ما أبي اتطلق... بس هل فيه حل ثاني؟؟!

[مرهونه]

الله يهدية كل الرياييل جذي بس انتي حطي شرط لما تزعلييين سفراو طلعة او اي شي عشان يهدي اللعب شوي والله يهدي مابينكم:yaaaaaarb:​

 

[حرم_طيار]

رد : ما أبي اتطلق... بس هل فيه حل ثاني؟؟!

الله يعينج حبوبه
اول شي شيلي فكرة الطلاق مو عشان شي بس عشان اليهال
ثاني شي فتحي قلبج له وكلميه قولي له انا ضحيت بأشياء وااايد عشانك غيرت من حياتي عشان اونسك لبست العبايه والنقاب عشان اونسك ليش انت ما تتغير عشاني واتحاول اتونسني واتحسسني بأنثوتني بس طبعا كلميه بهدوء عشان لا يعاند طلعي كل اللي بقلبج بجلسه صراحه يكون قبلها عشا حلو من صنع ايدج بعدها نومي الياهل وقولي يا بو فلان بكلمك بطلع كلام محبوس يقلبي من زمان وصدقيني وبحول الله راح يتغير بس اهم شي الهدوء والثقه وانتي ماشألله عليج امبين عليج انج فاهمه وعاقله
الريال مثل الياهل بسرعه يمل من اللعبه السهله والبنات اكيد كانوا نزوا وانتي العزيزة الغاليه
اذا اذا الله لا يقول وما نفع الكلام روحي معاة العمرة مسحوا كل شي سلبي صار بحياتكم ورجعوا معاريس وابدوا من اول يديد

 

[❣ʍíՏՏ ҽӀҽցɑղϲҽ❣]

لا تتطاقين ولا شي اصبري وحقريه واهتمي بنفسج ودلعي روحج وحسسيه ان الاولويه في حياتج هي انتي
وخلييييييه يحتااار ولا تفتحين معاه الموضوع مره ثانيه

عجبني كلامج واااااااااايد كتكوته يعطيج العافيه

 

[❣ʍíՏՏ ҽӀҽցɑղϲҽ❣]

بس احقره صعب مااقدر احس كل مااحقره يتمادى

 

[❣ʍíՏՏ ҽӀҽցɑղϲҽ❣]

رد: رد : ما أبي اتطلق... بس هل فيه حل ثاني؟؟!

الله يعينج حبوبه
اول شي شيلي فكرة الطلاق مو عشان شي بس عشان اليهال
ثاني شي فتحي قلبج له وكلميه قولي له انا ضحيت بأشياء وااايد عشانك غيرت من حياتي عشان اونسك لبست العبايه والنقاب عشان اونسك ليش انت ما تتغير عشاني واتحاول اتونسني واتحسسني بأنثوتني بس طبعا كلميه بهدوء عشان لا يعاند طلعي كل اللي بقلبج بجلسه صراحه يكون قبلها عشا حلو من صنع ايدج بعدها نومي الياهل وقولي يا بو فلان بكلمك بطلع كلام محبوس يقلبي من زمان وصدقيني وبحول الله راح يتغير بس اهم شي الهدوء والثقه وانتي ماشألله عليج امبين عليج انج فاهمه وعاقله
الريال مثل الياهل بسرعه يمل من اللعبه السهله والبنات اكيد كانوا نزوا وانتي العزيزة الغاليه
اذا اذا الله لا يقول وما نفع الكلام روحي معاة العمرة مسحوا كل شي سلبي صار بحياتكم ورجعوا معاريس وابدوا من اول يديد

خوش حجي اختي.. انا ابي اواجه المشكله واحلها مو احقره واطنشله..

 

[حرم_طيار]

رد : ما أبي اتطلق... بس هل فيه حل ثاني؟؟!

هذا عين العقل حبوبه واجهه المشكلع افضل لج
التطنيش والحقران راح يكبر المشكله ويزيد المسافه و الجفاف بينكم

 

[modern]

رد : ما أبي اتطلق... بس هل فيه حل ثاني؟؟!

الدعاء لله و الله ما يردج

 

[كنوشة 2009]

اهم شي لا تحسيسينه انج احسن منه بكل شي
لان في ريايل يحبون يصيرون اهم الاحسن في كل شي
يعني لا يحس انه اقل منج لان في هالحالة راح يدور على اللي اقل منه مستوى في كل شي
والله يهديه

 

[الأمـــواج]

شقول

والله الحال من بعضة ومادري شسوي بعد

 

[أنا Top أنا]

رد : ما أبي اتطلق... بس هل فيه حل ثاني؟؟!

والله حبيبتي هذا ما ينفع فيه الكلام ..

ماقول الا مالج الا الصبر عشان انتي ماتبين الطلاااق اصبري ..مصيره بيكبر وينسى هالسوالف !!

 

[حلمي الجنة]

مرحبا حبييبتي طحتي على الجرح زي مايقولون انا مدمن نت بنات علاقات جنس كل مايخطر على بالك ولا الف مره امسكه وهو يكلم كل شي سويته تهاوشت وجيته باسلوب حلو ورحت عند اهلي شهر كل الطرق فاششششششششششششششششششششششششششششله انا احبه بس الحين طابت نفسي منه خخخخخخخخخخخخخخخخخخخلاص مامنه امل وحنا صابرات على انهم راح يتغيرون وعلشان اعيالنا راح يكثرون اعيالنا وحنا نكبر وهم ماتغيرو الحين انا متمنيه الطلاق اليوم قبل بكره ومترددةعلشان عندي ثلاث بنات الله يحفظهن لوكانوصبيان ماتردتت لحظه في الطلاق بس بنات راح يضيعن من غيري خوفي من وحده من بنات الحرام تضحك عليه ويتزوجها عاد ساعتها نحط صبرنا بكوب ماي ونشربه

 

[غمزه وإبتسامه]

الله يسخره لج يارب

 

[جــــاذبية]

رد : ما أبي اتطلق... بس هل فيه حل ثاني؟؟!

واجهيه وسأليه عن خرابيطة وإذا نكر هالشي معناته محترمج وطوفي ولاتنبشين وراه راح تتعبين إهمليه لين يحس ويحترم نفسه وينقد على نفسه ...
وإذا قالها بالخط العريض معناتها مابي أتفاول عليج الله يهديه لج ويسخره إن شاءالله ...
صبري عليه بما إنه طيب وحبوب ترى مافي رجال سيدا وأنا إختج ...
رفيجتي مسكينة صارت معاها وقالها بالخط العريض إي أغازل عندج مانع والمسكينة من كثر ماتحبه ماطلبت الطلاق وتتهاوش وترجع ويوم من الأيام قالها يبي يجينا عشا من بره وتعشت معاه وسوالف وتدق عليها إختها وينج قاعدة أتعشى من عشا الذبيحة إلي جانا وقالت لها يالخبلة هذا عشا ملجة زوجج تزوج عليج وطبعا خذت قشها وصارلها سنتين عند أهلها لا سأل عنها ولا عن بنته ناسيهم مع إنها أجمل وأحلى منها ويوم طلبت الطلاق قالها بدزلج ورقة الطلاق وللحين ماطلق الله لايوفقه وحاليا طالبة الطلاق وكرهته كره العمى الله يصبرها ...

 

[الاميره هديل]

انضم الى اختي ام علي حبيبي

 

[اشتياق]

تكفين سمعي هالحجي اللي امي حافره فيه راسي من كثر ماتقوله لي يوميا

الريال لابد له خرابيطه وعيونه زايغه

واخرته لبيته وعياله

تقاضي عن اخطاءه

لاتدورين وراه ولا تنبشين

اشتري راحة بالج يايمه وخلي المركب تمشي

الغيره ماتجيب الا الحريق<يعني القهر قصدها

لو انج ملكة جمال الكون وتدورين عالمشاكل والزلات عمرج ماراح تعيشين

انزين يمه ليش اهو مايصير زين؟؟ليش انا لازم اسكت؟؟

لان الريال يايمه من باجر يلقاله مره والحريم على افا من يشيل وبتصبر عليه وتتحمل عشان عيالها

المره منا لا بد تضحي وتسكت واتطوف طيش الشباب

ولاتقولين يخون لانه لاقي قصور لا يايمه هذي فطره فيهم

و ....الخ

تبين رقم امي؟؟لوووووووووووول

 

[ام كوشه منكووشه]

رد : ما أبي اتطلق... بس هل فيه حل ثاني؟؟!

عسى الله يهدي ويسخره لج ان شاءالله

 

[وجودالسعودية]

لازم تقعدين معاه وتتفاهمون في مكان عام في مطعم فية كباين عشان تاخذين راحتك وهو مايعصب عليك ويعلي صوتة
قولي لوتكتشف في يوم من الايام ان لي عشيق واكلمة واهدية واشوفة وش راح تسوي وش ردة فعلك ابيك اتجاوب بكل صراحة على سؤالي
الرد اللي يقولة قولي له هذا شعوري تجاهك اللحين بس انا ضحيت بنفسي عشان اعيالي وانت للاسف للحين ماعقلت
انا ما اخونك ومستحيل اسوي شي يغضب ربي علي لكن تاكد ان ربي راح يجازيك بفعالك هذي يافيني او فختك او فبنتك مثل ماتلعب في بنات الناس راح يجي يوم وينلعب في بناتك
البنات اللي يكلمونك مايبون منك الا المادة والجنس وانت ذكي ماتحتاج احد يعلمك راجع نفسك لا تخرب بيتك بيديك
والله يهدية اللهم امييييييييييييييييييييييييييييييييييييييييييييييييييييييييييييييييييييييييييييين

 

[❣ʍíՏՏ ҽӀҽցɑղϲҽ❣]

اهم شي لا تحسيسينه انج احسن منه بكل شي
لان في ريايل يحبون يصيرون اهم الاحسن في كل شي
يعني لا يحس انه اقل منج لان في هالحالة راح يدور على اللي اقل منه مستوى في كل شي
والله يهديه

انا عمري ماحسسته اني احسن منه بشي بالعكس كله امدحه واحسسه انه افظل شخص بهالدنيا.. وانا شخصيتي كانت قوية قبل الزواج بس الحين احس مالي شخصيه كلش وحاسة ان هذا اهوالشي اللي خلاه يتمادى..لاني ماادري احس المره اللي شخصيته قويه مافيها انوثه..

 

[❣ʍíՏՏ ҽӀҽցɑղϲҽ❣]

شقول

والله الحال من بعضة ومادري شسوي بعد

الله يعيني ويعينج

 

[❣ʍíՏՏ ҽӀҽցɑղϲҽ❣]

مرحبا حبييبتي طحتي على الجرح زي مايقولون انا مدمن نت بنات علاقات جنس كل مايخطر على بالك ولا الف مره امسكه وهو يكلم كل شي سويته تهاوشت وجيته باسلوب حلو ورحت عند اهلي شهر كل الطرق فاششششششششششششششششششششششششششششله انا احبه بس الحين طابت نفسي منه خخخخخخخخخخخخخخخخخخخلاص مامنه امل وحنا صابرات على انهم راح يتغيرون وعلشان اعيالنا راح يكثرون اعيالنا وحنا نكبر وهم ماتغيرو الحين انا متمنيه الطلاق اليوم قبل بكره ومترددةعلشان عندي ثلاث بنات الله يحفظهن لوكانوصبيان ماتردتت لحظه في الطلاق بس بنات راح يضيعن من غيري خوفي من وحده من بنات الحرام تضحك عليه ويتزوجها عاد ساعتها نحط صبرنا بكوب ماي ونشربه

احس مافيه حل الا ان يتدينون يطولون اللحيه ويقصرون الدشداشة لان اللي مافي قلبه دين ومايخاف الله بيسوي اي شي لانه ماكو رادع.. الله يصبرج ويعينج فعلاً اللي عندها بنات تفكر فيهم قبل لاتفكر بنفسها..