ما اقدر انسى

[مــســك]

رد: رد : ما اقدر انسى

انتي معاج حق


واهم بعد معاهم حق لان امهم كانت بتطلق يعني حياة اسره كامله راح تنعفس وتنهدم يعني لا تلومينهم على تصرفهم

يعني اذا انا مكانهم وابوي حالف انه يطلق امي اذا اخوي كلم وحده والله اسوي اكثر من جذي عشان امي ماتطلق لان مسكينه مالها ذنب


وانتي خلاص مشي السالفه واللي تبينه صار وتزوجتي يعني اهم مامسو شرفج او طلعو عليج اشاعات بهالحاله اقول لا تسامحينهم طول عمرج

بس السالفه خلصت و قديمه وسامحي عشان الله يوفقج يحياتج

معـــآهـــا ..

 

[*ريما*]

رد : ما اقدر انسى

خلاص راح الا راح
وتزوجيتي
انسي علشان زوجك وعيالك مستقبلا
والله يوفقك

 

[الغاليه ام احمد]

افااا عليج يالسفيره
بعد هذا واسمج السفيره
افتكر اتعرفين معناه
السفير يحل المشاكل ويقرب بين الناس والدول
حبيبتي
شوفي يمه اولا ترى اخوه واخته سوا هالشي بلحظة غضب وخوف
على امهم وبيتهم وحياتهم وهماا خافوا على اخوهم من غضب الوالدين
ثانيا ريلج ابوه طقه بسبتج
وريلج طق اخوه هما بسبتج بتقولين لا طقه لانه جذب
بقولج لا ما جذب اهو في ذاك الوقت كان قصده يحل المشكله
ويحافظ على امه واخوه
وانتي ذاك الوقت لا انتي زوجته ولا خطيبته
خلينا نقول لو ابوه ظل على رايه وحلف انه ما ياخذج
وانه يطلق امه اتهكين راح يعصي ابوه
وانتي لو اهلج ما وافقوا بالمره اشتبين اتسوين
يعني بتنحاشين معاه ما افتكر اتسوينها
لانج بنت ناس وراح تخافين على اهلج صح
شنو عاد لو افترقتوا ابتبجين يوم يومتن شهر سنه وبتنسين ما
سمعنا احد مات لما اهله ارفضوا
حبيبتي ادري اني طولت عليج بس صدقيني لو انتي مكانهم
واتشوفين بيتكم راح ينهدم راح تسوين نفسهم

حبيبتي انسي اللي طاف وخليه ورا ظهرج
وعطيهم الف عذر
ما دام الكل طيب معاج صيري اطيب منهم

ترى هذولي اخته واخوه
وهو يحبهم مثل ما انتي تحبينه
حبيهم عشانه
ما دام اهو كل وقت يقولج سامحيهم يعني فى قلبه غصه
عليهم
بردي قلبه الله يبرد عليج



حبيبتي انا قريت انج سلمتي عليهم
عفيه عليج يالغاليه
هذي سوات بنات الاصول
وصدقيني راح تكبرين بعيون ريلج
ويزيد حبه لج
والله يوفقج ويسعدج

 

[بنت العوازم]

ويييييييييييييييه خلاص يبا انتي للحين ذاكره انسي ياقلبي انتي تزوجتيه وخذيتي اللي تبينه لا تشيلين بقلبج انسي

 

[M!sS v!P]

معاك حق تزعلين لان اللي سوه مو قليل قهرررر لو انا يوقف قلبي
بس الحمدلله ماصار شي
وحاولي تتكلمين معاهم وافتحي صفحة جديدة وحاولي تنسين عشان زوجج يفرح ويستانس
وربي يوووفقكم

 

[رحيل المرافيء]

رد : ما اقدر انسى

خلاص فتحي معاهم صفحة يديدة وانسي اللي صار
لو انتي بمكانهم بتسوين مثلهم واكثر ماينلاموووون
زواج وتزوجتيه خلاص انسي
لو عشانه عشان زوجج وحبيبج

 

[الغلا الصعب]

والله قصتج حييييييييييييييل مؤثره >> حيل تتأثر الاخت

تلقيني ابجي الحين خخخخ

الله يخليييييكم لبعض ..

خلاص انسي الماضي

لا تعلقين شي بحياتج

وهذووول مهما صااار يظلوون اخته واخووووه

يعني عمااام عيالج ان شالله

وبعدين لازم تسلمين عليهم اذا مو لهم ولا لحبيبج اللي تحبينه عشاان ربج

قال الرسول صلى الله عليه وسلم : { لا تدخلوا الجنة حتى تؤمنوا، ولا تؤمنوا حتى تحابوا. ألا أدلكم على شيء إذا فعلتموه تحاببتم؟ أفشوا السلام بينكم } [رواه مسلم


وهذي الدنيا فانيه مهما طالت فلا تعكرينها واهيا قصيره

خلي دنيتج على الحب والتساامح

اول شي ابدي فيه انج تردين السلام عليهم

ثاني شي تبدين فيه تسألينها عن حالها .. شلوننج يافلانه شخبارج شلون الدراسه .. وجذي

بعدين انتي من نفسج راح تتقبلينها

ويطيح الحطب ان شالله

بس عفيه ياا قلبي لا تخلين علاقتج وياهم جذي

عشانج وعشاان ربج وعشاان زوجج حبيبج وعشان اهله

ترى والله اذا بتسامحينهم ويطيح الحطب انتي من نفسج راح تنسين اللي صار

والله يمسح على قلبج ويهدييج

ادري ان اللي صار منهم مو شويه

بس ميخالف الانسان يكبر وينسى

والنسيان نعمه من ربي

عسى الله يوفقج

 

[!الجادل الصعب!]

رد : ما اقدر انسى

صح دمهم ثقيل بس هم فكروا بالشي هذآ على آساس بيحلون المشكله بطريقه غبيه يعني الغآيه تبرر الوسيله ..بس خلآص انتي صرتي بالعآيله لآزم تتغآضين شوي .. عشآن عيونه تكرم مدينه .. والا ؟

 

[غير كل الناس]

خلاص دامكم تزوجتوا انسي اللي فات وكل شي يهون

 

[جيرمني كيك]

رد : ما اقدر انسى

حبيبتي دااااااام انج الحمدالله تزوجتيه وصرتي حلاله واهوا حلالج خلالاص فتحي معاهم صفحه بيضه اذا مو عشانهم عشاان ريلج الي ايحبج والله رااااااااااح تكبرين بعينه زيااااااااااااااده اذا كلمتيهم وراااااح ايحس ان انتي قلبج ابيض ودام اهوا خذالج حقج منهم خلالالالاص عفا الله عما سلف والله يهدي النفووووس

 

[حبيبي مالكني]

رد : ما اقدر انسى

عفى الله عما سلف
حاولي حبيبتي تسامحينهم
واا ماقدرتي جامليهم بس عمرج لا تثقين فيهم

 

[fdeet_shosho]

الله يوفقج حبيبتى انتى خلاص تزوجتي اللى تحبينه ليش للحين فى حقد بقلبج عليهم انسي هالسالفه والحياه تمشي والله سبحانه وتعالى يقبل توبه العاصي شلون احنا الاوادم مانسامح المخطئ
بالعكس عدلى علاقتج وياهم عشان اهل زوجج كلهم يعزونج ويحبونج ومايصير بينج وبينهم حزازيات والله يهنيج

 

[السفيره جوجو]

رد : ما اقدر انسى

مشكوووووورين وماقصرتو والله

كل الي ردووووووو

وانا حمدالله والله مو حقوده ولا شي بس ماكنت اقدر انسى الي صار

بس والله من كلامكم سلمت عليهم امس وهذا الي قدرت ابدى فيه

وان شاءالله بكمل باذن الله واقدر انسى كل الي صار عدل

ماقصرتو

 

[شهوووودة]

رد : ما اقدر انسى

خلاص المسامح كريم

 

[السفيره جوجو]

رد : ما اقدر انسى

تسلمووووون بنات ماقصرتو والله

و هذا انا حمدالله بديت اكلمهم بس شوي شوي

يعطيكم العافيه ماقصرتو ربي يحفظكم

 

[شقرديـه عالطل]

حبيبتي اللي صار صار
انسيه وفتحي صفحه يديده معاهم
لاتخلين قلبج قاسي عليهم دام اتحبين ريلج لازم اتحبين وتسامحين كل اهله