ما أقول إلا حسبي الله ونعم الوكيل....

[glby7sas]

حبيبتي المجلس الطبي انا لما رحتله اشكره اشوف الواسطات وانا حالتي تقريبا نفس حالتج اصلا المفروض من يشوفج حامل بعلاج هذي بروحها فيها شهر بس شتقولين الله وكيلج واهو حسبي الله ونعم الوكيل فعلا انا رحت مثلج وشفت البهذله من غير واسطه ويزاها الله خير دكتورتي ادعيلها ليل ونهار تدخلت بالموضوع وكلمتهم عشان يعطوني المجلس بأطول مده يعني مسكينه هم سوتلي واسطه استغفر الله اللي يستحق ماياخذ واللي ياي مافيه شي بس عنده واسطه ياخذ على كيفه

 

[al_kadee]

بنات ادعوا لي والله تسكرت بوجهي حاولت اسوي طبيات للاسبوع اللي كنت ضامنه انه مجلس طبي ورفضني ماقدرت و راتبي خصم و زوجي قطاع خاص ومو ملتزمين ب راتبه مره يخلونه شهرين بدون راتب والحين انا على وجه ولاده مادري اداوم على اخر شي ولا شسوي بنفسي تعبت نفسيتي صرت ابي اولد مو عشان ارتاح واعيش الامومه لا ابي اولد عشان ماينحسب غيابي خصم
وباجر بروح للمجلس الطبي نفسه وبقدم تظلم وانا على ثقه انهم ماينصفوني ومستطيل يطلعون الدكتور المصري غلطان لكن شسوي انا في رجا الله ان يفرجها علي حتى امومه ماراح اخذ ابي اولد اجازة وضع وبعدها على طول بداوم ماديتي زيرو حسبي الله على من كان السبب

 

[^ lamooosh ^]

انا عند ظن عبدي بي

خلي ايمانج بالله قوي
وتوكلي عليه


وسوي اللي قلته لج عن الطبيات
والله يردون لج كل شي
وبخصوص الطبيات خلي
دكتورتج تكتب لج طبة خمس ايام
بالتاريخ القديم
وايد دكاتره يسونها
طبات خصم نص يوم ولا يوم كامل
ودمجيها مع باقي الطبيات
وصدقيهم

 

[glby7sas]

حبيبتي روحي حق عياده زين صوب كويت ماجيك راح يعطونج طبيات قديمه دخلي عالدكتور وكلميه وان شاءالله يعطيج

 

[Mrs.H]

فعلا المجلس الطبي واسطات بس للامانة انا مافكرت اخذ مجلس طبي لان الدوام كان المكان الوحيد اللي ما اييني الوحام فيه عكس البيت والمجمعات والمطاعم اييني وحام قوي بس حمدلله
اعرف وحدة رفضها المجلس الطبي واضطرت تداوم وتعورت

الواحد مايدري شيقول يعني مو خسران الدكتور لو وقع

 

[شندوخه]

الله ياجزج ويكون بعووونج
المشكله ان ربعنا خربوا حتي الدكاتره والله صارو يعطونهم رشاوي عشان ياخذون مجلس طبي
حسبي الله ونعم الوكيل
صار اللي مستحق تنوكل حقوقه واللي يلعب وماشي بالحرام مرتاح ومستانس
بس يالله اليوم من المال وباجر من الاعمال

 

[Dalo0o3a Cute]

حسبي الله ونعم الوكييييل

 

[om attami]

ميخالف يا عمري شتسوين حسبي الله عليهم

لو عندچ واسطه امورچ تمشي عاااال العاااال

الله يقومچ بالسلامه ان شاء الله وتفرحين بشوفة ظناچ

ويعينچ ?

 

[جامعيه طموحه]

حسبي الله عليه ونعم الوكيل جد انقهرت عليج عسى يشوفها باقرب ناسه

خلي يولي الراتب اهم شي صحتج والي ابطنج والله يرزقج ويتمم عليج بالعافيه ويسهل ولادتج

 

[mafio98]

مو بس المجلس الطبي مال الجهرا جذي انا العام قدمت مجلس طبي بالصباح وكنت انزف وحالتي حاله مالت اللجنه كويتيه رفضت المجلس ووقعت لي دخول مستشفى شهر !!!! واذا طلعت ماتنحسب ووقتها كنت بالثامن واول مره اقدم على مجلس طبي بلاخير طلعت ولا استفدت من المجلس شي واتقولي انا اعرف مصلحتج اكثر منج