ماي غريب من لبنان

[ma3boocha]

السلام عليكم بنوووتااات


رفيجتي يايبتلي من لبنان هالدوا

dentinox infant colic drops

المهم


الزبده




ان مو عارفه استعمله
ولدي عمره شهر و نص
و لما اعطيه مثل ما اهو مكتوب عليه 2,5 ملي يغص و يشرق لانه واااااااايد ثقيل

1- كاتبين عليه ان الجرعه 2.5ملي بس مو محددين حق اي عمر هالجرعه

2- كاتبين ممكن اعطيه دايركت بحلجه او عن طريق المميه .. ماقالوا مميه فيها حليب و اخلط معاه الدوا او اعطيه اياه بالمميه بدون حليب بس على اساس اسهل من الابره بالحلج





بلييييز فييدوني مع ماي غريب لبنان
صناعته انجليزيه

 

[سنو - وايت]

حبيبتي مو اي شي تعطينه ولدج تاكدي اول

 

[سنيوره101]

حبيبتي ،، انا مره اختي رايحه لبنان وكنت انا نفاس حزتها وتعبانه من صياح ولدي جابتلي دوا وتقول هذا يطلع الغازات ويريح طفل مدري شنو وتقول انه معروف بالبنان ولكل يستخدمه
عاد انا وسوااسيه وديته الطبيب وسالته عن الدوا ،، قال من وين جايبته هذا ما ينباع بالكويت وهذا يستخدمونه الدكاتره في عمليات التخدير للاطفال يعني مو اي احد يستخدمه ،،،
عاااااد صدمني وحذفته بزبال
فنصيحه اخذيه وديه الدكتور اطفال واستشيره احسين ،، لا تعطين ولدج اي دوا مت غير استشارت طبيب

 

[الأميرة جوري]

لرفع

 

[noo7a]

ودي للدكتور يقولج طريقه استخدامه احسن
و صدقيني مايمنعون دوا بالكويت الا لسبب معين
فديري بالج مو اي شي تعطينه للبيبي

انا ماي غريب العادي مال المستوصف عطيته حق ولدي مرتين
خدره حيل و قمت اخاف منه ماعطيته بعد*

 

[ام رينـاد]

السلام عليكم
حبيبتى العلاج ممتاز هو عباره عن خلاصه زيت الشبت
تعطيها مقدار 2.5 سم 3مرات
ووايد زين حق الياهل يريحه
بس قبل كل شي اسألي الدكتور​

:eh_s(7):

 

[احب الزين مهما]

حطيه بمميه معاه ماي

 

[<<لمار>>]

الدواء اللي حاطه صورته اسمه دنتينوكس انا مستخدمته لولدي ينباع بالكويت بكل الصيدليات وهم يابته لي حماتي من لندن وايد زين ويريح الياهل بس انا كنت احطه برضعه الليل علشان ينام مرتاح وتالي يوم كبر عادي عطيه اياه اشربه شوي شوي

 

[<<لمار>>]

انا احطه مع رضعه حليب عادي وسمعي الاصوات اللي بطلعها لج لووووول بس هذا موماي غريب هذا دواء عادي للغازات نفس تركيبه الانفاكول اللي ايوبونه من لبنان اسمه بيبي كال صج يخدر الياهل لانه فيه مادة مخدرة يستخدمونه حق الاشعه اوفحص الياهل علشان مايتحرك ودكتوره سعاد البصيري قالتلي مااستخدمه الا للضرورة القصوي ومااكررها بعد الافضل البعد عن هالاشياء

 

[ma3boocha]

لالالالا لماااار

البيبي كال غير عن هذا

بيبي كال دواا للمغص عندي اياه


هذا غير كلش




ومشكورين حبيباتي

احب الزين مهما _ ام ريناد _ لمار مشكورين عالمعلومات



وعلى شان اتأكد اكثر بوديه حق صيدلاني يقرا محتويانه اذا زينه والا لا

 

[om MaRyooM]

عندي منه . . احط حق بنتي يدوووب واحد ونص او 2


وبيبي كالم مو زييييين كلش كلش كلش

سالو عنه د.عفاف الرومي او فهد المخيزيم وشوفو شلون بيخزونكم لوول
لأن محتوياته زيت الحشيش .. واحتمال يصير بالياهل صرع

(دشيت بموضوع ثاني لوول) بس للتنبيه

 

[ma3boocha]

وي وي وي ام مريوووم

حلفي !!!!


بيبي كالم قاعده اعطيه عيالي الكبار اذا فيهم مغص
و مفكره اعطيه الصغير
يا حسرتي




ىنزين ام مريوم هالدوا تحطينه في المميه ؟؟؟

و جم مره باليوم ؟؟

و صج يفيد والا عادي ؟؟

 

[om MaRyooM]

معبوجة ..

هالدوا وايد خطر سوي سيرج بالنت وشوفي محتوياته

حتى اذكر وحدة كاتبه تجربتها مع ولدها مادري ولد اختها الله اعلم .. كانو معطينه الدوا الظاهر كثرو منه واختنق
ودوه طوارئ مبارك والدكاترة ينو لما عرفو شنو معطية الياهل








المهم

بالنسبة حث هالدوا مرتين او 3باليوم .. واعطيها 2ونص مل

بس حسيت ماي غريب المستوصف احسن + بونيسان من همالايا يههههبل اعطيها ياه مرتين باليوم او حسب

 

[ma3boocha]

ثانكيووووو ام مريووم


<<<< جااااااان تقط بيبي كال بزباله

 

[KOKO_284I]

بيبي كال مو زين ودكتور بوحيمد ودكاتلره السيف قالولي لا تعطينه لولدج مو زين