووووس (الدورات كلها بفلوس لازم يستفيدون على حساب وقت المدرسة العصاري و الليل)
تنفيييييع و حووووسة يعني اللي بتفتك من الابتدائي تحول رياض اطفال و عاااد حلي مشكلة النقص و الغييييييييابطبعا مو الكل عنده ضميير معاشها ماشي ماشي و اعيالنا ضايعييين بلا خرابيط يا تربية
أوقفوا البهرجة و الانشطة و التصوير و الاوراق و ربي راح يبين المعلم امبدع عدلللل و حسبي الله و نعم الوكييييل:krkrkr:

 

[جبروت امرأة]

شوفي حبيبتي انا ما عندي فكرة عن المنهج الي بيدرسوونه في الريااض

بس انا بتكلم من وااقع تجربتي مع زميلاات عيالهم في مداارس وريااض خااصة

الطفل في الخااص احسن بكثير من الحكوومي لانه يتعلم حرووف عربية واجنبية ويبتدي يكتب ويعد

وبجد انا اشووفهم اقوى من الريااض الحكوومية ويمكن اغلبكم مدخل عيااله كي جي في المداارس الاجنبية

طيب ليش هالشي ما يكون في رياضنا ويستفيد طفلنا من وجوده بالروضة عالاقل يعرف معلوومة

لانه واقع الريااض مع احتراامي لكم مااا فيه اى اضاافة للطفل

ارجو تاخذوون كلامي برحاابة وبالنسبة للهيئة التدريسية اعتقد الوزارة بتكون مدركة هالشي

وبتعمل على توفير الكادر المؤهل للشي هذا

اول شي انا معلمه رياض اطفال والمطلوب منا انا ندرس منهج المواد رياضيات وعربي وانجلش

مع المنهج الحالي ، يعني صاحب البالين جذاب ، ترانا مدرسات ياوزاره التربيه محنا سوبر وومن

يعني الانسان عنده طاقه معينه وعقبها خلاص مايقدر يعطي اكثر من جذي

وازيدج من الشعر بيت شرايج ان مديرتنا الفاضل والمربيه القديره عطتنا امر بعدم التدريييييس عشان نتفرغ حق الفعاليه اللي تبي تسويها بروضتنا حق المراقبه والموجهات والناس هذي كلها

يعني الفعاليه باقيلها اسبوعين بالضبط وعيال الناس اللي تداوم بالطقاق اهم شي تسنعون كل شي

مداخل الروضه والضيافه والبطاقات مالت الضيوف والباجات وكلها بهرجه مالها لزمه

وطبعا اللي تقط اكثر علي الاداره وعلي الروضه يصير لها تقدير اكثر

وشلون تبين يصير فيه تغير عند الطفل اذا هذي توجيهات بعض المديرات اللي مايخافون الله

واعذروني عالاطاله بس عشان تعرفون مجتمع الروضه شلون فوضي لا ويقولون الجوده في التعليم خلهم اول يشوفون وين الخلل عشان ينادون بالجوده

مااااااااااااااالت علي هالوزاره التافهه