ما ادري شيالفة هالريل ؟

[أم زوجها]

السلام عليكم

أول شي انا راح اتكلم عن زوجي بس ما اعتقد حش لأنكم ما اتعرفونه ولا تعرفوني مع احترامي لكم

بس هاذي ميزة المنتديات .. يعني حتى لو أحش فيه عادي لابس والله أحبه وأموت فيه




خنا أقولكم شسالفه .. أنا متزوجة من سنة وزوجي لاحظته غريب ! واهوا يعترف بهالشي ! يعني ما يحتك بالناس .. عادي يطلع ابروحه .. عادي يسافر ابروحه .. عادي يحط هيدفون ويعزف لمده اطويله بالساعات .. عادي انسولف قبل لا انام .. وفجأة أقوم ابنص الليل وإلا الحبيب قاعد بالصاله زقاير وقهوة ! أغلب الأيام على هالحال


وإذا قعد ويا أهلي دائما يتكلم كلام المختصر المفيد .. وجنه واحد عمره مليون سنه ما جنه واحد 24 سنه عمره


يعني اهوا مثلا عنده ان %98 من الناس أغبياء ما يفتهمون .. وإنهم يعيشون على لفلوس

يعني على قولته ..
لو أشيل راتبج أتروحين الدوام ؟
لو أقول للطالب ترى شهادتك علمية بس وما راح أطلع لك افلوس .. راح يظل يدرس ؟
لو اقول للفراش ترى ماكو فلوس .. راح يظل يخدم ؟



يعني عنده وايد افكار من هالطقه .. يعني المفروض احنا ما انصلي .. لأن الصلاة تنهي عن الفحشاء والمنكر .. واحنا يوميا فحشاء ومنكر شالفايده ؟


يحاجج كل منو .. يعني فيه عنده جم خلبوصه






المهم .. انا شخصيا وياي احلى زوج بالدنيا ابنظري .. لكن المشكلة ويا اهلي وأهله والناس كلش ناشف .. احس ان الناس تتحاشاه لأن ناشف وحاد .. بس والله من الداخل انسان جميل



وبعد بعد .. غامض ..

شالحل ؟
:yaaaaaarb:
​

 

[جادل سبيع]

الله يهديه ويصلح باله وايخليكم لبعض..

>>عجبتني افكاره نادرا مافي رجال خليجي ايفكر بمنطق وثقافه عااااااااااااليه اغلبيتهم تفكيرهم الفلوس والتجاره وبس..

رديت بموضوعج الثاني >>اول رد بعد هههههههههه

 

[ام كوثر2007]

اخاف اهو من الله خلقه وهذى حالته ؟؟

والا بس بعد الزواج تعومس ؟؟

ما سألتي اهله عن طبعه هذا ؟

لانه اذا كان خلقه جذى صعب تغيرينه بسرعه

عسى الله يهديه لج.

 

[سكوون انثى]

اهم شي أنتي وياه تعاملكم سوا زين خلاص !

بس تفكيره منططقي يعجبني هههههه

 

[برووورة]

You are NOT alone!!
مرو علي من طقة ريلج
بالنسبة ان الناس عايشين على الفلوس تفكير منطقي من ناحية ان (المال والبنون زينة الحياة الدنيا)
وانة اقول ان اللي يقول الفلوس ما تجيب السعادة مو صح الا هي السعادة ووساعة السدر انة لما متضايقة احب اتسوق وافلها
أحب اكشخ واركب احلى السيايير واوسع سدري كلها تجي بالفلوس فهو تفكيره منطقي صدقيني

من ناحية الصلاة لا لا يستغرق وايد بهالتفكير

من ناحية هو كله بروحه احسن له والله
اش له بعوار الراس وما وراهم الا الغثا
هو يحب يتأمل بالدنيا هاذي هو عالمه

أهم شي معاملته وياج
هاذي شخصيته وتركيبته انتي ماتقدرين تغيرينه
ولكن تقدرين تغيرين نفسج بالطريقة اللي يمكن تغيره ولكنه مو ملزوم بالتغيير
اتمنى وصلت الفكرة والله ييسر الامور ويسخر قلبه لج

 

[{الجارحه}]

ياختي انتي وش عليج من الناس

اهم شي هو زين وياج

 

[sosowaty]

تفكيرة جدا عااادي

بس حرام يقول المفروض مانصلي

 

[Tulips]

مو مهم الناس ولا اهله ولا اهلج

خلاص هذا طبع ريلج ودامج انتي راضيه فيه وعاجبج مو مهم راي الناس

 

[دلوعة صلوح]

دام انة زين معاج خلى يفكر على راحتة هههههههه

 

[منو انت]

من زين الربع والله ياان بعض ربع اهم خراب الزوج تحصلينهم يحشرون حالهم بكل شي لو تقولين له ابي الشغله الفلانيه يقولج رفيجي فلان مايمدحها تبين تشترين شغله يقول فلان رفيجي يقول ماتستاهل هالسعر وووووووويييع


ودام انه زين معاج الباقي مو مهم

 

[Beyoncee]

عندنا وعندج خير
ريلى جذي حتى اصدقاء ما عنده
ولاربع ولا يحب روحة القهاوي والنوادى
ونفس الفلسفه بالفلوس والناس صايره ماديه وما عندها روحانيه
وقلبه ابيض ولاعمره أذى احد ولا افتك من اذية الناس
بس سالفة الصلاة تنهى عن الفحشاء والمنكر
سبحانه قال احب عبادى الخطائين التوابين
ولا تتضايقين راح تتعودين على اطباعه
ولا يهمج راى الناس دام ما تعده على احد

 

[ميمي333]

والله حبيبتي شوفي اذا هو زين معج وطيب وحنون واخلاقه زينه بكيفه هذا طبعه والحمدلله ماله اثر سلبي على حياتكم والله له ربه تطلع عينك تلاقينه سهر عندهم ولايجلس معك ويدخلون براسه بعضهم هالبلاوي والخرابيط وشكثر زوجات اختربو عليهم رييالهم والسبه الربع وخرابيطهم

 

[شادن33]

الحمدلله شتبين بعد اهم شي زين وياج
اما سالفه الصلاه الاحسن لايفلسف فيها هاي عقيده مولعبه

 

[أم الفناتك]

قال تعالى ( وما خلقت الجن والانس الا ليعبدون ) هذا ردي على كلامه بالصلاة واذا الصلاة ماتنهاه عن الفحشاء والمنكر يمكن صلاته فيها نقص لاخشوع ولا تدبر للآيات وكلام ربنا مافييه نقاش الله قال تنهى عن الفحشاء والمنكر يعني تنها الخلل فينا احنا مو بالصلاة
اما سالفة الفلوس فهي مصدر رزق للانسان ومعيشته اهو لو قعد فالبيت اشلون بعيش وعلى قولتهم السماء لاتمطر ذهبا ولا فضه عيل اهو حق شنو عايش ؟؟؟؟ والحياة صارت غاليه علشان جذي الناس انحصر تفكيرها بالفلوس يبون يعيشون من غير الفلوس الواحد اشلون ياكل اشلون يشرب اشلون يلبس انا اشوف تفكيره غريب مو منطقي كلش وبالنهايه اذا زين معاج الحمدلله بس نبههيه امور الدين والصلاة لايتفلسف فيهاوايد هاذي خطوات الشيطان اخر شي بهد الصلاة بسبة هالفلسفه

 

[حجيه هيونه]

امممممم

باجر الى حوالينج يتعودون على طبعه

ويمكن يلاقي له واحد يوالفه ونفس اطباعه

 

[ام شريفه]

نفس ريلي بالضببببط و تفخ راسي ابفلسفته معنه خوش واحد بس لوع جبدي و لوع جبد اهله لوول

ماااااكو فايده طبع بس يخف اذا كلمتيه ابهددوء و ضحك عالبحر خخخخ

 

[PuPa^^SWeeT]

اهم شي واحلى شي بالموضوع كله انه ماعندع ربع



:yaaaaaarb::yaaaaaarb::yaaaaaarb:


ياربي الدور الياي على ريلي يتطشرون ربعه

 

[hazel eyes]

من نااحيه تفكيرره ع الصلاه عندي رد عليه

ان احنا صلاتنا مافيها خشوع وصلاه عاده مو عباده فماراح تنهى عن الفحشاء والمنكر لكن لو كانت صلاه عباده وفيها خشوع وتفكر راح تنهى عن الفحشاء والمنكر باذن الله

والله يصلحه ويهديه ويحفظكم

 

[Freakya]

الحمدلله و الشكر سوري بس اهو الي ما يفتهم ..

بالنسبة لهالجزئية اللي قهرتني

يعني عنده وايد افكار من هالطقه .. يعني المفروض احنا ما انصلي .. لأن الصلاة تنهي عن الفحشاء والمنكر .. واحنا يوميا فحشاء ومنكر شالفايده ؟

الصلاة اللي تنهى عن الفحشاء و المنكر اهيا الصلاة الصحيحة مو الخربوطية اللي تخلص بثواني @@

اهم شي احنا المفروض ما نصلي حضرة المفتي !!!

 

[english muffin]

عادي احس
انا عندي عم اقولج كل يمعة بالزوارة
يقعد معانا 3 4 ساعات
يمكن بس نسمع منه سلام عليكم .. مع السلامة
بسسسسسس بس بس مايكلم احد اهو طبعه جذي
واحسن لج ماعنده ربع