السلام عليكم يا حبيباتي
بنات انا مطلقه من سنتين و بدش الثالثه ..
ما عندي عيال
طليقي تزوج ..
تقدم لي عدة اشخاص بس كنت ارفضهم لان ما شفت فيهم شخص يناسبني
السالفه تبدا من هنيه ...
بنات طول الفتره اللي طافت و انا قلبي متعلق بطليقي
و ابجي بحرقه و نفسيتي تعبت ..
قررت اغير من حياتي و كملت دراستي و دخلت الكليه ..
و خلال الصيف و العطل كنت ازور بيت عمي بالسعودية
و شفت حب الطفوله .. و هو ولد عمي السعودي ..
كنت احبه من طرف واحد و هو مايدري عني
لدرجه ان لما طليقي فالبداية خطبني كان ودي اصرخ بوجه بنت عمي و اقولها ابي اخوج...
مع العلم إن ولد عمي الكويتي يبيني ..
و تقدم لي بنفس الوقت اللي تقدم لي فيه طليقي بس ما وافقت عليه
لاني صليت استخاره و ما ارتحت لهالموضوع اللي هو زواجي من ولد عمي الكويتي
بس سبحان الله شاء الله و تزوجت من طليقي وتطلقت ..
مابي ادوخكم .. الخلاصه إن كان في ذاك الوقت ثلاث أشخاص في حياتي
- حب الطفوله اللي هو ولد عمي السعودي و اللي كنت ابيه بس مادرى عني
- ولد عمي الكويتي اللي يبيني بس ما ارتحت للزواج منه و ما وافقت عليه
- طليقي اللي صليت استخاره و سبحان الله تزوجته ودارت الايام و تطلقت منه
اللي صار ان بعد طلاقي قلتلكم صرت ازور بيت عمي بالسعوديه و هناك صج استرجعت كل مشاعري و قدرت انسى طليقي لما شفت ولد عمي .. حسيت اني انثى .. عاشقه .. و اقسم لكم بالله ما درى عني ...
بس استغربت هالمره من تلميحات اهله .. كانوا يقولون نبي نخطب له فلانه او فلانه و يطالعوني يجسون نبضي
و كنت احترق من داخل و ادنق راسي و اسكت .. حسيت انهم اعرفوا اني احبه .. و اخته توريني صور عرس و طلعت صورته و تطالعني بنظره فيها كلام و تقول يا بعد عمري يا اخوي !!!
الي صار اني كنت اسولف مع اخته و بجس نبضها جان اقولها ليش ما تخطبون لاخوج فلانه .. او فلانه .. او فلانه
فقالت لي ريحي بالج اخواني ما يبون كويتيات !!!
أنا هنيه حسيت بالاهانه .. حسيت بشعور كاني قطيت وجهي ..
فقررت اردها لها ..
فصدف انهم زاروا الكويت .. فساتني بنت بنت عمي لو يتقدم لج سعودي توافقين ...؟؟؟
فقلت لها لأ.............
انصدمت و قالت ليش؟؟؟؟؟؟؟؟؟ قلت ما اقدر اترك اهلي و ناسي وراي .... ما اقدر استغنى عن ابوي ...
سبحان الله حزتها بس كنت ابي ابرد جبدي ... بس كنت اقولها من ورى قلبي ...
للحين ما وصلت للب الموضوع .....
بنات ...
ولد عمي الكويتي بعد ما تطلقت جتني اخبار من اهله انهم يبون يتقدمون لي مره ثانيه خلال الايام الجاية ...
بنات افهموني ...
احس اني فرطت بحبي الحقيقي مره .. و مابي افرط فيه مره ثانيه لو اقدم تنازلات و اعيش بعيده عن اهلي معاه بالسعوديه....
بنات .. قلبي تعب .. ادري ان انا اريد و انت تريد و الله يفعل ما يريد
ولد عمي الكويتي ما فيه عيب و الله ما فيه عيب ولد ما تزوج من قبل و اهله خوش ناس و اخوه ماخذ اختي و ناس طيبه و ساكنين بنفس منطقتنا بس سبحان الله اصلي استخاره ما ارتاح .. قسما بالله صليت استخاره وأهم للحين ماتقدمو لي و بس احلم بصراصير و قطوه سودا و احلامي صارت ما تريح ... و اللي بعد مو مريحني انه مو متوظف للحين ينطرون وظيفته عشان يخطبون رسمي .. و حاله من حال الشباب ما تعتمدين عليهم حتى امه تقول هالشباب ما منهم فايده..
و ولد عمي السعودي انسان عصامي بنى نفسه بنفسه و هو بسن صغير ما شاء الله عليه .. هو اللي شايل البيت كله فوق راسه هو اللي يشتري اغراض البت و هو اللي يسفر اهله مع ان ابوه عايش و اخوانه موجودين .. انسان كتوم .. ما يحب الخرابيط .. ماشي سيده و كلن يهابه .. شخصيته حيل عاجبتني .. غامض ..
خايفه .......
خايفه مابي ارفض الكويتي و اخسر من الجهتين خصوصا ان ولد عمي السعودي ما شفت منهم مبادره صجيه للخطبه بس نغزات
و ما بي ارفض الكويتي لانه انسان ما عليه خلاف
و مابي اوافق عيه و انا مو مرتاحه للزواج منه ما ادري ليش
مابي اوافق و اخاف اتعذب بعدين ..
لان ولد عمي الكويتي و السعودي ربع الروح بالروح ...
واحد احبه .. و واحد يحبني ...
علموني شسوي ابي راي حكيم ........
بنات انا مطلقه من سنتين و بدش الثالثه ..
ما عندي عيال
طليقي تزوج ..
تقدم لي عدة اشخاص بس كنت ارفضهم لان ما شفت فيهم شخص يناسبني
السالفه تبدا من هنيه ...
بنات طول الفتره اللي طافت و انا قلبي متعلق بطليقي
و ابجي بحرقه و نفسيتي تعبت ..
قررت اغير من حياتي و كملت دراستي و دخلت الكليه ..
و خلال الصيف و العطل كنت ازور بيت عمي بالسعودية
و شفت حب الطفوله .. و هو ولد عمي السعودي ..
كنت احبه من طرف واحد و هو مايدري عني
لدرجه ان لما طليقي فالبداية خطبني كان ودي اصرخ بوجه بنت عمي و اقولها ابي اخوج...
مع العلم إن ولد عمي الكويتي يبيني ..
و تقدم لي بنفس الوقت اللي تقدم لي فيه طليقي بس ما وافقت عليه
لاني صليت استخاره و ما ارتحت لهالموضوع اللي هو زواجي من ولد عمي الكويتي
بس سبحان الله شاء الله و تزوجت من طليقي وتطلقت ..
مابي ادوخكم .. الخلاصه إن كان في ذاك الوقت ثلاث أشخاص في حياتي
- حب الطفوله اللي هو ولد عمي السعودي و اللي كنت ابيه بس مادرى عني
- ولد عمي الكويتي اللي يبيني بس ما ارتحت للزواج منه و ما وافقت عليه
- طليقي اللي صليت استخاره و سبحان الله تزوجته ودارت الايام و تطلقت منه
اللي صار ان بعد طلاقي قلتلكم صرت ازور بيت عمي بالسعوديه و هناك صج استرجعت كل مشاعري و قدرت انسى طليقي لما شفت ولد عمي .. حسيت اني انثى .. عاشقه .. و اقسم لكم بالله ما درى عني ...
بس استغربت هالمره من تلميحات اهله .. كانوا يقولون نبي نخطب له فلانه او فلانه و يطالعوني يجسون نبضي
و كنت احترق من داخل و ادنق راسي و اسكت .. حسيت انهم اعرفوا اني احبه .. و اخته توريني صور عرس و طلعت صورته و تطالعني بنظره فيها كلام و تقول يا بعد عمري يا اخوي !!!
الي صار اني كنت اسولف مع اخته و بجس نبضها جان اقولها ليش ما تخطبون لاخوج فلانه .. او فلانه .. او فلانه
فقالت لي ريحي بالج اخواني ما يبون كويتيات !!!
أنا هنيه حسيت بالاهانه .. حسيت بشعور كاني قطيت وجهي ..
فقررت اردها لها ..
فصدف انهم زاروا الكويت .. فساتني بنت بنت عمي لو يتقدم لج سعودي توافقين ...؟؟؟
فقلت لها لأ.............
انصدمت و قالت ليش؟؟؟؟؟؟؟؟؟ قلت ما اقدر اترك اهلي و ناسي وراي .... ما اقدر استغنى عن ابوي ...
سبحان الله حزتها بس كنت ابي ابرد جبدي ... بس كنت اقولها من ورى قلبي ...
للحين ما وصلت للب الموضوع .....
بنات ...
ولد عمي الكويتي بعد ما تطلقت جتني اخبار من اهله انهم يبون يتقدمون لي مره ثانيه خلال الايام الجاية ...
بنات افهموني ...
احس اني فرطت بحبي الحقيقي مره .. و مابي افرط فيه مره ثانيه لو اقدم تنازلات و اعيش بعيده عن اهلي معاه بالسعوديه....
بنات .. قلبي تعب .. ادري ان انا اريد و انت تريد و الله يفعل ما يريد
ولد عمي الكويتي ما فيه عيب و الله ما فيه عيب ولد ما تزوج من قبل و اهله خوش ناس و اخوه ماخذ اختي و ناس طيبه و ساكنين بنفس منطقتنا بس سبحان الله اصلي استخاره ما ارتاح .. قسما بالله صليت استخاره وأهم للحين ماتقدمو لي و بس احلم بصراصير و قطوه سودا و احلامي صارت ما تريح ... و اللي بعد مو مريحني انه مو متوظف للحين ينطرون وظيفته عشان يخطبون رسمي .. و حاله من حال الشباب ما تعتمدين عليهم حتى امه تقول هالشباب ما منهم فايده..
و ولد عمي السعودي انسان عصامي بنى نفسه بنفسه و هو بسن صغير ما شاء الله عليه .. هو اللي شايل البيت كله فوق راسه هو اللي يشتري اغراض البت و هو اللي يسفر اهله مع ان ابوه عايش و اخوانه موجودين .. انسان كتوم .. ما يحب الخرابيط .. ماشي سيده و كلن يهابه .. شخصيته حيل عاجبتني .. غامض ..
خايفه .......
خايفه مابي ارفض الكويتي و اخسر من الجهتين خصوصا ان ولد عمي السعودي ما شفت منهم مبادره صجيه للخطبه بس نغزات
و ما بي ارفض الكويتي لانه انسان ما عليه خلاف
و مابي اوافق عيه و انا مو مرتاحه للزواج منه ما ادري ليش
مابي اوافق و اخاف اتعذب بعدين ..
لان ولد عمي الكويتي و السعودي ربع الروح بالروح ...
واحد احبه .. و واحد يحبني ...
علموني شسوي ابي راي حكيم ........
التعديل الأخير:
والقرار راجع لج خاصه ومافي مبادره منهم طرف ولد عمج السعودي
