مايو كلينك

[يارب يطيب عبود]

مرحبا كويتيات
شلونكم، شخباركم
ان شا الله طيبين

بدخل في الموضوع على طول
مين عندها أي معلومه عن مستشفى مايو كلنيك بروشستر منيسوتا بأمريكا
مين عالجت فيه أو تعرف أحد أبي أي معلومه لو بسيطه
وبالنسبه للحجاب في المنطقة هل هو عادي ولايستغربون

الله يجزاكم خير فيدوني لأني دورت بقوقل ما لقيت مواضيع

 

[بدوره87]

والله رفيجتي كانت فيها علاج حق ام ريلها اهيه مدينه طبيه و فيها سوق صغير و قالتلي هاديه و بتلقين وايد كويتين لانه معروف هالمستشفى و سلامات ما عليكم الا العافيه

 

[يارب يطيب عبود]

الله يسلمك

 

[شندوخه]

هلا حبيبتي انا رحت للمايو كلينك وسويت عمليتي فيه والحمدالله رب العالمين
اول شي المنطقه هاديه جدا واهلها ودوديين لاقصى حد حبيت امريكا من تعاملهم
والمستشفى ماشاءالله كبير وشامل ومتفرع فيه تخصصات كثيره والله يسخرهم
وبالنسبه للحجاب لا كلش سهاله والله في حريم نقابات وعادي جدا بالعكس يحترمون النقابات والحجابات
وبالنسبه للمجمعات روشستر فيها مول صغييير جدا بس يكفي الاشياء الاساسيه وفي كولز و اولد نيفي وبيبي ار اس هذيله بروحهم مو داخل المول وفي ول مارت وسامس كلاب بس لازم تسوين فيه اشتراك لانه سوق جمله ودايما عندهم عروض يوم السبت
وفي مول كبير وحلو يبعد ساعتين تقريبا بالسياره اسمه مول اوف امريكا قريب من مطار منيابلس في السانت بول
وفي بقاله عربيه اسمها الاراضي المقدسه زينه في الاحتياجات العربيه بس هم تبعد حروه الساعتين
وفي بروشستر واحد باكستاني عنده حلال بس انا ماحبه لان مره شرينا منه لحم وطلع معفن
وبالنسبه للسكن في شقق فندقيه لازقه بالمستشفى يسمونها العرب الماجد لها جسر متصل بالمستشفى تروحيله مشي ماتطلعين بالبرد بره وفي بيوت تتأجر وسعرها حيل ارخص وقريبه من المستشفى .. شوفوا انتوا شنو تفضلون
واي سؤال حاظر بس دزيلي عالخاص
وماتشوفون شر