ما أبي عيديه .. شلون أقولها من غير زعل

[mf6nt el3lat]

هاه بشري شسويتي خلص العيد لوووووول

 

[مولاي الفرج]

اذا ماتبين العيادي تصدقي فيهم

 

[هدوء العالم]

مكبرة الموضوع الله يهداج

لين الحين في حريم بالخمسين وبالثلاثين ياخذون عيادي من أخوانهم إلي أصغر منهم
يقدر أخته الكبيرة ولا قالت شئ
والجد والجدة يوزعون على أحفادهم وأحفادهم الموظفين يعطون جدانهم عيادي

شوفي العيدية مو بالمبلغ إلا من غلاة إلي يعطينا
بالنسبة لي أحلى عيدية لي ولخواتي وأحنا كنا بالثانوية وإلي بالجامعة
ربع دينار من جدي الله يعطيه الصحة والعافية ويطول بعمره
قعدنا نطالع بعض نضحك ونبكي بنفس الوقت لين الحين نذكرها
ونقول أحلى عيدية

 

[Tom ♥ Jerry]

,


حياتي ليش ماتبين عيديه ترا مافيها شي
كلها عيدين بالسنه و يعطونج اياها من باب حبهم لج !
لا تحطين في بالج انهم يعطونج اياها عشان مادري شنو ..
و اذا ما تبينها اخذيها و تصدقي فيها مثل ما قالت وحده من البنات بس مو تردينها
لانها مثل الهديه :* ما تنرد

انا متزوجه و عندي بنت مرات خوالي و عمامي و ابوي يعطوني عيديه
حقي و حق بنتي اخذها و اشكرهم !
عيب اردها مايصير ! :/لانها مثل ماقلت مثل الهديه
و اكيد عيب تردين شخص ياي يعطيج هديه :*

 

[اصيله بنت البدو]

مهوله السالفه من غير داعي عادي مافيه شي ابوج يعايدج هذا فرحه عيد وانت تحت جنحان ابوج
انبسطي ووسعي صدرك وبري فيه واخونك نفس الشي وعشان جي بادليهم بالعيادي لاعطوج اعطيهم وهيك
وهيك قولي مايصير اخذعيدي وماتخذون عيدتي .

 

[Zoozie]

اي والله كلها مرتين في السنة
تدرين شلون انتي اخذي الفلوس وعطيني اياها بالخش هههه
لا بس بنات ترى هي تقول ان في اشياء واختلافات بينها وبين بعض الاهل ف العيدية منهم غير عن عيدية اي شخص ثاني
حبيبتي انتي حاولي تفهمينهم بغشمرة انج كبرتي على العيدية و ان شاء الله تنحل المشاكل بينكم