ما ادري ليش صايرين جذي؟!!!

[قمر2009]

لاتفهمينهم غلط يمكن قصدهم انه احسلج بدون وظيفه والزواج بيني وبينج على الاختيار الصح فعلا الحين كل شي يعور القلب بس نصيحتي انا لج توظفي بعدين تزوجي من اللي انا جربته

 

[كويتيهx5]

انا ممكن استخدم هالتعابير السلبيه مع الناس بهدف ان مااخليهم يتحسرون علا نعمة مو عندهم ويرضون باللي ربي كاتبه بس وربي بيني وبين نفسي دايم ادعيلهم
شدراج انتي اسمها دعوة بظهر الغيب
يعني هل تبينهم يقولون لج والله الزواج حلو تزوجي ؟ بتقولين مو بايدي ؟
اهو احسن شي تسكرين الموضوع معاهم تونيراده علا وحده بقسم تاخر الانجاب متضايقه من كلام الناس
قلتلها مفروض تسكرين الموضوع معاهمبس ولاتتناقشين فيه
وانا اشوف انهم ماغلطوا عليج بالعكس اهم يحسبون انهم يريحونج بهالكلام اذا بتدعيلج راح تحسسج بالنقص!
ومو حلوة
ويمكن تتضايقين
ورزقج عند رب العالمين اهو الرزاق الرحمن الكريم

اممم
حبيبتي انا واييد احبج الصراحه
بس انا اعرف هالنماين عدل عدل بس قصدي يعني الموضوع مو مطروح ليش يايبيني بنص السالفه عرفتي يعني انا مو مضايقه وله شىء والحمدالله
وبالعكس كاا انا عندي وايد رفيجات بدون وماعندهم جنسيه بقولهم شلكم فيها لا بالعكس اعطيها امل بالحياه

وانا قلت اهم يقولونها من باب ما يحبون الخير لحد

ومشكوره على مرورج الرائع:friends:

 

[كويتيهx5]

لاتفهمينهم غلط يمكن قصدهم انه احسلج بدون وظيفه والزواج بيني وبينج على الاختيار الصح فعلا الحين كل شي يعور القلب بس نصيحتي انا لج توظفي بعدين تزوجي من اللي انا جربته

اممم حببتي مشكورة يا قمر

بس ترى انا ما اسىء الظن طريقتهم واهم يقولونها جنه المنا علي وله ماخذه ريايلهم وله ما خذه فلوسهم

 

[بولندية]

حبيبتي الله يرزقج بالوظيفة والزوج الصالح

استغفري و ماعليج من احد خلي ربج جدام عينج و بس و حافظي على قيام الليل و صلاة الفجر و الله كريم اهو اللي راح يرزقج مو الناس

 

[هــدوء]

رد : ما ادري ليش صايرين جذي؟!!!

الله يوووفقج يااارب

 

[غلا الغوالي]

رد : ما ادري ليش صايرين جذي؟!!!

باالعكسسس يونسونك بها الكلام

وتعرفين النعمه اللي انتي فيها

احسن من الي يقولون لك مسكينه راح عمرك ماتزوجتي ولاتوظفتي

 

[تمثال الحريه]

رد : ما ادري ليش صايرين جذي؟!!!

البنات مانخلص من تحلطمهم
احسن شي اشتغل ويا رياييل اشلج بالعوار

 

[G!RLooNa]

انا ماشوف شي باللي قالوه لا تصيرين حساسه زياده عن اللزوم

اذا قالولج شلج بالزواج وايد ترا تنقال هالكلمه المتزوجه عندها مسؤوليه بيت وريل وعيال ووقتها مو ملكها العزوبيه فري ما عندج الا مسؤوليه نفسج

الدوام و قعده الصبح تييب المرض عادي ماقالوا شي

سويتي مشروع وقلدوج شالمشكله؟؟ عجبتهم افكارج و سوو مثلج ما حبطوج ما قالولج بتفشلين ما قالولج بتخسرين !

لا تاخذين الامور بسوء نيه راح تتعبين وتخسرين اللي حواليج

 

[كويتيهx5]

اسعدني مروركم بنات
بس انا مو حساسه ولا ماخذه الموضوع بشىء خطير
كل مافي الموضوع اقول شنو يبون بس لا اكثر ولا اقل

 

[شطانه طفله]

رد : ما ادري ليش صايرين جذي؟!!!

معااااااااااااااااااااااااااااااااااج


اي اذا صارت الصجيه اول وحده تسكت وتخاف عن العين اللي قالتلج ليش تتزوجين لاحقه

شي يحير جد

 

[warDa.mazioOona]

رد : رد: ما ادري ليش صايرين جذي؟!!!

:friends

السلام عليكم ورحمة الله وبركاته

شوفي ياقلبي لاتظلمينهم يمكن اهم فبالهم انه هاللي يسوونه يبون يصبرونج ويبون يحسسونج انه هالشي يمكن انه يتعبج اكثر من انه يريحج وماعرفوا شلون يوصلولج اياها

وسالفة انهم يفتحون مشروع يشابه مشروعج فيمكن صدف او يثقون بأفكارج ويبون يمشون عليها مو شرط يكون حسد او غيره
(( دايما خلي حسن الظن فبالج ))

والله يوفقج ويرزقج ان شاءالله احسن من اللي تتمنين


موفقين

:friends

 

[cherry67]

حبيبتي كويتيه ساعات الذرابه والسنع ماتمشي مع كل الاودام الوقاحه احيانا تكون مطلوبه لي قالت اشلج بالزواج قولي لها عيل ليش لابده تحت ريلج وتشري بهالقمصان ووحمال وولاده ,شوية دفاشه تنفع .بتبلع لسانها وماتتحجى مره ثانيه وعالوظيفه لي علقوا قولي أشوف آخر الشهر لي طقيتي الكرت بالمكينه وزعبتي بهالفلوس مو ونااااسه !!
مع اني بالواقع ذربه بس صدقيني بعض الناس لازم جذيه تطقينها بوجههم.

أنا معاها بالرأي لأن صج في ناس ما تيي الا بالعين الحمرة وتفشلينها مثل ما هم يفشلونج وان شان على الزواج بيد الله سبحانه مو بيدهم والله يرزقج بولد الحلال اللي تتمنينه وتبشرينا انشاء الله .