ما احبه و مابي أحبه و ماراح أحبه

[أم حمودي**MALL**]

انشالله تلقين حل

 

[miss mama]

قالبه حياتج جحيم لانه انتي رااااااااافضته رفض نهائي ولا حاولتي حتى تحبينه !!!!!
هالشي يخليج تشوفين عيووووووووووبه وماشتوفين فيه شي فوق العادي


بس انا متاكده بداخلج حب له هو الي صبرج 6 سنين وخلاج تحملين منه وتربين عياله .. لو غيرج وصج هذا شعورها شيجبرها تصبر يوم واحد؟ لا تقولين مابي عشان اهلي عيالي ..كل هذووووووووووووووووووول راح تخلينهم اخر اعتباراتج اذا صج الوضع لا يطاق ومختنقه ! ........ ما سمعتي الي يقول انا ومن بعدي الطوفان؟ ..لو انتي من هالنووع كنتي نحشتي عنه من اول سنه زواج..مو ست سنين اخر شي عنوانج لخص حالتج انتي الي حطيتي نفسج بدائرة مغلقه ومو سامحه لنفسج تنفسين وتحبين بني ادم عاشرتيه 6 سنين من عمرررررج وكونتي معاه بيت .............. الله يفتح قلبج و يسر اموورج ويبعد عنج الهم والغم .. ولا تفكرين بماضي وتقولين اهو سبب الحاجز لانه الي قبل حبيتيه ورفضتيه نساج وتخطاج وحياته ماشيه .............. الله يعين.

 

[انا مو هني]

رد : ما احبه و مابي أحبه و ماراح أحبه

لاتحبينه بس عيشي معاه الحب من الله بس جاملي وان شالله انتي تقتنعين انج اتحبينه لو اتحبينه جان ماتميتي معاه 6 اسنين

 

[حياتي فراغ]

رد : ما احبه و مابي أحبه و ماراح أحبه

خلي يحب وحدة غيرج و يتزوجها و يطلقج عشانها
وبجذي بتصيرين جدام الناس و أهلج مظلومه

 

[So0oKaRa]

الحب مو بيدنا
مانقدر نتحكم بعواطفنا ومشاعرنا
واكبر مشكله لما الوحده تتزوج واحد وماتقدر تحبه
انا حاسه فيج لانه كنت مخطوبه لشخص فتره وماقدرت ابلعه شكثر حاولت اني اتقبله ولا قدرت والحمدلله تفركشت السالفه وماتزوجته الف حمد وشكر
بس لو ريلج انسان زين ومو مقصر معاج ولا مع عيالج ما يهينج ما يطقج ما يخونج
قعدي معاه وحاولي تكلمينه وتصارحينه قوليله ابيك تدلعني ابي تدللني ابي احس بحبك لي
صارحيه بمشاعرج بس طبعا من غير ما تجرحينه عشان يساعدج ويسوي شغلات ممكن تحببج فيه
قوليله احس برود وفتور بعلاقتنا كزوجين قوليله محتاجه كلام حلو منك
او انتي ابدي بهالشغلات
الله يحببج بريلج ان شاءالله
وترى وايد بنات كانو يحبون قبل الزواج ولما تزوجو حبو رياييلهم
فماتوقع انه هذا اهو السبب
موفقه حبيبتي

 

[in style]

الله يسخركم لبعض يارب و يحببكم ببعض

 

[الغلاااااا]

انتي حاطه ببالج هالشي معناته خلاص لو شنو يسوي ماراح تحبينه



الحل صارحيه قوليله ابي احبك غير معاملتك انا متعوده اعيش معاك بس موقادره احبك



واهم شي حبيبتي انسي اللي كنتي تحبينه وشيليه من بالج ولاتقارنين اي احد بالدنيا بزوجج
اكبر دليل انج تقارنين انج للحين بعد زواج 6 سنواااات مانسيتي اللي كنتي تحبينه

حبيبتي لاتدمرين حياتج بنفسج اللي كنتي تحبينه راح وانشغل بحياته واكيد نساج


وصدقيني مستحيل بعد هالعشره ماحبيتيه لو شوي (( لو يصير فيه شي لاسمح الله راح تتحسفين ماراح ترتاحين صدقيني))

 

[قوية الباس]

رد : ما احبه و مابي أحبه و ماراح أحبه

بعد قلبي انتي والله حاسه فيج

بس بقولج شغله.. تخيلي حياتج بدونه ؟؟؟؟؟؟؟؟؟

تخيلي عيالج فبيت اهلج محرومين من ابوهم؟؟؟

يهون عليج

انتي تناقضين نفسج بحجيج نصيحه مني كثري الاستغفار وابدي صفحه يديده وقولي اليوم ابي احب زوجي

خلج حنونه عليه بكلامج بنظراتج لمساتج

وشوفي النتيجه صج بتحبينه ماكو شئ يستاهل اتهدين بيتج وعيالج عشانه

والله يوفقج ويملكم قلوب بعض

 

[مملكة الحب12]

والله كل كلام البنــــــــــــــــــــــات درر سمعي النصايح اللي تعمر بيتج مو اللي تهدمه

وبعدين لو تطلقتي وتزوجتي واحـــد ثاني هل تعتقدين انج راح تحبينه واذا ماحبيتيه بتطلقين وتروحين تزوجين الثالث لين تلاقين الحب شنو؟
حمدي ربج على زوجج على الاقل صج ماتحبينه بس في بينكم عيال واحترام وهذا اللي تبي كل وحده متزوجه
والمثل يقول ماتحس بقيمه الشي اللي تفقده

صح يابنات كلامي

 

[sarooona]

حبيبتي الحب ترى موكلشي اهم شي الاحترام والتقديراذا متوفر فيه هل الصفتيين صدقيني راح يطغى على الحب
الله يصبر قلبج حبيبتي

 

[اعذرك ان سهيت]

رد : ما احبه و مابي أحبه و ماراح أحبه

اوو اوووووووو شهالكلام بعد 6 سنوات وكل هذا الكلام تقولين عنه انا ادري ليش انتي ماتحبينه الانج كنتي تحبين واحد قبله ويمكن الانسان الي قبله كان يعاملج معامله احسن على شان جذي قلبج مو قادر ينساه بس اا تبين نصيحتي حرام عليج تجسين عالريال

 

[Killer^Girl]

الله يعينج
بس ترا اهوه ماحبج لانج انتي ماحبيتيه
حاولي تحبينه من قلبج اذا تبين حياتج تستمر
او صارحيه واتوقع اهوه يبيها تيي منج

 

[قلبي تركواز]

احس من موضوعج انج انتي من بدايه زواجج ماحبيتيه ولا حاولتي تحبينه يعني انتي ناشفه
وحتى موضوعج عنوانه ماراح احبه يعني انتي اللي مسكره الابواب كلها في وجهه
شلون تبينيه يحبج ويدلعج ؟؟ وانتي تقولوين ماراح احبه يعني مومعطيته فرصه حتى

 

[[[ عيون جابر ]]]

6 سنين ماتحبينه ؟ والله لو هو حيوان حشاكم جان انحب بهالمده
تعوذي من ابليس بس هذا ريلج سترج وغطاج وعندج عيال منه ومومقصر عليج بشي حمدي ربج ألف مره مو مره وحده وعن التفقق

 

[شقرديه كيوت]

رد : ما احبه و مابي أحبه و ماراح أحبه

نصييييييحه ياااا بنااااات اهممممم شي بييين الازواج الاحترااااام موووو الحب -- وع فكره اكثر اللي يدلع ويصفف الحجي راااعي خربطه --

 

[نـعـومـه]

رد : ما احبه و مابي أحبه و ماراح أحبه

6 سنين ولا قدرتي تحبينه ؟؟

ماقدرتي تحبينه فتره الملجه ؟؟ ماقدرتي تحبينه عقب زواجكم ؟؟ ماقدرتي تحبينه مع العشره ؟؟ ولما تييبين عيالج ماحبيتيه باللحظه ؟؟

ماحبيتيه لما حملتي منه ؟؟ ماحبيتيه لما يبتي ولدج وولده ؟؟ عشره 6 سنين ماحبيتيه ؟؟

تقربي منه واهتمي فيه ورسمي الابتسامه على ويهج هنيه تحبينه بأذن الله

 

[brettey]

رد : ما احبه و مابي أحبه و ماراح أحبه

حبوبه عليج بالدعاء
دايما ادعي ان الله يحببج بزوجج ويحببه فيج
عندج عيال انسي شي اسمه طلاق

 

[توته ورديه]

مادري ليش احس انه السالفه جذب

انا من شفت انه اول مشاركه وحسيت انه ماكو مصداقيه بالموضوع

واذا صج سالفتج الله يهدي سرج

استغفر الله الوحده ما قامت اتصدق العضوات اليدد بسبب السوالف اللي قاعده تصير بالمنتدى

 

[لومية]

البنات كفو ووفو
بس اللي بقوله انج لاتقارنين زوجج باللي كنتي تحبينه
خلاص لازم تقتنعين انه هذا نصيبج وهذا زوجج ابو عيالج وصدقيني الله مايسوي الا الصالح للإنسان يمكن لو كنتي ماخذه اللي تحبينه راح تعيشون بصراع مع الأهل ويموت الحب اللي بينكم
مو كل شي حب ورومانسية كبري عقلج انتي الحين ام مو مراهقه
*

 

[RoWaIsHeDyA]

الحين انتي مقنعه نفسج انج ماتحبينه وانه مافي شئ بس ماتحبينه وبخاطرج ترجعين تحبين نفس قبل شلون بالله بتتغير حياتكم وبعدين انتي تقولين انه مابينكم شئ ونشفان انزين مو يمكن اهوا حس انج ماتحبينه ونشف معاج ترى الريال على ماتعودينه ومايصير تريحين عمرج وعيالج ياكلونها مافكرتي فيهم انتي مجبره تحبينه هذا ابو عيالج ومصيرج معاه شلون تتطلقين ماتعرفين شنو راح يصير بعدها فرضا تعرفتي على واحد وحبيتيه بس اهوا استغلج لانج مطلقه وهذي وايد تصير فرضا حبيتي واحد وتزوجتي وريلج خذا الاطفال او عاشوا معاج بس اهوا ماكان صالح معاهم يعني في مليون الف شغله استعوذي من بليس وردي رتبي حياتج واقنعي نفسج تحبينه قولي كل يوم احبه احبه احبه وكل يوم حطي سبب حتى لو كررتيه حتى لو مثلا احبه لانه ابتسم احبه لانه احبه اي شئ المهم غيري فكرج وبتتغيرين