ما اعرف اجهز للببيبي والنفاس شلون

[بعيون مغليك]

السلام عليكم



بسالكم شلون اجهز للبيبي والنفاس بكريه ما عرف شي ولا اعرف الاعداد او شنو احتاج بليييز :eh_s(10):

 

[عشماويه]

حبيبتي تقدرين تشوفين مواضيع قديمه وتستفيدين من تجارب البنات

يعتمد على ميزاتيتج طبعا

بقولج بعض الاشياء

السرير الخشب والتلبيسه مالته فيها شرشف ومخاد وحمايه وكله حسب الموديل اللي تاخذينه

سرير متنقل اللي تقدرين تشيلينه من مكان لمكان

طقم المستشفى كيس البيبي والشنطه و3 او 4 اطقم ملابس للبيبي

كيس للبيبي مع طقم الملابس يكون كشخه للاستقبال

ملابس البيبي انصحج تاخذين الاطقم يكون فيها لبس ومهاد وسديري وجفوف ودلاغات على موديلات طبعا

تبانات _ كبابيس _ فوط صغار وكبار

وحق سبوح الياهل تحتاجين الحوض والاسفنجه

تحصلين هالاشياء كلها في مجمع النصار في المباركيه واسعاره مقبولة


اتمنى اكون فدتج، وتقومين بالسلامه

 

[q8sweeta]

روحي اخذي مجلة مذركير اخرها في لسته بالاشياء اللي تزهبينها
تالي اشتري كتاب سوبر ناني تلاقينه بمكتبة جرير يعلمج عل الياهل وهم كاتبه شنو تحتاجين


والنفاس راح يعتمد اذا ولاده طبيعي
روحي مطحنة سمراء عدن شغلهم نظيف ومضمون اخذي لهوم وحسو وطلعي طريقته من البيت
دارسين اعواد ورشاد

اما اذا ولاده قيصري كفايه تشربين ينسون طول فترة النفاس واخر ايام مرقدوش

واقري مواضيع البنات تستفيدين

 

[ام الحلوااات]

اااااااااااااااااااااااب

 

[بعيون مغليك]

مشكورات بنات وغيره

 

[ملاك الغيد]

الله يقومج بالسلامه وتشيلين البيبي بيدج


بالنسبه للتجهيز افضل شي سوي لسته باغراض البيبي وكل شغله من اي محل بتاخذين

بالنسبه للبيبي يحتاج تبانات اخذي نيوبورن ٣ كافي لان البيبي يكبر بسرعه


ومن (٠-٣) اخذي٦ حبات

والافرول هم اخذي نيوبورن ولاتكثرين

وافرول من (٠-٣)

وتحتاجين مهادات + لفات.

وكبابيس وصدريات

وعدة النظافه (المقص +المقراضه + مشط مع فرشاته )


واعواد الاذان والشامبو والشاور جل ولوشن وبيبي اويل

طبعاً الفوط الصغار وكبيره مالت السباحه والحوض والاسفنجه


وجنطة اغراض البيبي والجيس
وكلهم من سنتربوينت شغلات عمليه

وإذا الكشخه عندج اوكايدي ماخذه من عنده جيس للبيبي بس حسافه ماستخدمته الا مرتين او ثلاث مرات

وبعد عندج النصار عنده سوالف تونس بس مو كشخه


وإذا تحبين جيس البيبي وافروله حراير ودانتيلات للاستقبال يعني عندج بحولي النقره الشمالي مدري الجنوبي عنده محل اسمه العندليب


ولج انتي لبس النفاس

محل ايفوري عنده قمصان نفاس كشخه نظام دراعه ونظام بجامه حلوين وسليبرات مع القمصان تقدرين طقمين

ولبس البيت والاندر وير اخذي من فاشن ميل عنده شغلات حلوه

مثلا الداخلي كثري منه وسروال طويل لاتنسينه
ودلاغات وسليبر للبيت

وملافع


وفوط صحيه ودويات النفاس

وجنطة المستشفى

وانشالله مانسيت شي وانتي فري بالمنتدى بتحصلين اللي تبين وشوفي تجمع الحوامل وبتستفيدين


وإذفدتج ياقلبي ادعيلي الله يسخرلي خلقه ويحفظلي عيالي

 

[ام اغلى الناس]

شوفي موضوع تجمع البجريات بتجمعات حوامل كويتيات
و فيه لسته تتوزع ببلاش بسنتر بوينت
وعندج قسم حوامل وولاده استفيدي من المواضيع