ماي البيبي ناااقص ؛؛؛

[مرت بابااي]

حبيبتي ارتااااحي وشربي ماي زمزم زين

 

[bubble.gum]

حبيبتي قلبونه ..
ان شاء الله ماكو الا العافيه وتشوفين البيبي بحضنج غيري الدكتوره شوفي شتقول وسمعي كلامها ولا تسمعين كلام احد ..

 

[زيووونتييي]

انا كنت نفس حالتج بحمالي الاول رحت حق اكثر من مستشفى وقالولي مثل الكلام اللي قالولج اياه بالضبط

ناس مشوه وناس معاق وناس بتفتح بطني باول الثامن

بس ما خليت احد يفتح بطني وما مليت لين ما رحت حق دكتور محسن طلبه والحمدالله عالجني وكثر عندي ماي الرحم كل الدكاتره اللي رحت لهم حريم ورياييل بالهادي والسلام قالولي مستحيل في شي يكثر ماي الرحم وكلهم يبون يفتحون بطني لدرجة اني ايست ونفسيتي صفر لين ما امي حياتي قالتلي شخسرانه خنشوف هالدكتور وايد يمدحونه بس انا كنت خايفه لانه بمستشفى الامومه وكان يديد ومحد يمدحه بس لما رحت له عجيب عجيب هداني وفهمني انه حجم البيبي مو مهم المهم صحته بس ماي الرحم مو زين يقل اكثر لانه البيبي راح يتعب والمهم طبعا حركة البيبي لازم ما تقل حركة عن 10 حركات باليوم وكنت اسوي تخطيط عساس اتطمن اول باول والحمدالله ولدني بعد الله طبيعي باول التاسع وبنتي اسم الله عليها ما فيها شي غير انها نعووومة ويا حلات النعومه

اهم شي مالج شغل بالقصاصيب وشوفي دكتور زين وتجنبي الحريم لانهم سيده بيفتحون البطن ان شالله منو كانت وباي مستشفى لو شنو كانت سمعتهم انا دكتوره ناهد اللي بالسلام للحين اتحسب عليها تقولي لازم قيصري اول الثامن وتسىلني اسىله حسستني انه الياهل معوق لا سمح الله تقولي ريلج يصيرلج ؟؟ واحتمال كبير يكون الطفل مشوه او معوق ومستحيل ماي الرحم يكثر قالت وايد خرابيط لدرجة اني طلعت ابجي منها وريلي قعد يهديني

اهوا كل دكتور عن دكتور يختلف وكل دكتور عنده اخطاء بس غلط عن غلط يفرق والعلاج اللي عطاني اياه دكتور محسن يمكن غيره ما يشوفه مناسب بس انا الحمدالله خذيته وكثر ماي الرحم وولدت طبيعي اكيد اهو على الله بس لا تقعدين وتقولين صح كلامهم ويعرفون قطيعه قصاصيب ما همهم غير الفلوس

 

[You FOR Me Only]

الله يخليها لج يارب وتفرحين بشوفتها سليمه متعافيه من غير لا زياده ولا نقصان

اقري المعوذات وانفثي على بطنج ودايم سمعي سوره البقره وادعي بكل صلاه خصوصا الفجر

 

[مناوووي]

عسي ربي يحفظ مافي رحمج
استودعيه وربي يحفظه
الله يكتب لج الي فيه الخيره

 

[أإلع ـشق دلع ـهـأإ]

لا تحاتين ولا توسوسين

خلج كله منسدحه وكثري من ماي زمزم ترا شرب الماي يزيد ماي الجنين

اقري ع الماي الزمزم ايات الشفاء وادهني بطنج

وادعي ربج ربج اهو حطه ابطنج واهو الي يحفظه

والله يحفظ جنينج ويبلغج بشوفته يارب

 

[(سلام)]

سمعت عن ماي زمزم لانه مكوناته نفس مكونات ماي الجنين وادا شربتيه يعوض النقص

 

[زيووونتييي]

حبيبتي سامحيني ماقدر ارد عليج رساله خاصه لانه مشاركتي شويه

المهم انا اذكر شنو عطاني بس ما يصير تاخذينه الا بوصفة دكتور وما طول اسبوع واحد عساس جذي ما قلت لج شنو اهوا

الحين انتي اي شهر ومتى اخر مره راجعتي

 

[عسل حدي]

استغفر الله الذي لا اله الا هو واتوب اليه

 

[بنت^كآليفورنيآ]

انا نقص الماي بالتاسع
مت خرعه ووشربت ماي زمزم حييل قلن كامل شكبرة كل يوم اشرب منه
لان قريت ان ماي الزمزم زين

مالج الا ربج
اقري سورة البقرة واشربي ماي زمزم
وجيكي دايم
ولحد يخرعج
اذا مكتوب لها تقعد لما التاسع بتقعد صدقيني

 

[orchidia]

حبيبتي

أنا من الخامس تنزل مويآتي ..

بالبداية كنت أروح أسبوعياً الحين أروح كل أسبوعين

الصراحة ما شربت ماي زمزم وتوي أسمع عنه ان شاء الله بأشربه بس التزمت الراحة ما اشتغل كلش

والحمدلله

بس أحسبي الحركة 10 حركات بـ 24 ساعه

غير جذي كنت لما أروح للدكتورة تقول لازم الماي يكون بحدود 4.5 سم وفوق

يعني لما يقل الماي عن 4.5 أتوقع لآزم أدوية

الله يتمم عليج يااااااااارب

وكآني أدعي ربي يتمم حملي للتاسع وما تنقص موية البيبي

الله يتمم عليج ويآي

 

[M6eria]

الله يخليها لج

وتشوفينهااا بصحه وعافيه ياقلبي

الله يطمنج عليها ...

 

[قَلبڪْ صًخرْ]

الله يخليكم لاحبابكم
وماتشوفون بغالي مكروه

رفعتوا من معنوياتي
وفرحتوني بالدعاء وانكم طمنتوني



اوريكيديا
والله انا ميته خرعه
وبروح سبت اراجع بعد

والحركه انا ماحس فيها وايد
قليله وضعيفه ،

وعالراحه برتاح لما ربي يهونها
ويسهل علي وعليج وعلى كل حامل
مسكينه






زيونتي
طلبه قالولي مسافر لظروف عائليه
شعطاج ؟ عشان اكلم دكتوري
مو هامني الياهل نتفه
كثر مايكون بصحه وعافيه
وكامل ومافيه عيوب

هذا الي مازمني
اخاف حيل

 

[none2012]

حبيبتي الله يتمم لج على خير
وتشوفينه بحضنج ياإاارب سليم معافى

اشربي ماي زمزم وارتاحي