ما احس ناحيته اي شعوور :(

[روح مغليها]

أنا عندي. ولد امسك ارجوله الثنتين اشمهم واحبههههههم
يمممه الله يخليه لي

 

[مطرها يسبق رعدها]

تو الناس حبيبتي انا ولدي توني بديت احبه بعد الاربع شهور

ولاقبل كنت امثل اني احبه هههههههه

وماحس من ناحيته اي شعور بس احيانا يكسر خاطري والحين طلع الحب على اصوله شي ماينوصف ياحلووووه

وامي بعد تقول انها نفس الشي بس هي احسن مني تحب المولود عقب الشهرين وبعدين تحبنا حب لدرجه يعايرونها القطوه من كثر ماتحبنا وتهتم فينا

وفيه ناس يحبونه من اول ماينولد

 

[بيرلا ستور]

الضنى غالي
حياتي شعورج عادي كاول مرة بس بعدين راح تكون كل حياتج له
ربي يسعد قلبج بشوفته

ولا يحرم حد منهم يهبلون رغم كل التعب

 

[shak!shoka]

انا ولدي حبيته من حسيته يرافس في بطن و كنت اشتااااق اشوفه و كلللل يوم اشوف التاريخ و احسب متى اولد

و لمن ولدت و حطوه ع صدري عشششششششقته حبيته وللحين ما انسا صورته و اهو مبطل عيونه و يطالعني

لو ينام اشتاااقله و اقعد اتأمل فيه


الحين عمره ٣ سنين اسم الله عليه صج مأديني و واااايد بجيت منه و من شطانته بس اسرح وانا اشوفه يلعب و احمد الله عليه اموت فيه و بحركاته العيااااار

وبنتي عمرها شهرين فديت عيونها و خدودها احبببببببببببها حب ما ينوصف ومامو كلمه تعبر
احيانا احس اني احبها اكثر من اخوها
يمكن لانه كبر و شال نفسه شوي

احب ابوهم بس مو كثر حبي لهم

ابوهم تصبر عنه اسبوع عادي ما اشتاقله
بس عيالي
لو اروح السوق او الصالون او الطبيب
قلبي يتقطع ابييييي اشوفهم و ابوسهم و اشم ريحتهم *

 

[sara_77]

احب بناااتى اول شى وثانى شى وثااالث شى وبعدين زوجى لان احس وقتى معاهم اكثر من زوجى واهما محتاجينى اكثر منه

 

[manoooram]

احساس غريب في البداية
لكن أول ما تولدين بالسلامه ويكون البيبي باذن الله بكامل صحته
ودج ما تفارقينه ولا لحظه غير حتى وانتي نايمه تفززين كل شوي على شان تطلين عليه
وراح تذكريني

ومن ناحية منو أغلى مممممم ماكو اثنيناتهم نفس الغلا عندي
أحبهم

 

[ناتشوو]

الزوج و العيال؟
احس احب زوجي اكثر
بس الاكيد
كل واحد له غلاه
بصراحة انا مااحبهم وهم صغار حيل
علاقة واجب
انظف ابدل اعطيهم حليب
بس لي بدو يكبرون
ويلعبون ويسولفون
تبدي قصة الحب
خاصة لي كانو نايمين
اتذكر سوالفهم واضحك
واروح ابوسهم وهم نايمين
الله يصلحهم ويصلح عيال المسلمين

 

[طيبة83]

ودج تشقين قلبج بيدج وتخلين ولدج فيه وتخشينه داخل عشان ما يصير له شي


الله يحفظهم لنا ان شاء الله

 

[بولندية]

انتي نفسي انا ولدت قبل شهري بجر بعد

وما كنت احس بأي شعور مع ان ريلي كان طااااير فيه من كنت حامل فيه وساعات احس ما ابيه حتى كنت اقول حق امي ما احس بأي شعور تقولي خل يطلع من منج و راح يطلع معاه غلاه

و ولدته و قعد ولدي بالحضانة 4 ايام و استغفر الله حزتها مادري يطلع منها لحضني و لا ل... بعيد الشر

وكان الوضع عادي عندي ماهتميت فيه بس يوم طلعت من المستشفى طلع معاي الحمدالله و هم عاااادي تدرين متى حسيت اني صج احبه و انه غااالي

يوووم خذوه مني ريلي و خالتي وعمره 11 يوم يودونه يجيكون على بو صفار هني صج خنقتني العبرة لما كنت اشوف اغراضه حسيت ان ماراح يردلي صج بغيت ابجي بس كنت اقول الحمدالله بوصفار خفيف و لاغيره

و الحين صج احـــــــــــبه و اخاف عليه من الهوا و اشتاق له اول ما اقوم من النوم يطري علي ولدي مع ان ساعات انسااااه ههههه

الله يقومج بالسلامة ان شاءالله و تفرحين فيه

 

[بحةة آلشۈق]

اذا ولدتي بتحسين بششعور الامومه
وزوجك گمان بتحبيه مثل قبل عادي

 

[~*~الملكة~*~]

عياااالي اكثر اكيد عاشوا داخلي كانوا معاي بكل لحظه

ولم يبتهم حبيييييتهم بكل مافيني وحبي لامي وابوي صار شي ثاني حبيتهم وتعلقت فيهم بزياده

احب ريلي بس حبه مايتقارن مع عيالي اهما اكثرررر

 

[ام الحلوااات]

اكـــــــــــيــــــــد احـــــب ريـــلــــي
بــــــــــــــــــسسسسسسس
بـــــنــــــاااااااتـــــــــــــــــــــــــــي اكـــــثـــــر
لانـــهــــم قـــطـــــعــــــه مــــنـــــي وتـــعــــــبـــــت عــــلـــيــهـــــم واااااااااااااايــــــــــــــــــــد
مــن حـــــمــــلـــــي وبــــولادتــــــــــــــي
وهــــم بــنـــفـــااااســـــــــــي والــــــــــى يـــــومـــــك
ورااااح تـــــــجـــــربـــيـــــن
حــــــــــــــب الـــــــعــــــــيــــــااااااااال
غـــــــــــيييييييييـــــــــــــــر غــــييييييييــــــــــر
عــــن حــــب الـــريــــل​

 

[أنفاسي دخون]

من تشوفين البيبي تتفجر الاحاسيس كلها

وحب العيال غير والزوج غير

الله يخليهم لي ولا يحرمني منهم :yaaaaaarb:

 

[فاقده ابوهاااا]

انا اييب عيالي من اهني وربج يعطيني كل الحنان والعطف والحب من اول يوم على قولت ريلي يقولي رحمي عيالج لا تحبينهم بهالطريقه علشان لا تتعبين
فديت عيالي

حبيبتي انتي اذا قمتي بالسلامه بعد جم يوم راح تحسين باحساس غريب وخاصه اذا رضعتيه ولميتيه صوب صدرج

 

[تناهيد مطير]

أنا احب زوجي بس حبي لبنتي غييييييييييييييير

اول الأشهر ساعات راح تتعبين من الجاهل وتتنرفزين وتتمنين ألراحه

بس لما يكبر ويبتسم يممممممممه ياحلوهم


أنا بنتي بتكمل ال٦ شهور والله لما اكون حدي متضايقه وتبتسم لي انسي الدنيااااااا

لا واذا ضميتيهااا يووووه خلاص تحسين انج ماتبين من هالدنيا شي الا أن ربي يخليهاا لج

الله يقومج بالسلامة ويرزقك بالطفل السليم المعافى وتحسين بأجمل إحساس بهالكوون

ويرزق كل من يتمنى طفل اللهم ااااااامين *

 

[om MaRyooM]

كل وحدة وشعورها
بس شي طبيعي انج بتحبييينه وتخافين عليه وبتفدينه بروحج لأنه ظناج من لحمج ودمج
سبحان الله شعور غريب عسى ماننحرم منه



وبالنسبة للمقارنة اتوقع على حسب الزوج اذا كان وايد زين معاج اتوقع بتحبينه اكثر
اذا كان عادي بتحبين الياهل اكثر

 

[AVE.NJ]

امبيه الاثنين
كلهم لهم مكان بالقلب
سؤالج جنه تقولين منو تحبين امج والا ابوج؟؟
عرفتي الاجابه اعتقد

 

[q8 بقلب اماراتى]

:rerrerek::rerrerek::rerrerek::rerrerek::rerrerek:

اول ماتولدين راح تحسين عادي جنه مو ظناج بعد يومين ثلاث خلاص هنيه تموتين عليه سواء بنت او ولد

انا بنتي احبها وااايد وتكسر خاطري بنفس الوقت

 

[عسل مرت قيمر]

امبيي اول ماولدت ذكرتيني


كان ماكو شعور جنه مو ولدي


شي غريب

عقب مارديت البيت من عقب المستشفى اهني حسيت صج مالي


والحين عمره بيدش سنتين


واااي اموت فيه وهم ابوه كل واحد حبه غير

ماعندي الا هلود وصج احس مانفارق بعد


ناكل نلعب نطلع انام كل شي كل شي


خصوصا انه ماجاسته خدامه كلش ماعندي خدامه ولا احب تجيسه خدامه


وسلامتج

 

[انامل ناعمه]

يوم شفت ردودكم بكيت ترا حساسه مره ه ه
يارب لاتحرم احد من الامومه
اناعندى ولد يارب لاتحرمنى منه حياتى بدونه ماتسوى عمره سنتين و9شهور
اذا شفتى ضناك بتعلقين فيه