ما اعتقد في نفس هالحمولة .......

[£ الحلوة المزيونة £]

السلام عليكم

بنات انا توني صارلي سنة متزوجة


شفت ضيم

اهانات بكل زوارة تقريباً

علي اني مسالمة واستحي ولا ارادد

والله اللذي لا اله الا هو

ماشافوا مني الا كل طيب


الهدايا والعطايا جدام ولدهم ومن وراه

وكل اسبوع ما ادش الا بيدي شي

واغلب المرات اكون انا بنفسي اللي طابخة

لكن عقب مواقفهم معاي



قلت الطيب مع الطيب تجارة والطيب مع الردي خسارة

انصدمت ولو مو سامعة باذني ما صدقت

من يومها وانا ما اشتهي اطب بيتهم

لكن لعين تكرم مئة عين

بس للانسان طاقة يا بنات

وخاصة اني حساسة ما احب احد يغلط علي ويكدر خاطري

انا ما تعودت بيت اهلي هالمذلة الحمدالله كل من عازني ورازني

صرت انهان جدامه ويسكت واذا قلت له يقولي ما سمعت


والله ان حمواني ساعات يدافعون عني

قمت احس بالامان لما يكونون موجودين

والمفروض احس هالشي معاه

الشكوى لله
لكل شي حدود

قررت اني ما اروح الا بالشهر مرة

منها يحس ويحسون

ومنها ترتاح نفسيتي شوي


كنت حامل قبل 4 شهور وطيحت من الغثا


والاسبوع اللي طاف

خالتي كانت طايحة وتمشي على عصاة

افكر اروح بس مترددة


مع العلم ان الاسبوع اللي قبل لا تطيح ما خلت ولا بقت

انا دقيت عليها تحمدت لها. بالسلامة

بس مابي اروح


صرت اكره اروح واذا رحت اتحسف


شرايكم بنات

 

[Computer-ENG]

حبيبتي انا ساعات تصير معاي نفس هالمواقف بس الحمدلله زوجي دايما يوقف معاي لانه يدري بتصرفات اهله ويكون موجود وقت السالفه (يشهد) ,, عشان جذي ما عندي مانع اتحمل واضغط على نفسي عشان خاطر عيونه ولا اهمه ما هموني ,,, وما احب اقطع لانه هذي صلة رحم واحس وجودي مهم مع زوجي وولدي في يمعاتهم .. اهله يموتون علي ودايم يسالون عني ويتواصلون معاي بس خالتي اللي ما تقدر أو يمكن تمدحني بس مو جدامي (الظليمه شينه)

انا اقول روحي لها واخذي اجر زيارة مريض وان شاء الله ربي يهديها ويبين شي بعينها مع الوقت

 

[اميره1980]

روحي اسبوعيا علشان خاطر ريلج و قعدي ساعة او ساعتين و امشي و كلامج يكون بحدود و ضحكي و سولفي لكن بسوالف عامة و خصوصياتج لا تجيبين طاريها لا من قريب او بعيد علشان لا تنقثين

اذا ريلج حبيب وياج مالج شغل بأحد خلي اللي يتحجى يتحجى

 

[You FOR Me Only]

الله يعينج والله يهداه زوجج ليش مايدافع عنج

 

[Patcholli]

اللي مايحترمني ما احترمه ولا اقدره ولا اوجبه
ماقولج ردي عليهم او غلطي او طولي لسانج
بس اتبعدي عنهم بهدوء وبكل ذوق
حتى بعدج عنهم خليه بصوره ذربه
اكيد اهما عارفين شقاعدين يسوون وفاهمين انهم قاعدين يأذونج
هالفئه من الناس البعد عنهم غنيمه .. وراحه
هاذا راي الشخصي
لاني مريت بنفس التجربه من ناس يصيرونلي كل مارحتله رديت ابجي واظل اسبوع كامل متظايقه ومخنوقه
اقول بقلبي هاذا جزى اللي يوجب ويقدر ..؟؟
عقب ماتعبت وتعذبت من كلامهم واهانتهم
قررت اني ماروح نهائيا مع انها قطع صلة رحم بس ماكو فايده شسوي تعبت ونفسيتي تعبت اهما ماحتروموني ولاقدروني ومن اروح اهانات ومذله ..
والله الحين حدي مرتاحه واذا بروحلهم بس بالمناسبات يعني مرتين بالسنه عيد الفطر وعيد الاضحى بس

 

[تبيني آرضى عليك]

حبيبتي رووووحي وان سمعتي اي كلمه منهم طنشي احتسبي الاجر من الله

 

[PinkCherry]

اختي الناس الي جذي ماينعطون ويه ولاتقعدين تفكرين وايد آنه اهل زوجي عودتهم من اول ما انخطبت مو كل يوم ازورهم وما اطول عندهم و من تزوجت ليومج صج اجوفهم تقريبا كل يوم لاني ساكنه يمهم لكن ما اقعد اكثر من ساعه وما اسولف وياهم في اي شي يخصني يعني من البدايه فرضت احترامي عليهم وبينت لهم ان ماي اسمح يطيحون الميانه معاي وان لي خصوصيات واحترامي الخاص ما اغلط عليهم ولا اقعد ساكته بالعكس اضحك معاهم واسولف بس ما اعطيهم ولانص خبر عن حياتي ولا اسمح احد يتدخل فيني وان في يوم خالتي غلطت علي او قالت شي يزعل او سالت شي مايخصها ما ارد عليها يعني يدخل من اذون ويطلع من الثانيه ماتقدر تسحب مني كلام ولا تستفزني ههههههههه احسن لج تعودينهم جذي

 

[وتين قلبـي]

عندج وعندي خير
والله يعيين
لزووم الصبر

مايصير تقطعين العلاقه بالمره انتي دخلتي على عايله ومجبوره عليهم
بس مو مجبوره بتصرفااتج عامليهم عاااادي شلونكم شخباركم لاتكثررين والاسئله ولاتسولفين عن نفسج واهلج ابدا
لانهم نااس كارهينج بمايتقبلونج مايقبلون منج اي شي
اجبري نفسج هليهم شتسورين هذول اهل زوجج مو صديقاتج تقطعين العلاقه وخلاااص تنتهي العلاقه

ترا والله لاسكتي وحقرتيهم بيمووتون غل ولت حاولو يستفزوونج ابتسمي وتكلمي بروووود

وروحي لهم كل اسبوعين مره واكشخي واكشخي عددددل اقصى حد بيناظروونج من فووق لتحت ولا يقدرون يسالون بيموتون قهر
واذا صار عندهم ظرون احد مريض والد عيد هذا لازم توواجد وزوارتهم



وام زووجج لازم تجينها علشاان خاطر زووجج هذي امه واسمعي من الاذن هذي وطلعي من الاذن الثانيه

 

[حجيه هيونه]

الله يكون بعونج


امممممم لازم تزورينها مامنها بد

بس قللي الزيارات الى : المناسبات ومره بالشهر

وخلي زوجج والعيال يروحون لهم متى ما حبو عشان صلة الرحم

بس انتي مو ملزومه تصلينهم بس يعني طيب منج خليها بالمناسبات ومره بالشهر

والله يكون بعونج

 

[PuPa^^SWeeT]

والله مادري شقوولج



بس الواجب اتزورين خالتج


تحيني الفرصة و رووحي زوريها الصبح محد عندها


وبس

 

[some one waw]

الله يهداهم

ميخالف زوري خالتج اهي طايحة ومتعورة وبهالمواقف خلي الزعل على صوب

والله يوفقج ويهديهم ياااارب

 

[[[ عيون جابر ]]]

الحموله تيب الضغط والسكر والجلطات وبعدج ماشفتي شي انا صارلي٨ شهور معرسه وعيوني بتطلع من مكانها من الضيم الله يعيننا بس

 

[popa]

لاتقطعين الزواره مره بالاسبوع
والي يغلط عليج ردي عليه
لاتسكتين لان اذا خذو عليج مره راحت هيبتج

 

[Geisha]

اللي مايحترمني ما احترمه ولا اقدره ولا اوجبه
ماقولج ردي عليهم او غلطي او طولي لسانج
بس اتبعدي عنهم بهدوء وبكل ذوق
حتى بعدج عنهم خليه بصوره ذربه
اكيد اهما عارفين شقاعدين يسوون وفاهمين انهم قاعدين يأذونج
هالفئه من الناس البعد عنهم غنيمه .. وراحه
هاذا راي الشخصي
لاني مريت بنفس التجربه من ناس يصيرونلي كل مارحتله رديت ابجي واظل اسبوع كامل متظايقه ومخنوقه
اقول بقلبي هاذا جزى اللي يوجب ويقدر ..؟؟
عقب ماتعبت وتعذبت من كلامهم واهانتهم
قررت اني ماروح نهائيا مع انها قطع صلة رحم بس ماكو فايده شسوي تعبت ونفسيتي تعبت اهما ماحتروموني ولاقدروني ومن اروح اهانات ومذله ..
والله الحين حدي مرتاحه واذا بروحلهم بس بالمناسبات يعني مرتين بالسنه عيد الفطر وعيد الاضحى بس

حبيبتي صدقيني في ناس ماعندهم دم وعند عمرهم اهما الصح :eh_s(4):

الحموله ماعندهم بنات خافوا علي بنات الناس علشان ربنا يوفق بناتكم

اختي صاحبة الموضوع الله يعينج بس انتي ماوضحتي منو اللي مداحرج خالتي ولا حمواتج منو بالضبط ؟

 

[£ الحلوة المزيونة £]

بنات اللي قالوا صلة رحم


للمعلومية بس انا سألت شيخ قالي اهما مو من ارحامج ان رحتي مأجورة وان ما راحتي عادي

والبنات اللي قالوا بقطع العلاقة

الله يعافيكم حبيباتي انا ما قلت بقطع


قلت بخفف بس

مو شرط كل اسبوع اروح لهم واسكت عشان ريلي مابيه يتضايق

يعني مو على حساب نفسيتي

اروح مرة او مرتين ولاني برضي ريلي مو عشان شي


والله يعطيكم العافية كل اللي ردوا مشكورين تسلم ايدينكم

 

[ام اغلى الناس]

الله يعين
احسن شي روحي بيوم بنص الاسبوع
غير عن جمعتهم
سلمي على خالتج وبس

 

[الكويت&الكويت]

اللي تقول هذيله مورحمج اذا مو رحمج اكيد رحم زوجج
وخالتج لازم تزورينها لان ام ريلج ومره كبيره وعويج حرام زياره المريض واجبه
يا قلبي دخلي من الاذن اليمين وطلعي من اليسار
اهم شي اكسبي قلب زوجج
والزوج عنده اللي ترفع مقدار اهله اهوه يرفع مقدارها والله يحطها فوق راسه
اساليني انا جربت الخاله وجربت الحموات
وخالتي الله يرحمها ويغفر لها توفت
ومثل مالهم مواقف سيئه اذا شافوج بنت ناس ومحترمتهم والله العظيم راح يجي يوم من الايام راح يوقفون بصفج
الطيب ان شاء الرحمن ما يضيع ابد والردا ما ينفع وانا اختج
تمي زوريهم اسبوعيا وخلي ضحكتج شاقه الحلج خاصه لا شفتي زوجج قاعد حتي لو سمعتي اللي يغثج ترا والله ثم والله ثم والله مافي رجال يرضا نص كلمه علي اهله حتي لو غلطانين انتي الطالعه واهمه الداشين
وانتي واضح ان عقلك كبير
الله يسخرله يارب
ودمتي بود

 

[£ الحلوة المزيونة £]

تسلمون حبيباتي


والله ما تقصرون


فديتكم


الله ينولكم اللي ببالكم يا رب

 

[om MaRyooM]

حبيبتي ماقلتي شنو نوع المواقف اللي تصير عشان نقدر نحكم

عموما
وظعج بالظبط مثل وضعي وانا اخسسس وانو يشيشون ريلي على الخراب والحرام جدااامي
بس عشان يرفعون ظغطي مو قشمرة لااااااا من صجهم


المهم ..
احسلج روحي بس بالمناسبات
وكل جم يوم دقي لى خالتج سلمي وفكي عمرج

اننتي مو ملزومة فيهم ولاتعودينهم كل اسبوع مرتزة هناك
واصليهم بالمناسبات ووجبيهم بافراحهم ومناسباتهم
وبس

 

[ضي الدنيا]

الله يعيينج .. حاسه فيج ياا غناااتي ..

بس شنسوي الله كريم ..