مايعاملوني عدل

[دموع الظلام]

السلام عليكم

شنو ردت فعلكم إذا شخص قال لكم يابنت الكلب ؟؟؟

أنا تعودت على هالكلمه لدرجه انها عاديه بالنسبه لي

بنات أنا ماابي اعور راسكم معاي ولا ابي اضايق اي حد بـ كلامي ..

أنا أمي منفصله من أبوي من زمان وعايشين مع خالي

أمي عمرها ماحبتني تكرهني

يوم اني صغيره كنت أتمنى أكون بنت قطوه عشان أمها تخاف عليها

أمي تقول لي لا تقولين لي يمه كلللللش ناديني باسمي أوكي تعودت

أمي لمن المدرسه يطلبونها تقول لي قولي لهم ماتت تعوت

أمي تسافر واكتشف انها مسافره بالصدفه تعوت

بنات أنا طبيت بدوامه الشباب بتقولون ناقصج حنان بقول هو عندي عشان ينقصني

المشكله خالي طب على و أنا اكلم واحد و من عقبها جوفوا المعامله الخايسه

كسر التلفون على راسي ضربني ضرب ويقولي ياااااابنت الجلب

حتى مفتاح غرفتي خذاه مافي خصوصه تخيلو يدخل علي اي وقت و يقعد يسبني ويطلع

كنت قاعده العب احط مكياج وجذيه دخل علي يقولي هالكشخه حق من من مواعده

أنا ماأقول هو مو زين بس يعامليني بقسوه يعني حتى سوالفه كلها عن البنات اللي بمدرستي يقول عن بنات سوالف ماأدري شلون عرفها عقب يقول ذيلن سوالفهم وصورهم كلها عند الشباب تبين تكونين جذيه
واذا قلت له انت بعد تكلم يعصب علي ويقول هو ريال ومايعيبه شي
وكله يسب أبوي ويقول ماعرف يربج أنا اشوفه عشان يربيني
تمللت من معاملته

لا تفكرونه شريف مكه وخايف علي ترا من فتره الخدامه تقول لي عنه يقول لها كلام مو زين
بنات أنا مااقدر اقول حق رفيجاتي عن حياتي وافضفض لهم ما عندي حد اتكلم معاه اصلاً محد من ربعي يدري ان امي مطلقه

بنات انا ماحطيت الموضوع عشان اغثكم بس مجرد افضفض واذا عندكم طريقه اخليه مايراقبني ويلحقني عطوني اياها لاني جد خلاص

 

[سويت فانيلا]

رد: يا بنت الجلب

الله يسامح اللي يقولي هاكلمه وبس

 

[خآنت بي قوآي =[]

رد: يا بنت الجلب









-

حبيبتي والله
ربي يساعدج ان شاءالله
واذا على خالج حبيبتي طنشششيه لأنه راح ياخذ كل ذنوبج على هالمعامله
وامج الله يهديها ويحنن قلبها عليج
بس حبيبتي ليش ماتكلمين ابوج تروحين تعيشين عنده ؟
بس تأكدي مافي ام تكره بنتها والله مهما عاملتج ومهما سوت راح يضل قلبها حنون
يمكن هي طبعها جذي وانتي لاتضايقين نفسج
حاولي تشغلين نفسج بأشياء ثانيه وترى الدنيا ماتسوى شئ
ربي يختبرج وراح يعوضج على قد صبرج
اصبري حبيبتي ومن الله الفرج و اي شئ يقولونه لج طنشيهم خليج احسن منهم بأخلاقج
وخليج واثقه من نفسج ومايهزج اي كلمه منهم
وانتي قويه وراح تصبرين على كل شئ
ربي يسعدج ويوفقج ويرزقج الزوج الصالح اللي يحطج بعيونه وينسيج كل شئ :eh_s(6):
ولا تزعلين حبيبتي دايم استغفري وصلي لج ركعتين وان شاءالله ربي يفرجها :eh_s(17):

 

[هذاك أول]

رد: يا بنت الجلب

حبيبتي دمووع الظلام
أساسآ من نكك واضح الهم والجو اللي انتي عايشته
بس لازم نتفاءل ونحط في بالنا ان بكره احلى من اليوم
ولو ماكان احلى يمكن الي بعده يكون احلى ... تفائلي ولاتفقدين الامل بربك

وبالنسبه لآمك خليك انتي احسن منها وهي لها رب يحاسبها وانتي ان شاء الله انك كبيره وواعيه ومو بحاجتها بس لاتقسين عليها خليك أحن منها وصدقيني الدنيا دووواره
دمووع الظلام يالغاليه شوفي اكيد انتي الحين عندك أمنيات تبغينها تتحقق صح؟؟ اذا صح قوليلي وان اعلمك الخطوه الثانيه

 

[القصيدة]

السلام عليكم و رحمة الله و بركاته

حياتي أنتي لا تضيعين بدوامة اللي حولك ( أمك + خالك + البنات + ............ etc )

اهتمي بنفسك و ارفعيها عن الخطأ ،، اهتمي بدراستك و مستقبلك الوظيفي

الصداقات الحقيقية و الحب الحقيقي راح يجيبهم الله تعالى في طريقك ،، لا تضيعينهم قبل تلاقينهم بحاضر ممكن يكون ماضي سئ

لا تبحثين عن عاطفة من أشخاص ممكن يستغلون حاجتك و يسعدون أنفسهم على حساب زيادة وضعك سوء

أدري محتاجة لعاطفة و احنا كلنا نحتاجها و كلنا نمر بلحظات ضعف لكن حطي في بالك دايم انو ما تخسرين كل اللي جاي كرمال لحظة ضعف

أدري صعب الإنسان يعيش وحيد و ما يلاقي حضن يلمه أو قلب يحس فيه لكن الأصعب انو يضيع و هو يدور عليهم و في النهاية ما يلاقي إلا الفشل و العذاب

أنتي إنسانة طيبة ظروفك قدرت تهزمك مرات لكن لسا ما انتصرت عليك و من الحكمة انو جيتي تفضفضين هنا لأخواتك

و كل مرة تحسين انو محتاجة للكلام اشتكي لله تعالى و بعدين تعالي هنا و افتحي موضوع و قولي كل اللي في خاطرك :eh_s(7):

كلمة ( يا بنت الكلب ) اعتبريها مجرد كلمة غضب و لما يقولها لك قولي ( الله يسامحك ) أو اسكتي حتى ما يعصب أكثر و يتطور سوء الوضع بينكم


موفقة غلاتي :eh_s(7):​

 

[ام جويسم]

رد: يا بنت الجلب

حبيبتي تره وايد ناس نفس حالتج وطلعوا احسن مايكون

تحملي ولاتخلين احد يأثر فيج

وعلى قولة ارسطو المخابيل السيد سلوى المطيري تنصح البنات عن المغازل وتقول لازم تقولون للولد ( انا ماني فوطه تمسح فيني)

فديتج تحملي وتوكلي على الله

 

[ღ..عشق ميمون .ღ]

رد: يا بنت الجلب

الله يكون بعونج ويهدي امج ويحنن قلبها ويهدي خالج ومالومه من خوفه عليج واي شي بيصير بوجه لانه خالج ولي امرج ويبعد عنج عيال الحرام وكل بنت ي الغاليه تحس بنقص او فاقده شي مو معناته تسوي الخطا انتي بدال ماتتعضين وتفكرين بالاحسن قاعده تدمرين حياتج لاترخصين نفسج لشباب والله تصيرين صيده سهله لهم وبكره تندمين الله موجود اشكي له وفضفضي لربج هو احن عليج من خلقه حتى احن من قلب امج عليج وكثري من الاستغفار وصلي صدقيني ربي بريحج ويحقق كل ماتتمنينه واذ بخاطرج شي لايردج الا كيبوردج انا اختج ودعواتي لج ...~

 

[ღ..عشق ميمون .ღ]

رد: يا بنت الجلب

حبيبتي تره وايد ناس نفس حالتج وطلعوا احسن مايكون

تحملي ولاتخلين احد يأثر فيج

وعلى قولة ارسطو المخابيل السيد سلوى المطيري تنصح البنات عن المغازل وتقول لازم تقولون للولد ( انا ماني فوطه تمسح فيني)

فديتج تحملي وتوكلي على الله

الله يهديج بس سلوى شكوو
وسلوى له رب كفيل فيهآآآ
واللي بلاها يبتلي كل شماته ​

 

[ميش الفهد]

رد: يا بنت الجلب

حبيبة قلبي اهتمي بدراستك وافكري انك طورين من نفسك اشغلي نفسك بشي مفيد لك خلي عنك الشباب وعلقاتهم لان ماوراها الا وجع الراس وصدقيني مستحيل تلقين الحنان منهم لانهم. ذئاب تبي فريسه فأنتي مو في حاجة اي احد انتي بإذن الله يتطلعبن. شي كبير في المستقبل عليك بسورة البقره أاقرئيها كل ليله وأدعي ربك بيرزقك زوج يعوضك عن كل شي
لان حياة الأهل مهما كانت حلوه او سيئئه بتتنسى. اهم شي حياتك مع زوجك وحب الزوج وحنانه الذ وأحلى حتى من حنان الأهل هذا كلام مجرب

 

[* شوية أمل *]

رد: يا بنت الجلب

البنات ماقصـرو جزاهم الله خيييـر=) ,
وترآ شكثر ناس مثثل حالتج ,
وأنتي مآعليج من أمـج لـه رب يحاسبها بس انتي بري فيها ترآ هذي أمج {الجنه تحت أقدام الأمهات} , وحاولي تكلمينها تصارحينها ,,,
وبعدين حبيبتي ليش تكلمين صبييان ترا ماراح يفييدونج بششي بس ذنوب وتشووهـ سمعه ,
ماعليج اهتمي بدراسستج وفككري بالوظيفه المستقبليه وان شاء الله يجيج الزوج الصالح اللي يحطـج بعيييونـه ,, والله يعيين ^

 

[بنت عطا]

رد: يا بنت الجلب

الله يهديها امج وخالج لاتلومينه انتي تقولين طاح عليج يعني مافي مجال يثق فيج انتي بيني له انج تغيرتي صلي وادعي ربج يحنن قلوبهم عليج

وابوج ليش ماتقولين له روحي عنده يمكن ترتاحين والا بيت جدتج

 

[خُزام]

رد: يا بنت الجلب


الله يعينج
تحملي حبيبتي وصبري بعد شتسويين وما بعد الصبر إلا الفرج
ما عندج خوال ثانيين أو أعمام !! تقدرين تروحين لهم !؟
وانتبهي على نفسج لا تمشين بالطريج الغلط الشباب ما راح يفيدونج بشي !!
اهتمي بدراستج شهادتج اهي سلاحج حق المستقبل
فرشي سجادتج وتوجهي لربج وادعييييله
ويارب الله يرزقج بالزوج الصالح بأسرع وقت اللي يعوضج بكل خير

 

[تحـريتك]

رد: يا بنت الجلب

الله يفرج همج يارب
ويصلح حالج ..

 

[حبي لله اشد]

رد: يا بنت الجلب

لما يقولج الكلمه قوليله الله يسامحك
وقولي حق امج انا مو مشكلتي ابوي طلقج !!
انتي يبتيني تتحمليني عالاقل!
مو من انا ياهل هالمعامله القاسيه اللي قاطتها فوق راسي !
انا شكو اذا انتي وابوي صارلكم شي وتطلقتوا
انا مالي شغل بأحد لي شغل ببيتي اللي لما اتزوج
ولا تهدمون حياتي كلها بمعاملتكم هاذي
باجر انا مثلج بتزوج !!
كلميها قوليلها انا بنتج مو عدوتج !!
والله يفرجها عليييييييج يااااااااااارب

 

[أو عبوش]

رد: يا بنت الجلب

اللي يشوف مصيبه غيره تهون عليه مصيبته

انتي امج مطلقه

يعني موجوده

غيرج امها ميته
والله ينكسر قلبي كل ماشفتها وصغيره وامها ماتت وتركت لها اخت عمرها شهرين تخيلي ربتها وكبرتها والحين البنت الصغيره عمرها سنتين
ومهتمه بأخوانها اللي اصغر منها تدرسهم وتعلمت تسوق سياره مع انها صغيره 17 قبل لا تقص ليسن عشان توديهم وتجيبهم للمدارس وتخرجت بأصعب الظروف وعندها مرت ابو مطلعه عينها تخليها تطبخ لها الفطور برمضان


انتي موجوده امج تقدرين تحاولين فيها


واذا كلش كلش مانفع معاها ادعي لها بالهدايه

وخالج ترى ماغلط
حمدي ربج ماذبحج
انتي عبالج البنت لا راح شرفها عادي؟؟
لا يقلبي اهو خايف عليج
ترى حتى لو ماراح شرفها او طلعت مع شباب....
كافي ان لا طلع كلام مجرد كلام عليج تتوسخ سمعتج
اهو يبيج تكبرين وتتزوجين وتصيرين شي بالمجتمع ام ناجحه
باجر لا صار شي موزين فيج والله تقعدين تحسرين قد شعر راسج لما تشوفين اللي كبرج بدوا يتزوجون ويصير عندهم عيال وانتي حتى محد يطق بابج
كل من يسأل عنج يقول فلانه كنت اعرفها ولا مواعدها
ترى الشباب يزيدون بالحجي حتى لو تقولين مكالمه واتسلى بعضهم ابليس يطلع اسمج واسم عايلتج ويشهر فيج ويزيد حجي يقول امس طالع وياها وكيت وكيت

لا تتعذرين بفقد الحنان
ادعي الله يفرجها عليج كل وقت يمكن تصيب لج دعوه بساعه استجابه وتنهي كل ضيقتج

 

[i luv me]

رد: يا بنت الجلب

الله يفرج همج و يجعل ايامج كلها سعاد ونور

نصيحه لوجه الله .. ابتعدي ابتعدي ابتعدي عن سوالف الشباب والله ماراح تستفيدين الا الهم

غيري حياتج وروتينج .. تقربي من ربج .. كثري من الطاعات .. اشغلي نفسج بأشياء جديده ومفيده

بعد جم سنه كل هذا بيصير ماضي .. وان شالله المستقبل يكون احلى .. وانا بدعيلج من كل قلبي

كلمة دايم اذكر نفسي فيها ... صبرا جميلا

 

[queenbeeuty]

رد: يا بنت الجلب

الله يعينك

 

[مودي كويتي]

رد: يا بنت الجلب

افااااااااااا لا خليك قويه واحمدي ربك على كل حال الحمدالله تروحين المدرسه وبكره تدخلين الجامعه وتتوظفين وراح يكون عندك استقلاليه اكثر وخالك خايف عليك بس لانك عنده يعني لاصار شي اهو المسؤل الحمدالله ماكله شاربه نايمه خلاص وصدقيني مافي ام تكره بنتها مهمااااااااااا صار يمكن هي تكره ابوج وقاعده تتخيله انه انتي وكرهت الحظ اللي خلاها تاخذه وصرتي انتي كبش فدا شوفي اشغلي وقتك باي شي مفيد عشان مايصير عندك وقت فاضي تابعي كل لمسلسلات اهتمي بدروسك خلي هدفك كله امتياز بكل الموووووووووووووواد يارب وصدقيني الشباب ماينفعونك بشي بس يبون يضيعون وقت ويسولفون وانتي غرضك انك تحبين وتنحبين

 

[مودي كويتي]

رد: يا بنت الجلب

تكفيييييييييييييييييييييين غيري نكك اول شي وشفتي توقيع اللي فوقي خليه قاعده بحياتك واي شي حنا حاضرين

 

[Ray.Bana =$]

رد: يا بنت الجلب

ماعليج من احد عليج من نفسج محد راح ينفعج

انتي الوحيده المتضرره والمستفيده استغلي وقتج بشي زين ينسيج قسوتهم اقري مواضيع حلوة وتونس مني بالمنتدى حاولي تنسيينهم

اهتمي بدراستج مردج راح تكبرين وتتزوجين انشالله ريلج يعوضج عن كل شي

والنااس عندهم رب يحاسبهم لا تشغلين بالج وتزيدين همومج ترا الدنيا ماتسوى

وامج مردها راح تتحسف على معاملتها لج الله يهديها اهيا وخالج