الله يفرج همج وغمج ..
حبيبتي ردي شقتج اللي بيت اهل ريلج احسن لج
وعزي نفسج وزوجج ,,
وإذا على مشاكل أهل الزوج لاااازم في البداية بتصير تصادم بينج وبينهم ومع الوقت بتعرفين شلون تتعاملي معاهم
خلي علاقتج فيهم رسمية و صديقتج ( حماتج ) لا تنسينها ,, لازم الوحده تحتاج صديقة توقف معاها
واشتري لج فرن جديد وتعلمي الطبخ ترا حتى انا اول ماتزوجت صغيرة مثلج وماتعلمت الطباخ الا عقب الزواج
يوم محروق ويوم مالح ويوم ناسية الملح وتمشي الحياااة ,, مابتتعلمين الا بالتجربة تشجعي واطبخي لج ولريلج
وهذي المنتديات تعلم الطبخات بالطريقة المصورة ..
واذا على التنظيف أهم شي ماتخلي الشغل يتراكم عليج عشان ماتتعبين وانتي تنظفين ,, ورتبي وقتج عشان تدرسين ,,
ثاني شي ماعليه كل البيوت فيهم مشاكل بس لا تضغطين على نفسج وأبوج مسكين مريض لا تزيدينها عليه ,,
مهما كآن هو يحبج ويخاف عليج وبيجلس يحاتييييج خلاص رجعي لأهل ريلج وبيني لأهلج أنج مرتاحة لا تتشكييين ,,
لا تخلين المشاكل تأثر على صحتج وصحة أبوج وعلاقتج مع ريلج ..
وأمج مو أنها تفضل أخوج عليج بس ممكن أنها شايله بخاطرها شوي على ريلج أنه ماقدر يحقق لج السعادة .. من منظورها هي .. ,, وخصوصا أنج ساكنه معاها وطبيعي مابتحب أن ريل بنتها يتهاوش مع ولدها ,,
وأخوج هو بعده شايل بقلبه ليش رفضوه أهل زوجج مو قادر يستوعب أنه ماكو نصيب وأنه أنرفض فقد ماتقدرين تحاشيه وتمشي الحياة
كبريها بتكبر صغريها بتصغر ,,
والضغوط النفسية لاااابد منها حبيبتي بالذات أنج تشوفين نفسج صغيرة عالمسؤولية بس عطي نفسج حافز أنج تقدرين تتحمليها وقدها وقدود ووفري لزوجج الجو المناسب دامنه جالس يدرس هالفترة وأوضاعكم بتتغير ان شااء الله للأفضل زوجج بيتخرج وبيزيدون معاشه و انتي بتدرسين بالجامعة والله بيفرجها عليكم وبيوسعها عليكم من فضله وبتطلعون بشقة لحالكم وتربون فيها عيالكم ان شااء الله على مزاجكم ,,
,,,,,,,,,,,,,,,,,,,,,,,
سوري أحس كلامي ملخبط بس أهم شي قدرت أوصل لج بعض النقاط اللي في بالي .. دعواتج لي ..
