ما ادري تفكيري شلون صاير ساعدوني!!! ادخلوا ضروري

[يا رب ارزقني]

ما أدري تفكيري شلون صاآير !!! دخلووا ضروري
السلام عليكم بنات

بنات انا عندي موضوع شبهـ مستحيل يتحقق

ومرات افكر اني اقرا سوره البقرة وودي يتحقق بسرعه عاجلا

بس يجيني شي يقول حتي لو اقرا ماراح يتحقق
وودي اقرا سوره البقره بس احس بضيقه بمجرد ما افكر فيهـا

بس بضغط علي نفسي واقراهـا بس ما اعرف لما اقراهـا لازم اكون ع وضوء كامل واغتسل

ولا بس اغتسل وخلاص اتمنى انكم فهمتنوني وباي ساعهـ اقراهـا غير ثلث الليل

وچم يوم لازم اقراهـا بنات ساعدوني ترى حتى بصلاتي قمت اطوف بعضهـا

مع اني قبل كنت حييل ملتزمه بس الحين مالي خلق

ويصير اذا أذن الاذان اقوم اصلي ع طول

لاني ودي ارد نفس قبل اصلي صلاتي بوقتها بنات ما كتبت لكم الا لاني عارفه اني غلطااااااانه وما ابي ادمر نفسي

لاان الانسان بدون صلاه حياته راح تتدمر بس شسوي مالي خلق اتعيييز


وسامحوني اذا طولت عليگم ،.،،،،،.

 

[مس تسذآ]

حبيبتي مو بس سوره البقره القرآن ما تمسينه اله و انتي طاهره

لازم تتوضين , الاغتسال مطلوب اذا كنتي حائض او غيره من الامور

لكن بعد الاغتسال توضي و مسكي المصحف و عادي اقري ,

او اذا ما قدرتي خلي بينج و بين المصحف حائل و اقري ,

اما وقت الصلاه فهو مفتووح متى ما بغيتي و قدرتي اقري

طبعا الاحسن الثلث الاخير من الليل

لكن انتي تسالين عن الاوقات الباقيه عادي اي وقت اقري ,,..

اما التكاسل عن الصلاه حاولي انج تغيرين نفسج

و لله الحمد انتي حاسه بغلطج و هاذي اول خطوه عشان تتغيرين

كل ما سمعتي الاذان روحي صلي

و شوي شوي صلي السنن مع الفروض

ليما تردين مثل قبل و احسن بعد

اما سالفه التكاسل فهي من الشيطان لمه يوسوس

عادي تعوذي من ابليس و قومي توجهي لربج ..,,

انا ساعات تجيني حاله التكاسل لكن استغفر و اروح اصلي

اصلا وربي تحسين برآآحه لا خلصتي صلاه

اما ان ما صليتي او اخرتيهآ تحسن جنه منقبض صدرج و حاسه بضيقه .

الله يوفقج حبيبتي .

 

[M!Ss Un!VerSe]

حبيبتي انتي تفكيرج مافيه شي

بس دامج تحسين انج ماتبين تقرين فهو من الشيطان
تعوذي منه واقري

بالنسبة لقراءة القرآن سواء اي سورة لازم تكونين طاهرة ومتوضيه
دامج تقرين من المصحف
مو شرط اغتسال

بالنسبه لوقت قراءتها عادي اي وقت

بالثلث الاخير الله عز وجل ينزل لسما الدنيا نزول يليق فيه عشان يستجيب سبحانه دعواتنا

بهالوقت صلي ركعتين و ادعي اللي تبينه والله يعطيج مرادج اذا كان فيه خير لج

وعادي لمن يأذن قومي صلي او بعد مايقيم افضل

والله اعلم

لقيتلج هالفتوى والله يوفقج


رقم الفتوى *(7258) *
موضوع الفتوى *حكم صلاة المرأة ببيتها بعد الأذان مباشرة *
السؤال س: هل يصح للمرأة أن تُصلي في منزلها صلاة الفريضة فور انتهاء الأذان مباشرة، ولا سيما صلاة الفجر؟ *
الاجابـــة يدخل وقت الصلاة فيبادر المؤذن بالأذان ليعلم الناس أن الصلاة قد حضر وقتها، فمن كان معذورًا عن الإتيان إلى المسجد جاز له أن يُصلي بعد الأذان مباشرة أو بعده بمهلة، ومن قدر على إجابة النداء من الرجال لزمه الحضور إلى المسجد، والعادة أن الناس يستعجلون بعد الأذان بالطهارة وقضاء الحاجة فيمضي بعد الأذان نحو ربع ساعة بعد انتظار المأمومين، أما النساء فإنهن كالمعذور يصلين في بيوتهن بعد الأذان بقليل أو كثير ما لم يخرج الوقت، والمبادرة أولى إلا في الفجر حيث لوحظ أن في التقويم شيء من التقدم، فالأفضل للمرأة ألا تُصلي الفجر إلا بعد الإقامة أو قريبًا منها، والله أعلم.

 

[دلال.]

حبيبتي أول شي تسوينه تغيرين من قناعتج و من خوفج اللي بداخلج ..
و لا تستعجلين الأحداث .. توكلي على الله و الله ما يخيب ظنج إذا ظنيتي فيه خير إن شاء الله ..
شي ثاني القرآن و البقرة كلها أشياء زينة و حلو قرايتها بأي وقت ، و لازم تلتزمين بصلاتج هالشي واجب ماله شغل بالنفسية
أو التفكير أو القناعات و غيرها ..
و الله يوفقج و يهنيج و يحقق لج اللي تبينه ..

 

[دكتواره]

حبيبتي هذا وسوس الشيطان صلي حبووووبه صلي قبل لايصلون عليييييييج بموتج اتمنى اني فدتج

 

[حبي لله اشد]

غصبي نفسج انج تقرين قرآن واذا ماقدرتي سورة البقره
اقري باجي الآيات ورا بعض لين تحسين تقدرين
جبري نفسج تقرين آيــة البقره واذا قريتي قرآن سواء اي سوره
راح يخليج ماتتكاسلين عن الصلاه ..
اهيا مسألة اجبار يعني جبري نفسج راح ترتاحين وتداومين
على هالشي
لانه الشيطان يخلينا نتكاسل عن كلشي وتقعدين تفكرين
سورة البقره طويله وجذي ترا هذا شيطان لانه انا مرت علي
جبرت نفسي اقرا سورة البقره وقريتها يوم كامل
حسيت بشي مو طبيعي كلشي بخاطرج يتحقق
كلشي ولا سورة البقره سبحان الله ..
فـ خلج واثقه انج تقدرين بـ سـاعه وحتى نـص سـاعه
تقرينها كامله واذا ماقدرتي مو شرط ورا بعض
تقرين شوي شوي ..
بس مو صفحه صفحه يعني حاولي مثلا 15 صفحه
بعدين كمليها ..
ولازم الوضوء كامل

 

[يا رب ارزقني]

مشكورين بنات ما قصرتوا

بنات ما ادري شقاعد يصير فيني صايره احب اقعد بروحي وعيزانهـ اني اقوم اصلي او حتى اقعداقرا قران

ومرهـ وحدهـ قالتلي اقري سورة يوسف ولما قريتهـا قعدت ابجي بس من هالسوره ولما قريت كذا سوره ما بجيت الا بسوره يوسف

هالسالفه صايره لهـا اسبوعيين ومن يومهـا صرت عيزانهـ


ادعوووولي بنات ان الله يشافيني ويرزقني

 

[دكتواره]

الله يشيفج حياتي ويرزقج الذرية الصالحه

 

[love^^]

توكلي على الله .......

 

[يا رب ارزقني]

تسلمييين دكتوراه ما قصرتي

بس حبيبتي انا مو متزوجه

 

[є 3 τ и α q]

ياحياتي هذا انتكآس .. وتكآسل وهذا من الشيطآن مو منك
لآزم تحاولين تقويين عزيمتك وتسمعين محاضرات تذكيريه
و عن الصلاه وغيرها ..


وترا موضوعك واضح انك جدآ مهتمه بَ الموضوع
وهذا يدل على انك للحين ماشاء الله عندك همة
ربي يحفظك .. ويسهل امرك يآرب ..

,

 

[يا رب ارزقني]

مشكووورهـ اهذريبگ ما قصرتي

ويارب اعني ع ذكرك وشكرك وحسن عبادتك

 

[Tulips]

تعوذي من الشيطان اهو اللي قاعد يوسوسلج بهالافكار

اول شي لازم الوضووووء كامل

اول شي راح تحسين بصعوبه بقرائة البقره لانها طويله شوي

بس بعدين لما تتعودين عليها نص ساعه وتخلصينها

وغصبي نفسج

والاهم من هذا كلللللله لازم تؤمنين ايمان تام انه الله بيده كل شي ومافي شي يعجزه سبحانه وتعالى لا تقولين مستحيل يصير الله مالك السماوات والارض قادر على كل شيء .. وعلشان يتحقق لج اللي تبينه لازم تؤمنين بهالشي من داخلج وبكل صدق واخلاص

والله يوفقج

 

[* Snow White *]

اعراضج اعراض حسد وعين الله يكافيج شرهم
اقري على نفسج او خلي احد يقرى عليج
وانشاءالله يارب تردين مثل اول وعسى ربي يوفقج ان شاءالله

 

[Vdieta]

اب اب

 

[يا رب ارزقني]

سنواايت اذا على العين انا مره رحت لواحد يقرا

وقالي فيج عين قووويهـ وزهقت وما راحت العين

والمشكلهـ من اقرب الناس لي الله يكافيني شرهـم

ويشغلهـم بنفسهـم يا رب واليوم الحمدلله باديه مع حلمة واتس اب

وبقرا سورة البقره وان شاء تنفگ العيين مني

 

[يا رب ارزقني]

استغفر الله الذى لا اله الا هـو الحي القيوم واتوب اليه

 

[ليـن الـِورد]

تعووذي من الشيطاان وامسكي القران واقري وحاولي تفهمين اللي قريتيه
والتكاسسسل اول ماتسمعيين صووت الاذان لاتفكرين ان في مجال تاخرين الصلاه
ع طوول تعوذي من الشيطان وروحي توضي وصلي
والله يهديج ويثبتج ي رب

 

[يا رب ارزقني]

مشكوووورهـ ليييين


وادعولي بناااااات بان الله يحققلي مرادي عااااجلا

 

[*الهنوف*]

حلو انج ودج تتغيرين وحاسه ان في شي غلط قاعده تسوينه من تاخير صلاة
هذا كله وسوسة شيطان يخليج تتكاسلين عن قراة البقره
ومن قالج تقرين البقره وتتمنين ويصير لج الشي هذي خزعبلات طلعوها بنات المنتدا
الدعاء اهوا الرابط بينا وبين رب العالمين للطلبات والشكوا
ادعي كل يوم وباي وقت مو شرط ابثلث الاخير من الليل لان ربنا موجود بكل حزه بين الاذان والاقامه الدعاء مستجاب
ادعيه بامنيتج او طلبج وبالمقابل حسني عللقتج من ربج من عباده وابتعدي كثر ماتقدرين عن المعاصي
وربج كريم يقول بكتابه الكريم(واذا سالك عبادي عني فاني قريب اجيب دعوة الداعي اذا دعاني)