ما أبي عيديه .. شلون أقولها من غير زعل

[صدع القلب]

Tom & Jerry

ههههههههه سكتي عيزت أقول أنا كبرت وأتميلح بس ماكو فايده :/ وأصير منحرجه بدرجه ما أقدر أرفض أكثر من مرتين ... شي ممل .. أنا ما أبي هالعيديه لا من ابوي ولا غيره ... بس أبي أوصل هالفكره بطريقه مقبوله عشان جذيه قلت أسمع أرآئكم .

مشكوره :eh_s(17):


عشتار

مشكوره :eh_s(17):



دلوعة ابوها

والله اختي ما أدري شقول ... ماكنت حابه يتشعب الموضوع .. بس ابوي الله يهديه من النوع اللي أكرم منه ماكو بس إذا زعل من الواحد حتى لو على شي تافه يسحب منه كل شي عطاه اياه ... موبايل .. مفاتيح سياره .. هالشي كان من زمان وانا صغيره .. بس علم بقلبي واشتغلت بعمر صغير واعتمدت على نفسي وتعودت ما اطلب منه شي إلا للضروره .. يمكن عشان جذيه أتحسس من عيديته وعطايا الغير .

مشكوره :eh_s(17):


Combat

بالضبط ... انتي اول من فهمني .. أنا حاسه بالتقصير وخلاص تكيفت وراضيه فيه ولا أنطر يتصلح .. بس ما احب يترمم بهالطريقه المشوهه .. الانسان لما ينجرح من أقرب الناس بشكل شبه يومي ما يعطي مجال للجرح يطيب وكل ما أقول طاب يرجع يتجدد .. وأخرشي تطلع هالعيديه مثل الملح على جرحي ... شلون أقبلها ؟؟ قلبي مو أسود بالعكس أكره المشاكل وأطوف واتغاضى وأجامل بس بحدود ... ما احب أحد يستغفلني .

بالنسبة لاقتراح الهديه .. ما ادري مخرعني لأني ما أضمن رد الفعل بس بفكر فيه .

مشكوره عالنصيحه :eh_s(17):

 

[صدع القلب]

ديانا سبنسر :eh_s(17): & black rose BH :eh_s(17): & الجذابه 2022 :eh_s(17): & M!ss CoLoRz :eh_s(17): & ام فواازي :eh_s(17): & أروح فدوه لك :eh_s(17):

خواتي اللي عمرها أصغر من ال22 ما راح تفهمني .. واللي أكبر بقول أنا مو مكبره الموضوع .. الموضوع يضايقني .. وفوق هذا يحرجني .. وللي تكلم عن المبلغ أنا أدري انه مو كبير .. بس بنفس الوقت اهو مو صغير ورمزي دينار أو اثنين اللي اعتبره نكته وغشمره وآهضمه كضحكه ومزحه ثقيله ، لأ هذي عيديه .... حطوا نفسكم مكاني وتخيلوا انكم انتوا قاعدين باليمعه ودار مداركم الصغار طقة 17 و 19 وأصغر ويتوزع عليكم عيديه حالكم حالهم ... لا ومن منو من شخص انتوا ما تستلطفونه ... كل وحده فينا عندها ببالها هذا الشخص بالعايله اللي علاقتنا فيه بارده وتقتصر على الواجب والمجاملات .. تخيلوا هالشخص بعايلتكم ماد لكم عشر دنانير تافهه ... ولا أحيانا مطرشها ويا واحد من اليهال راح يوصلكم مقصدي :eh_s(4):

مشكورين :eh_s(17):


هنا 22

يا ليت الله يفكني من هالحساسيه وكثر التفكير .. أحيانا لما أشوف أحد فاهي وماخذ الامور ببساطه أحسده والله أحسده ... لأنه شي ما اعرف اسويه .. حاولت وحاولت بس مو بإيدي شيسكت الراس لا تكلم

مشكوره :eh_s(17):


عادت ذكرياتي

ههههههه اهي لو على اليمعات والتواصل جان ما شكيت ... والفرحه ما زارتني من دهر ... بس لي الحين ويهي يعرف يبتسم ويجامل .. أتحسس وخيالي واسع .. بس ما اعتقد لهم ايد بهالمصيبه ... أكره النفاق عشرين بوسه وكلام مصفف وماصخ عصرنا عليهم ليمونه وبلعناهم ... بس هالعيديه الغثيثه :l .. كل اللي كنت طالبته مواساة واقتراح معقول يفكني من غير ما أبين جاحده .

مشكوره :eh_s(17):


Bloom

ما أعتقد ظرفج نفس ظرفي ... الله يخلي لج البنوته ويحفظها .

مشكوره :eh_s(17):


جذابه بنت ذيابه

هههههههه لا أبشرج العيديه سويتلها إعادة تدوير ... قمت أوزعها على عيالهم وآنا طالعه عيديه مني :/


مشكوره عالنصيحه :eh_s(17):

 

[صدع القلب]

ام الدرر

اختي سامحيني قلبت عليج المواجع .. صدقيني أفكر دايم باللي قلتيه عن الفقد وأخاف من هاليوم ومن اللي بحسه فيه .. وأراجع نفسي دايما وأحاول أضبطها أنا ماني صغيره طابوقتين وأدش الثلاثين يعني المفروض أكون تعديت مرحلة التسرع بالأحكام .. بس للأسف الظاهر في أشياء الواحد ما يتعلمها إلا من جيسه.

البعد يسوي العجايب يخلينا نشتاق حق الناس واتلاشى عيوبهم بعيوننا .. بس القرب يخلط الأوراق ونار الجفا والقسوه تقتل كل شي .. وما تعطي مجال الواحد حتى يتناسى .. خاصه لما يصير الطرف الثاني مو مستعد يسمع إلا السكوت ... ما أدري شلون اوصف حالتي اهي حساسيه ولا سلبيه .. الله يسامحني ويغفر لي إذا أخطيت وينور لي بصيرتي ويهديني حق عمري ووالديني.

تسلمين ما قصرتي والله يخلي لج كل غالي :eh_s(17):​

 

[صدع القلب]

A.E :eh_s(17):

:eh_s(17): VET-Nour

صح العيديه لما تطلع من القلب ... تصير وناسه وعادي .. وما تضايق بأي عمر .. في شخص أو اثنين أخذها منهم ولا اتضايق .. وأفرح فيها ... لأن طريقة العطيه تفرح ... ولأني أحسها بقلبي قبل لا تمسكها إيدي .

مشكورين :eh_s(17):

 

[ام الدرر]

ام الدرر​

اختي سامحيني قلبت عليج المواجع .. صدقيني أفكر دايم باللي قلتيه عن الفقد وأخاف من هاليوم ومن اللي بحسه فيه .. وأراجع نفسي دايما وأحاول أضبطها أنا ماني صغيره طابوقتين وأدش الثلاثين يعني المفروض أكون تعديت مرحلة التسرع بالأحكام .. بس للأسف الظاهر في أشياء الواحد ما يتعلمها إلا من جيسه.​

البعد يسوي العجايب يخلينا نشتاق حق الناس واتلاشى عيوبهم بعيوننا .. بس القرب يخلط الأوراق ونار الجفا والقسوه تقتل كل شي .. وما تعطي مجال الواحد حتى يتناسى .. خاصه لما يصير الطرف الثاني مو مستعد يسمع إلا السكوت ... ما أدري شلون اوصف حالتي اهي حساسيه ولا سلبيه .. الله يسامحني ويغفر لي إذا أخطيت وينور لي بصيرتي ويهديني حق عمري ووالديني.​

تسلمين ما قصرتي والله يخلي لج كل غالي :eh_s(17):​

ياحياتي لا قلبتي ولاشي
بالقلب ماينسي لين نلحقهم
عسى الله يهديهم ويصلح مابينكم ويسخرهم لج
ويصفي القلوب ويصلح النوايا​

 

[ام رينـاد]

الله يهديج انتي وايد مكبره السالفه اسمحيلي

 

[اميره^_^بحلآها]

ماعندج سالفهه والله عشان عيديه زعلتي ..!~
بعكس وناسهه حتا لو انتي ام عيال اخذي مافيهـا شي بعكس وناسسه و مثل ما قالت الاخت توم

 

[mf6nt el3lat]

اسمحيلي احسج مكبره الموضوع .... بس اذا مانت العيديه تفرح ابوج لا تحرمينه من هالفرحة ... مهما كان هذا الوالد ومافيها احراج ...

اما الباقي ... قولي لهم كل عيد انتو تعطوني عيديه خلاص هالعيد انا بعطيكم وياويييله اللي مايرضى ... لووووول عاد شوفي شعورهم وسوي نفسهم ...


وعيدج مبارك *

 

[mf6nt el3lat]

مشكله التفكير احنا البنات اذا كل شي نفكر فيه ونحاتيه وانبش بالسوالف القديمه احس نعجز بسرعه حلات المخ يكون صافي الا من ذكر الله ...

فيه دعاء جمييل دايماً رددوه يكفيكم ان شاء الله هموم الدنيا : (( اللهم اجعل همي الاخرة )) .

والله يكون بعون الجميييع وسوري اذا فهمناج غلط ... *

 

[ايمان الغساني]

حبيبتي انا فاهمتنج وحاسه باحساسك والله وانا نفسك ما اريد اخذ عيادي من احد
صحيح ما اشتغل ومش متزوجه بس وايد انحرج لما حد يعيدني حته لو اقرب الناس لي وبينا موقف معين واحــاول اهرب منهم عشان ما اخذ عيديه ..

 

[جيجي 1410]

عادي لا تتحسسي من الموضوع انا امي للحين تاخد عيديه من امهآ اللي هيا جدتي
فعآآدي جدا جدا

 

[روانتي 12]

عادي حبوبه طوفي و شيلي الي بقلبج
ادري ماتبينها لان قلبج يعورج
بس ماعليه ربي عطانا نعمة نسيان انسي الي صار وياج من مواقف صعبه
و عيشي العيد بحلاوته و الله العيد يونس بس احنا الي نخربه

 

[سمر20]

حبيبتي بسيطه قولي لهم انا موظفه واسبقيهم وقدمي لهم انتي عيديه خلك انتي السباقه ولو رفضوا احرجيهم بنفس الطريقه قطيهم عالطاوله وقولي عشان ارتاح

 

[سمو الغلآ]

من ابوج صح فشله حسيت شعورج

اما غيره لا تاخذينه فشله خلاص كبرت اصلن عندنا بس لي تتخرج من الثانويه وتمشي لها اعانه محد يعطيهاا

اللي يوزع عليج قولي انا اوزع عيادي م اخذ ع ضحك

 

[(حكاية قلب )]

ماعنــدج سالفــة مكبــرة الموضوع عشان عيديــة
بالعكس عادي وخاصتا اذا من ابـوج ,,,​

خخخخخخخخخ لو انـا منـج باخذها وانــا شاقــة الحلــج محد يعاف لفلــوس
كلهــا مرتيــن في السنـة ,,​

ههههههههههه مع الاخت :krkrkr:

 

[Ghreba eb derty]

حاسه باحساسج

مهما كانت الظروف والعلاقات بينج وبينهم هم يظل فشله وويع

شرايج تاخذينهم على جنب وتكلمينهم بالموضوع او تكلمينهم واتساب تفهمينهم انج كبيره وموظفه وشايله عمرج وماله داعي العيديه وردي عليهم بحزم مو بضحك لان بضحك مراح ياخذونها جد !! لان صج مبلغ تافه شنو ديناريين مو بالروضه انتي :/

والله انا ما تعديت العشرين واتفشل لمن يعطوني شلون انتي بعد الله يعينج

 

[مدّهره !]

تدرين فهمت نقطتج بس الأب يظل أب لاتردينه حتى لو معاج حق

وحاولي تفصلين بين العيديه ومواقفه اللي تمر عليج بحياتج

إحتسبيها عند الله ...’

وتذكري دوم إن لج فيها أجر يظلوون سندنااا يااوخيتي

والله يصلح الشأن ويهديه لج ..’

 

[أم خشم]

ما اد ري بس هذي عيدية ما فيها لا كرامة ولا تجريح
عادة من عادات العيد و ماحد يكبر على العيدية
ان اماادري شنو الظروف اللي تخليج ترفضين و تحسسين من هالموضوع لكن السالفة مو طرارة او اعانة علشن تقولين انا موظفة وما علي قاصر لان مثل مايقولون ( انا غنية و احب الهدية ) فعادي
ان اهذا رايي
و شكرا

 

[@حبايب@]

الهديه لا ترد

 

[دمبوووشه]

شوفي حبيبتي انا اشوف انج مكبره الموضوع>>> مادري حسيت هالشي من كلامج
اول شي ترى عادي مافيها شي العيديه بالعكس انا استانس عالعيديه صج اني بالكليه بس والله ماستحي اذا اهلي عطوني عيديه ..اصلا ماصدق على الله >>>>لوووول
والله جد احساس العيد بالعيديه
انا فاهمه انج تشوفين نفسج كبيره لكن ترى غلطانه انتي بالعكس توج بنوته صغيره استانسي عالعيادي ولاتضايقين روحج وتنقثين
وسالفة ان ابوج يهينج او يجرحج بالعيديه بالعكس ماكو ابو جذي يمكن في بس مبين ابوج مايعرف يعبر عن مشاعره وعشان جي حب يفرحج بس مو عارف شلون