مايندرى عن الدنيا . اشلون انتجمع فلوسنا

[مااتحمل غيابه]

السلام عليكم ورحمة الله وبركاته


بنات انا اتمنى تفيدوني انا مااشتغل ربت بيت وزوجي يعطيني معاش من عنده كل شهر 120هذا بس مصرف جيبي على قولتهم وانا وحده مهووسة سوق اموت في شي اسمه سوق ومشتريات احس اني اذا صرفت ارتاح مادري نفسيا فا ودي امسك ايدي شوي واجمع حق نفسي المبلغ اللي يعطينياه ماني عارفه اجمع منه او اقسمه
اتمنى كل و حده تفيدني اشلون اجمع من هالمبلغ البسيط تكفوووووووووون لاتخلوني عطوني لو مجرد فكره يمكن تنفعني وراح ادعي لكل وحده لو ترفع موضوعي





تكفون بنات ديرتي ابي تفاعل لاتفشلوني:balo:

 

[farawla_q80ia]

حاولي تقللين مصروفاتج وفكري كذا مرة بالشغله اللي تبين تشترينها هل اهي فعلا مهمة ومحتاجتها عالاقل حاولي تخشين 50

 

[مااتحمل غيابه]

فديتج فراوله ماقصرتي

 

[DLOOOO3a]

اشتريلج حصاله اوك

و حطي فيها لو كل شهر 20 - 30 اللي يرحج و اذا تبين اكثر او اقل

و هالحصاله ما تفتحينها لو شنو الا اذا تبين فلوس خلاص حدج مفلسه لووول

و الله هالطريقه تنفع و لما تروحين السوق اخذي مبلغ معين و قولي ما بصرف اكثر من جذي

و اول ما يخلص المبلغ اللي انتي حاطته لا تفرين تشوفين بعدين تشوفين شي يزيغ قلبج و تبينه و تلخبطين الخطه كلها

اول ما يخلص المبلغ طلعي من السوق و بس

و رفع لعيونج

 

[ScarletteO'Hara]

و لو ان 120 دك ما تكفي كلش بس انتي لازم تخشين فلوس
الملابس خليهم بداية كل موسم بس و الاعياد ماله داعي كل ما رحتي السوق خميتي الاكو و الي ماكو
اشتري حصالة فخار من سوق الايرانيين و قطي فيها على كثر ما تقدرين بعد ما تخلصين من صرفج المعتاد
ساحلي ريلج خل يزيد المصروف على الاقل يعطيج 150
حاولي تدخلين جمعية ب 50 مع ناس وايد بيطلع لج مبلغ حلو

 

[مااتحمل غيابه]

اشدعوه عاد يالله نبي تفاعل اكثر قولولي اشلون اجمع عشان تفيدون وتستفيدون

 

[واقعية حـلـم !]

الله يبارك لك حبيبتي


لا ادشين السوق الا معاج ورقة فيها شنو تبين تشترين لا تخلين التشري عشوائي لان بتاخذذين اشياء ما تحتاجينهم

وانا اقولج الحين ابدي من اليوم

شوفي كبتج رتبيه عدل لان اذا رتبتيه عدل بيبين شنو عندج و شنو محتاجه مرات الحوسه تخلي عندج قطع حلوة مو مبينه

و اكتبي الي ناقصج بورقه

و حطي لج حصالتين

وحده تحطين فيها لو ميه فلس كل يوم صدقه الله يدفع عنج البلا فيها
و الثانيه تحطين فيها خمسين دينار كل شهرر

و قللي من روحات السوق و المطاعم


و الله يبارك لج و يوفقج

 

[sereen]

خلليلج هدف عشان التجميع مثلا تسوىين شغلات اتبيعينها حلو انج قاعدة بالبيت عشان تستثمرين وقتج وتحسين بقيمة الفلس, وقللى طلعات سوق لان من الملل عمرى انتى قاعد ة اتفسفسين الفلوس من غير حساب ولان مافى هدف معين فى بالج اقل مافيها هدف انج تسوين مبلغ

 

[إيش الحياه؟]

لوووووووووول شنو حصاله ؟
فتحيلج حساب بدون كرت عشان لا تسحبين منه يكون نفس البنك اللي يودع لج ريليج الفلوس فيه
اسهل لج بالتلفون تحويلين من حساب لي حساب
وكل شهر سوي فيه إيداع اللي تقدرين عليه ..
او حتى لو ريلج يعطيج اياهم كاش تقدرين تودعين فيه بالمكاين مثل مكاين السحب الآلي
الله يعينج الصراحه مادري شلون تتصرفين 120 بروحها ماتكفي
و جان زين اتعلم انا راتبي 860 وماني قادره اخش منه شي والله العظيم
وكل مره اقول مايصير ببدي من الشهر الياي وماكو فايده
سوق ومطاعم وصالونات وبانزين ... .........إلخ

 

[FOSHIYA83]

ترا مصروفج وايد شويه ؟؟؟

انا اقول ليش ماتشتغلين ؟؟ واذا تو الناس على توظيفج خلي زوجج يعطيج كل شهر 200 ودخلي جمعيه ب 10 شهور ب 100 دينار راح اتحصلين الف دينار حطيهم بالبنك هلالف وبعدها كل شهر قطي بهالحساب الي تقدرين عليه 50 او 30 او 100 اتييج اشهر ماتحتاجين فيها نزلة سوق فتستغنين عن ال 100 معنى كلامي الي تقدرين عليه اتحطينه حطي لو 10 دنانير وشوفي اخر السنه المحصول وادعيلي بالساده مع زوجي

 

[مااتحمل غيابه]

مشكورين حبايبي بس ابي افكار اكثر

 

[* ليــــدي *]

كتبي احتياجاتج بورقه

 

[شمس 20]

الله والله هالمعاشات كل مايزيدونها هم ماتكفي مادري شنو نسوي نبوق ياربي

 

[النهج الاسمى]

اشتريلج حصاله اوك

و حطي فيها لو كل شهر 20 - 30 اللي يرحج و اذا تبين اكثر او اقل

و هالحصاله ما تفتحينها لو شنو الا اذا تبين فلوس خلاص حدج مفلسه لووول

و الله هالطريقه تنفع و لما تروحين السوق اخذي مبلغ معين و قولي ما بصرف اكثر من جذي

و اول ما يخلص المبلغ اللي انتي حاطته لا تفرين تشوفين بعدين تشوفين شي يزيغ قلبج و تبينه و تلخبطين الخطه كلها

اول ما يخلص المبلغ طلعي من السوق و بس

و رفع لعيونج

كما قالت بالضبط

 

[cherry67]

دشي جمعية ب50 ولا تروحين السوق وايد أنا كنت مثلج كل ساع أروح السوق مع أني متقاعدة ومعاشي الحمداللة يكفيني بس ساعات تمر علي ظروف مثل تصليح أوسيرفس للسيارة .فدخلت جمعية السهم 100 أحصل 1000 دينار وسويت اللي في بالي وأحاول أجمع من المعاش والحمدلله وما أشتري الا اللي أحتاجه وضروري.

 

[رفاعيه]

اذا كان معاشج ١٢٠ اعتبريه ١٠٠ وال٢٠ حطيها في حسابج
وقللي من روحات السوق

 

[دلعووووه]

حبيبتي نفس ماقالو البنات حطي لج 50 دينار في بنك الاوسط كل شهر عشان ماتسحبين منها بعد لأن انا وامي مسويين جذي ومانبي البطاقه تكون عندنا عشان لانسحب كل ما احتجنا :eh_s(6):
وطبعا للحينا على هالطريقه احسن
او نفس ماقالو عن الحصاله الفخار عشان ماتقدر اتطلعين منها الفلوس

 

[حناينq8]

في موضوع عن الحصاله بس والله نسيت عنوانه
اذا صعبه عليج تفتحين حساب توفير
حطي لج حصاله ترا تونس وتيمع لج مبلغ حلو بشرط انج ما تفتحينها الا عقب فتره طويله وبوقت انتي حدديه
يعني عقب 6 شهور او سنه

 

[ســتارز]

اذا انتي اقتصادية وتحبين التوفير بتلقين الطريقة اللي تناسبج .. حصالة او جمعية مع البنات ..او تحطينهم بالبنك كل شهر

لكن اذا انتي مسرفة وتحبين الصرف مهما اتخشينهم رح اتطلعينهم و تصرفينهم .. هذا طبع مو بسهولة اتغيرينه

 

[اميره1980]

مثل ما قالو البنات
الحل بالجمعية و الحصالة
حطي حصالة و حاولي كل فترة تقطين فيها مبلغ بسيط ربع و نص و دنانيرو بعد فترة بتحصلين مبلغ محترم