ما اعتقد في نفس هالحمولة .......

[Om fhoood]

حبيبتي انتي طيبة وبنت ناس

روحي حق خالتج تكبرين بعين ريلج

واهوا يسمع ويدري لاتضغطين عليه شنو تبينه يسوي يهاوش امه او خواته

ماعليه حبيبتي طولي بالج اذا شافج معاهم طيبة على اللي يسوونه صدقيني راح يشيلها لج العمر كله ولو ماسوا شي

هذي خالتج روحي زوريها ساعة ساعة ونص بالكثير وطلعي وخلج رسمية ابتسمي وسألي وسلمي واذا قطوا كلمة

انتي هيأي نفسج انج ماتهتمين للكلام والحجي وانج رايحة عشان خاطر ريلج ورضاه واحتسبي اجر انج رايحة تتحمدين لها بالسلامة وتزورينها وصدقيني والله والله والله

حقج ماراح يضيع ومع الايام بيحسون بقيمتج ويقولون فلانة عمرها ماراددت ولا غلطت ولا طلع منها العيب

تصرفي بأصلج وتربيتج وماعليج من احد

 

[صديقتك ياليل]

الله يعينج والله انا جربت هلنوع من الحماايل لعوزتني وطلقتني او وانتم بكرااامه هالخرروف اللي كنت مماخدته يارب لك الحمد اني افتكييييت

 

[حبيبي مالكني]

حبيبتي عشان ريلج روحي
والله سبحانه وتعالي راح يآجرج
واذا رحتي طنشي لا تركزين ع الموضوع وايد
والله يسخرهم لج

 

[£ الحلوة المزيونة £]

تعبت اجامل على حساب نفسيتي وصحتي


يتمصخرون على موضوع الحمال


حسبي الله ونعم الوكيل


هالشي مو بيدي بيد الله انا شكو


بس الحقد والحسد يسوي چذي


الله المستعان قررت ابتعد عنهم لما رمضان

وان شاالله ما ايي رمضان الا وانا حامل



ادعولي بنات

 

[عسل مرت قيمر]

حبيبتي الله يكون بعونج والله


انا اقول ميخالف عشان ريلج روحي سوي الواجب وطلعي مو شرط تطولين


والله يوفقج ويسخرهم لج ويهديهم


ياربي ليش الناس تسوي عداوه مع الشخص اذا كان زين


شنو مستفيدين

علاقل عشان ولدهم


يالله الحمدلله على كل شي

 

[£ الحلوة المزيونة £]

اي والله انا مثلج استغرب من هالناس



ما ادري اشيبون


اشوف امي مع حريم اخواني چنهم بناتها واكثر والله ما ينادونها الا يمه


وان شاالله باجر لا صار عندي چناين احطهم فوق راسي لان غلاتهم من غلاة ولدي


ماله داعي انكد عليهم واسبب لهم مشاكل واخرب عليهم


بس ماكو سنع ولا ذوق كلش

 

[*Pink Girl*]

ولا تضايقيين نفسك ولا شي

عيشي حياتك المهم زوجك

 

[ورده عنابيه]

الله يكون بعونج اللي يريحج سويه

 

[G!RLooNa]

الله يعينج و الله جد استغرب ليش يسوون جذي شنو ماخذين بنات الناس عشان يذلونهم! و لا مكتوب بعقد الزواج تبلش الحرب الاهليه بينهم و بين البنت بس تصير على ذمه ولدهم :|

واي حسبي الله على كل حموله غاثين مرت ولدهم و مأذينها و اهيا ما غلطت بحقهم

روحيلهم بالشهر مره او مره كل اسبوعين - ثلاث و لا تطولين عندهم ،، و عشان خالتج متعوره روحيلها تحمديلها بالسلامه و امشي عل و عسى يبين ب عينها

 

[lolO29]

مو شرط كل اسبوع تروحين لهم زين تسوين ان بالشهر مره او وااااااااااايد عليهم وذا رحتي لا اطولين سوي الواجب قعدي شوي عن الحلال و الحرام وطلعي .