ما اقدر اصارح احد من اهلي

[غمزه وإبتسامه]

الكويتي انفع يما

 

[Beverly Hills]

اخذي اللي يحبج

وكافي حبه لج وللحين شاريج

وبتمين بالكويت مع اهلج واختج معاج بنفس ابيت وناسه و احلى من حياة المراه بالسعوديه لا سواقه والوظيفه صعبه والبعد عن ا
والله يوفقج

حبيبتي على اي اساس تقولين حياة السعوديه مو حلوه جربتي يعني
ولا سمعتي وخلاص الكلام ينطبق عالكل
بالعكس تماااااما انا كويتيه تزوجت سعودي وعايشه عنده معززه مكرمه
لله الحمد ومشالله تبارك الرحمن عايشه امييييره على ان حالتهم الماديه متوسطه
بس صج فيه البركه
اسفه اختي طلعت من موضوعج وردي لج
لو تقدموا لاثنين بقول السعودي بس حاااولي تشوفين
بطريقتكم يالبنات اذا له نيه بعد مايكلمونه اهله
وموفقه يارب

 

[زوجة عزيز]

رد: رد : ما اقدر اصارح احد من اهلي

حبيبتي مدام الريال شاريج وخاطبج من قبل وعقب ماتطلقتي خطبج اتوكلي على الله ترى الوحده مو كل يوم لها زوج ..!!
وبعدين اشلج بالغربه واشلج بواحد اهله يتفلسفون عليج مانبي كويتيه باجر يشقون ويهج بالقطات البايخه ..!!
وبعدين تقولين مادرى عنج حرام اتضيعين الفرصه وهم مادرى عنج عصفور بالايد ولا عشره بالشيره ..!!
وبعدين انتي صليتي الاستخاره وارتحتي عالاولي وسبحان الله صار طلاق يمكن الاحلام الي اتيج لها تفسير ثاني مو سببها الاستخاره ..
انا اقول لاتضيعين الفرصه من ايدج اذا الولد واثقين من دينه واخلاقه ..!! سئلو عنه عدل عدل عدل واذا خوش ريال ااتوكلي على الله
الحين بنات مو محصلين ريل انتي مطلقه اذا الحين خطبج ولد عمج باجر يمكن محد يطق بابج لا تتفققين عالنعمه

معاها ثم معاها ثم معاها توكلي على الله وبشرينا اشصار:ceaf32e183:

 

[om Firas]

رد : ما اقدر اصارح احد من اهلي

الله يكتب لج الا فيه الخير

 

[الغنج والدلع]

نصيحتي لج فكري عدل واستخيري ربج بس انتي غلطانه يوم قلتي لهم انج ماتوافقين على سعودي الله يكتب لج اللي فيه خير يارب

 

[جوانا2010]

رد : ما اقدر اصارح احد من اهلي

الله يكتبلك اللي فيه خير لك

 

[LA TROO7]

عن جد احترت معاج

يارب اللي تحبينه يتقدم لج قريب

 

[شووكولاته]

دقي على بنت عمج السعوديه وسولفي ان اخو وفيجتج ليتقدم وانتي محتاره شوفيها شترد عليج اذا يبونج بتقول الله يعينك بس نصيحه اذا قلبج معلق. لاتاخذين واحد وفكرج مع غيره