ما الأهم بيتك ولا..........مظهرك ؟؟؟....أتمنى الكل أشارك

[**فلونه**]

السلام عليكم خواتي




موضوعنا اليوم مهم بنظري و تختلف وجهات النظر في و أنا حبيت أناقش الموضوع عشان أنشوف منو الصح فينه ............و منو اللي مبالغ بالغلط


منو أهم عندج بيتج و لا شكلج و لا عيالج و لا ريلج


يعني هل تصرفين على بيتج واحتياجاتهم مثل لبسج ؟؟

تهتمين تشوفين كل شي مرتب و من الزين بيتج ولا عادي البيت محد راح اشوفه الا الاهل أما اللبس كل الناس بتشوفج فيه ؟؟


تهتمين بأقل التفاصيل بالبيت مثل الاواني تحرصين انهم اكونون طقم و كلهم نفس الشي و انه اكون عندج كميه كبيره تكفي عايلتج والزوار ؟؟؟ ولا ماله داعي الخساير ؟؟



شنو الاهم عندج غرفه نوم غاليه ولا ساعه أو جنطه بنفس القيمه ؟؟

أتمنى الكل اشاركنا بالرد على الاسأله بكل صراحه و جرأه يالله نبي نستفيد من خبراتكم ............ونفيد الأنسات المقبلين على الزواج

 

[رفرف]

رد : ما الأهم بيتك ولا..........مظهرك ؟؟؟....أتمنى الكل أشارك

الصراحة انا ساكنة بشقة ...
وصج اهيه شي مهم عندي والاثاث من احسن شي بس بالمعقول ...
مو شي رخيص وبيومين يتكسر ...
ولا شي فخم فخم الصراحة ...
لأن اكيد اكيد البيت مو مثل الشقة هاذي شقة مؤقته الله يعلم شكثر بظل فيها ...
وبعدين غالبية اثاثي عملي ويكد ....
غرفة النوم والصالة وحتى قطع السجاد ووو يعني ماحتاج اغيرها لي جم سنة جدام لأنها زينة وكشخة وحلوة وعملية وجنها يديدة ....
وماعندي غرفة استقبال اكشخها واحط فيها لأن شقتي صغيرة ...
الاثاث نفسه الصراحة خسرنا عليه بس الاكسسوارات واللوحات وهالسوالف لا عادي ...
لكن اذا صار عندي بيت لا والله باهتم فيه عدل عدل هذا بيت العمر اجهزه عدل لو على حساب روحي ...

في الوقت الحالي مظهري ولبسي ومظهر بنتي هذا اهم شي ...
وعندي اشتري جنطة ماركة او ساعة او ذهب وبدل كشخة حقي وحق بنتي اهم من اني احط شي كشخة بالبيت ....
لأني لو حطيته بنتي بتخربه بيومين ....
او بيخترب اذا غيرت الشقة ...
او محد راح يشوفه ....
فأستانس بالفلوس واونس عيالي ابرك ...

 

[@ الرسامة @]

رد : ما الأهم بيتك ولا..........مظهرك ؟؟؟....أتمنى الكل أشارك

انا الاثنين يهموني بس طبعا بالمعقول وطبعي ما احب اشتري شي غالي وما يستاهل

 

[**فلونه**]

رد : ما الأهم بيتك ولا..........مظهرك ؟؟؟....أتمنى الكل أشارك

هلا رفرف ........انا معاج الشقه مؤقته بس ما يمنع انحط فيها شي حلو نقدر نحطه فبيت المستقبل ...............وصاجه مدام الواحد عنده ياهل يقعد على اعصابه ...والله يخليلج بنوتج


الرسامه ...........طريقتج حلوه و انا معاج يعني مو أشتري أكسسوارات غاليه يعني في اشياء ماتستاهل وفي منها رخيص وحلو .........وياحلو لاند مارك واسعاره معقوله


بس اللي اقصده مو ان الواحد يقعد كل شهر احط حق البيت ...........بس في اشياء ضروريه مثل الماعين في ناس بيتهم مو شقه تدخلين عندهم الماعين كل قطعه شكل .......و القفاش ماتكفي .............الخ و هم الحمد لله حالتهم زينه .

من وجهة نظري أهتمامي بيتي مايقل أهميه عن مظهري و عن عيالي ......يعني في شغلات أساسيه تكون بالبيت و كل شهر تكملين شوي شوي ........موشرط مره وحده

و ما حب ابدي الكماليات على الاساسيات يعني الساعات و الجناط .......كل وقت الواحد يقدر يشتريها بس أثاث البيت كل 4 سنين مره على الاقل اذا مو أكثر


ويعطيكم العافيه على المشاركه وننطر مشاركة باجي الخوات

 

[@ الرسامة @]

رد : ما الأهم بيتك ولا..........مظهرك ؟؟؟....أتمنى الكل أشارك

الله يسلمج يا عمري

 

[^SwEeTa^]

رد : ما الأهم بيتك ولا..........مظهرك ؟؟؟....أتمنى الكل أشارك

هلا فلونه .. مشكوره على الموضوع الحلو

اولوياتي اهي بيتي بالمرتبه الاولى لأنا اذا كنا مرتاحين بالبيت راح ينعكس علينا و اذا كان البيت مرتب و كل شي فيه حلو راح نرتاح و ينعكس علينا و على مظهرنا انا و زوجي و عيالي ..

و طبيعي اني اهتم بلبس عيالي و لبس زوجي و اخر شي انا و الحمدلله مو مقصره بحقهم و لا بحق نفسي

مشكوره فلونه مرة ثانية على الموضوع

 

[**فلونه**]

رد : ما الأهم بيتك ولا..........مظهرك ؟؟؟....أتمنى الكل أشارك

هلا سويتا وتصرفج عين العقل .........واهم شي الراحه بالبيت لان البيت أكثر مكان نقعد في وراحت الانسان ماتكون الابيته و حلاته تشوفين كل شي يمج حلو ومرتب .


تصدقون بنات والله والله بدون اي مبالغه وما اقصد اني اقلل من قيمة أحد بس في ناس صج صج مايهتمون بالبيت بالمره تخيلوا في ناس ماعندهم وانتوا بكرامه (( سلة المهملات )) يعني تخيلوا الزباله عزكم الله بس بالمطبخ ولا الحمام يعني طول قعدتهم اقلون الوصخ على الارض وهم ماشين وبعدين اتي الخدامه تنظف ...........الحمدلله والشكر و مايتكلمون الابالماركات الله يهديهم

 

[^SwEeTa^]

رد : ما الأهم بيتك ولا..........مظهرك ؟؟؟....أتمنى الكل أشارك

فلونه !!!!!!!!!!

من صجج ؟؟؟؟؟؟ شي مو طبيعي ويــــــــع .. الحمدلله و الشكر

انا شفت ناس يقطون قشور الحب بالأرض و اذا خلصوا بعدين يشيلون .. جنه الدنيه ما فيها زبايل و لا طفايات .. انزين حطوا القشور بكلينكس اضعف الايمان على الاقل !!!

 

[**فلونه**]

رد : ما الأهم بيتك ولا..........مظهرك ؟؟؟....أتمنى الكل أشارك

اي والله سويتا صج يمشون و حذفون .........وسالفت الحب والبنك ياكلون وحذفون ترفع ضقطي والله

 

[al7reyaa]

مشاركة: ما الأهم بيتك ولا..........مظهرك ؟؟؟....أتمنى الكل أشارك

انا المهم عندي بيتي
لان كلنا نعيش فيه انا واعيالي اذا ريلي لقى بيته مرتب وكل شي ذوقه حلو وريحته حلوه ويشرب وياكل باحسن الاماعين و يتغطى في كفرات غير وملونين وكل يومين واحد يحس ان بيته احسن من الفندق .
واذا اليهال تعلموا على ان بيتهم مرتب ولا يحوسون الا دارهم عقب يرتبونها يتعلمون على النزاكه مو يصيرون هيلق اذا دشوا على احد

وانا بالنسبه لي ما انحرج اي احد اييني لان بيتي مرتب ويواييه 24 ساعه الله يتمم علي .
......
.....
وبالنسبه حق اللبس تهمني الخدامه المرتبه وايد لان اذا صارت الخدامه مرتبه دليل نظافة وترتيب معزبتها لاني ما اواطن احب ياهل خدامته سحيله .

 

[سبائك]

مشاركة: ما الأهم بيتك ولا..........مظهرك ؟؟؟....أتمنى الكل أشارك

والله خووووووووش موضوع بس الحين مشغوله شوي انشاءالله اذا فضيت ارجع اكتب رايي

 

[ميراندا]

مشاركة: ما الأهم بيتك ولا..........مظهرك ؟؟؟....أتمنى الكل أشارك

والله انا اهم شي عندي اعيالي بالدنيا كلها .. حتى اذا رحت السوق بشتريلي شي .. انسى عمري و اشتريلهم .. و تالي عندي ريلي .. و عقب البيت .. و بعدين افكر ابنفسي

ما اقولكم اني امهتمله لأ .. الحملله البس احسن لبس و اكشخ و كل شي .. بس مو على احساب اعيالي و ريلي و بيتي .. اهم شي بالدنيا القناعه

طبعا البيت لازم يصير امرتب .. بس ابصراحه ما ابالغ بالترتيب .. يعني لازم اليهال اشوي يحوسونه بألعابهم .. بس عقب اخليهم اهما يرتبون عشان يتعلمون .. بس اهم شي ما اتكون الحوسه و ابوهم بالبيت ( لأنه يحب الترتيب ابشكل فظيع )

اما بالنسبه للأثاث .. فكل شهر نشتري شي للبيت .. يا طقم اماعين .. يا اكسسوار .. او زرع .. على حسب الامكانيه و الميزانيه .. بس المهم اللي نشتريه ما يأثر على ميزانيه البيت

الخدم احب يكونون امرتبين .. و الترتيب ما القاه الا عند الفلبينيات يبردون الجبد .. و النظافه و مهمه اذا بتسوي عشا ولا شي لازم الدسوس بالايد .. حتى حق اليهال يبردون الجبد بالنظافه .. من غير حجي

 

[ام طلال]

مشاركة: ما الأهم بيتك ولا..........مظهرك ؟؟؟....أتمنى الكل أشارك

آنا بصراحه مهتمه بشكلي ومهتمه ببيتي والحمدلله بيتي 24/24 ساعه مرتب ولبسي وشكلي بعد وبصراحه احس ان الت ربيه لها دخل بالموضوع يعني اذا تعلمتي من صغرج على النظافه والترتيب هذا ينعكس عليج وانتي كبيرة وبعدين احس عيب اذازاروج ناس وانتي كاشخه وبيتج ريحته تلوع الجبد

 

[bnt q8 in usa]

مشاركة: ما الأهم بيتك ولا..........مظهرك ؟؟؟....أتمنى الكل أشارك

بعا بالنسبه للبيت يوميا يكون مرتب وحتي الاثاث الوانه حلوه ومرتبه فيه اشياء غاليه وفي اشياء سعرها معقول لانه احيانا لمن بتطلعين في بيت اكيد عندج تحف ماتبين تقطينهم فتاخذينهم حتي الزل خاصه الايراني ماتفرطين فيه

بالنسبه للمطبخ يقولج نظافة المرءه بمطبخها طبعا علي السفره لازم تكون المواعين طقم يختج تشتهين تاكلين فيهم
حتي برمضان كل رمضان طقم يديد والتجديد مطلوب بكل شي

غرف النوم طبعا كل اسبوع لازم نغير الفلات والديباجات وماننسي التبخر والتعطر

بالنسبه لعيالي طبعا احسن لبس وانا كذلك اموت بالماركات بصراحه عندي قاعده اقط علي ماركه وازيدها ولا اني اشتري تقليد وتتقطع والفرق بس دنانير

وكذلك ريلي اهتم بهندامه وبكل شي

باختصار انا انسانه احب السنع واضن الكل يحبه

مشكور فلونه علي هالموضوع الحلو مثلج

 

[أغلى حبيبه]

مشاركة: ما الأهم بيتك ولا..........مظهرك ؟؟؟....أتمنى الكل أشارك

اهم شي بيتي يكون نظيف انا اسكن بشقه واللي جدامي مره سالتني تقولي ماشاءالله ريحة شقتج جنها فندق

الدور ريحته تهبل منج تقولي شنو تحطين

احط الفواحه مالت العطور على طول شغاله وعطوراتي من ماركس سبنسر وبدي شوب

واموت على الكلونيا ام بنت احس البيت على طول فرش

وعندي حب جنوني بالمواعين

الطاوله طقم

الارض طقم

زيارات الناس طقم

انا وريلي القعدات الرمانسيه طقم

ويييييييييييه عندي حب جنوني يالمواعين

واحب اكشخ عيالي

وبما انه ريلي منصبه كبير احب على طول متزقرت ومتعطر

وهم انا احب اكشخ واكشخ عيالي وخدامتي بعد

ومااحب اطلع والسياره وصخه



اف تعبت قلت قصه حياتي

 

[زيـنـه]

مشاركة: ما الأهم بيتك ولا..........مظهرك ؟؟؟....أتمنى الكل أشارك

انا احب البيت مرتب و احنا مرتبين ...

يعني اثاث البيت و الغرف كله سنع و ماكو شي داخل عرض على شي .. و كل شي بنظام .. احس بيتي يمثلني و يمثل شخصيتي اذا انا مو مرتبه و نظيفه ببيتي اشلون اصير مرتبه و نظيفه بشخصيتي و لبسي ..

و على المواعين احب كل شي طقم .. و للمعازيم طقم من استكانات و فناجيل و صواني و قلاصات عصير و ماي .. ما يصير اللي استخدمه كل يوم استخدمه للمعازيم .. وما احب ارقع بالمواعين و احط شي على شي .. اللي للمناسبات للمناسبات و اللي للعملي و كل يوم لكل يوم .. و هالاشياء كلها مو ضايعه لاني لا سكنت بيت ان شاء الله هالشي كله بيروح وياي و لا راح ينقط و الا يتوزع .

و على الناس اعرف ناس ما يهمهم بيتهم وز غرفهم و حتى غسيل هدومهم ما يغسلون على طول .. همهم لبس و طلعه و شكل بس .. بس لا دشيتوا بيويتهم تلقون العجب !

 

[شهدQ]

مشاركة: ما الأهم بيتك ولا..........مظهرك ؟؟؟....أتمنى الكل أشارك

صراحة اهم شي البيت بس مو معناته نهمل بعمرنا يعني مثلا

عندي مناسبه وعندي لوحة حلوه عاجبتني

اشتري للمناسبه واللوحه لاحقه عليها

على حسب اهمية الموضوع اعطيه اولويه

خصوصا احنا يالله خير على الله وعلى هالمعاش

 

[همسات ليالي]

مشاركة: ما الأهم بيتك ولا..........مظهرك ؟؟؟....أتمنى الكل أشارك

والله انا اول شي عيالي يعني لبسهم ونظافتهم ودراستهم ابد ما اقصر اشتري لهم من الغالي واهتم فيهم

وبيتي انا ساكنه بشقه والحمدالله هالبخور ما يخلى يوم في بيتي دايما شابته حتى الخدامه من نفسها اذا شافت ريحه الاكل طالعه شوي حطت هالبخور وهو على فكرة موجوده على طاوله التلفزيون في صندوق مبيت وانا ارتاح اذا دخلت بيتي وريحه هالخلطات والبخور فيه

وتوني مغير اثاثي ومرتبه شكل الشقه قسمت الصاله قسمين صوب لقعدتنا وصوب للضيوف معزول وعندج هالمواعين خاشتهم بالكبت منهم للضيوف السبشل وفي حق الناس العاديين خواتي حمواتي لان مطبخي حيل صغير وحاط فبه مواعين الاستعمال اليومي غير النشافه والسخان والثلاجه كبير والجوله طبعا فما كو مكان حق مواعيني لانهم تارسين الكبت الي مسويته مخزن حق الاغراض

وطبعا ما انسى نفسي في البيت لاني من النوع ما ابالغ بكشختي بره واذا حطيت مكياج وايد البس بوشيه مع اني مو متغطيه لكن هذا طبعي ما احب اطلع في مكان في رياييل وانا على سنغة عشره مثل ما يقولون

في البيت البس العجب وهذا مو مدح لكن واقع تلقيني البس بجامه واحط عجايف او البس قميص وفوقه روب والبسه ربطه على الشعر
او بدي وبنطرون برمودا والشعر اسويه كيلي عقب التسبح

ووووووو جني هذرت بس مشكوره على الموضوووووووع

 

[قلب امي]

مشاركة: ما الأهم بيتك ولا..........مظهرك ؟؟؟....أتمنى الكل أشارك

السلام عليكم نظافة البيت من نظافة راعية البيت ان ماعندي خدامه بس ان انظف بيتي في اليل قبل انام عشان الصباح اجهز الفطور وبعده الغداء واكون عطيت زوجي وعيالي حقهم انا ساكنه في فيلا دورين بس مو كبيره وخذو طريقتي وماراح تندمون ها وش رايكم هذا صحيح

 

[ظلال القرآن]

مشاركة: ما الأهم بيتك ولا..........مظهرك ؟؟؟....أتمنى الكل أشارك

اول ما سكنت بيتي حطيت كل الي عندي عليه

بس الحين شوي فجيت التفت لعمري