مايعاملوني عدل

[راعية الطويلة]

الله يرفع عنج كل ابتلاء

لا تتخذين ظروفج شماعة إنج تغلطين غلط كبير
و لا تكونين هينة و رخيصة
تدورين على المحبة و الإهتمام عند عباد الله


إذا حبيتي الخير لنفسج بتتغيرين كليا

و إذا تدورين على الحب
ما راح تلاقين حب خالص
يسعدج

و يطور حياتج
و يساعدج ع النجاح و الخير
و الرقي
و تكونين فعلا قدوة للغير




**حب الله و إخلاص النية و العمل على رضاه**

بدل ما تقضين الليل بالكلام و الهذرة المحرمة
مع إنسان يحتقرج و يبيج لغاية معينة
و يتخذج تسلية و تقضية فراغ



إقضيه بالصلاة و قراءة القرآن و الإستغفار


و الدعـــــــــــــــــــــــــــــــاء الخالص لله

و الله ثم و الله ثم و الله

بتلاقين لذة و سعادة حقيقية و إنشراح


و عليج بالصبر على أمج و خالج




لج الأجر

و باين عليج إنسانة طيبة و خيرة و تدورين النصيحة



الله يسعدج

 

[كلي أحزان وهموم]

البنــــات كفـــو ووفــــــو
اللــــه يعيــــــنج بس حبيبتـــي صبـــري وتحمــــــلي انه اللـــه مع الصـــــابرين
امج مــــا تكـــــرهج مهــما قست عليـــج تظــــــل امـــج وتخـــــاف عليج الله يحنن قلبها علييج يارب

 

[Lourdez]

ادعي لربج تره اهوه يسمعج و يشووفج

(انما اشكو بثي و حزني الى الله)

 

[أإلع ـشق دلع ـهـأإ]

يآحيآتي ..

شوفي يآقلبي .. مآعليج من أحد ربي بيحآسبج بروحج .. وترآ مو عذر تكلمين الشبآب لآنج فآقده حنآن !!

أنسي الدنيآ وفكري بنفسج ..

قعدي بينج وبين نفسج .. وفكري قولي ليش ربي بلاني بالعيشه هذي .؟؟

أكيد في سبب .؟ فكري قولي ربي يقول " وبشر الصابرين " ربي بلآني يبي يشوف صبري !! بس أنآ مآصبرت .؟ بدآل لآ اصبر واتقرب من ربي وأدعي .. أتبعت طريق الشيطآن ورحت ركضت ورآ الشبآب .؟!

ربي يبيني ألجآ له .. يبيني أبجي واترجآه ..يبيني أستغفر .؟

تذكري قول الرسول " ان الله أذا احب عبدا ابتلاه " ..

تبين تعرفين لييش ربي يبتلينآ .؟ يبي يشووف صبرنآ .؟ يبينآ نتعذب بدنيآ علشآن تكفر عن ذنوبنآ وبالاخره نجي بدون ذنوب لنآ .؟

عرفتي !!

تذكري قول الرسول "ما يصيب المسلم ، من نصب ولا وصب ، ولا هم ولا حزن ولا أذى ولا غم ، حتى الشوكة يشاكها ، إلا كفر الله بها من خطاياه "

يعني الله يبليج يبي يكفر عن ذنوبج .. بس أنتي جآزيتيه بالغلط .. رحتي مع الشيطآن ..

اللي عليج .. تستغفرين ربج .. وتتعوذين من الشيطآن .. وتتقربين من ربج أكثر..

أول شي : صلآتج مآتخلينهآ حتى لو آخرتهآ من نوم أو طلعه صليهآ بس لآ تهجرينهآ ..

والقرآن أقريه .. لو باليوم صفحه وحده ..

الآستغفآآآر كثييير أستغفري دآيمآ ..

وحطي هدف بحيآتج . قولي مآفي شي يمنعني من وصول لهدفي .. دآم اني أمشي بالطريق الصحيح اللي اهو سنة رسولنآ محمد .. ومتوكله ع الله .. ومآسوي الحرآم خلآلآلآص مآفي شي بيمنعني من هدفي .

دآم معآج الله .. مو مهم البآقي ..

أنتي أبدي شدي حيلج .. ركزي ع درآستج .. أخذي أمتيآز .. فكري بهدف لج . مثلآ تصيرين محآميه .. دكتوره .. مهندسيه ... الخ ..

وشدي حيلج .. وبتنجحين ..

وخآلج روحيله قوليله خآلي سآمحني ان اخطيت وأنآ أوعدك مآرآح اعيدهآ وبتغير للآحسن .

وعآملي أمج وآهلج بآحسن معآمله .. خلي الطيبه صفتج ..

وصدقيني بتتغير حيآتج للآحسن ..

لآنه الله قآل " ان الله لايغير مابقوم حتى يغير ما بانفسهم "

يعني تبين حياتج تصير حلوه وانتي قاعده تعصين ربج ومهمله وتبين حياتج تتغير لآ طبعآ ..

أبدي انتي غيري بداخلج وابدي بالصح الله بيغير حيآتج للآفضل ..

والله يوفقج

 

[زوجة الوزير]

الله يعيينك ويصبرك ويحنن قلوب الامهات القاسيات يارب

 

[منيرة بنت حمد]

محد قاهرني الا خالج اهو جم عمره
هذا لو خالي مايقوم ثاني يوم خخخ
كان يعاملج جذيه من قبل لا يطيح عليج تكلمين؟؟
جربي تكلمين أبوج يعني بس يطلعج حق الدنيا ويحذفج هذا أبو و قاعد مع عياله وناسيج
وليش طلق أمج ؟
صج الريايل مالهم أمان الله يصبرج

 

[الصيد اللعوب]

رد: السلام عليكم و رحمة الله و بركاته

حياتي أنتي لا تضيعين بدوامة اللي حولك ( أمك + خالك + البنات + ............ etc )​

اهتمي بنفسك و ارفعيها عن الخطأ ،، اهتمي بدراستك و مستقبلك الوظيفي ​

الصداقات الحقيقية و الحب الحقيقي راح يجيبهم الله تعالى في طريقك ،، لا تضيعينهم قبل تلاقينهم بحاضر ممكن يكون ماضي سئ ​

لا تبحثين عن عاطفة من أشخاص ممكن يستغلون حاجتك و يسعدون أنفسهم على حساب زيادة وضعك سوء ​

أدري محتاجة لعاطفة و احنا كلنا نحتاجها و كلنا نمر بلحظات ضعف لكن حطي في بالك دايم انو ما تخسرين كل اللي جاي كرمال لحظة ضعف ​

أدري صعب الإنسان يعيش وحيد و ما يلاقي حضن يلمه أو قلب يحس فيه لكن الأصعب انو يضيع و هو يدور عليهم و في النهاية ما يلاقي إلا الفشل و العذاب ​

أنتي إنسانة طيبة ظروفك قدرت تهزمك مرات لكن لسا ما انتصرت عليك و من الحكمة انو جيتي تفضفضين هنا لأخواتك ​

و كل مرة تحسين انو محتاجة للكلام اشتكي لله تعالى و بعدين تعالي هنا و افتحي موضوع و قولي كل اللي في خاطرك :eh_s(7):​

كلمة ( يا بنت الكلب ) اعتبريها مجرد كلمة غضب و لما يقولها لك قولي ( الله يسامحك ) أو اسكتي حتى ما يعصب أكثر و يتطور سوء الوضع بينكم ​

موفقة غلاتي :eh_s(7):​

كلام روووووووووووووووووعه اهنيج على اسلوبج والله ..وكل حرف بمحله :eh_s(15):

 

[دموع الظلام]

قوه

بنات احس بتانيب الضمير أمي عورت قلبي والله ودوها المستشفى وحطو لها مغذي
حاشها تسمم غذائي خفت يكون من كلامي عنها بالموضوع
مادري:eh_s(11):