الديرة ما تستاهل الي قاعد يسير فيها والله ترابها عندي يسوى فلوس وثروات العالم كلها .... حسافة يسير في الكويت جذي
بس عااد ياناس حق هالديرة علينا انه نحترم بعض بعيد عن الطائفية والفتنة ....
كلامي للأخوان للشيعة انتو شيعة بس كويتيين وحطوا الف خط تحت كويتين جناسيكم كويتية جوازكم ازرق عيالكم بالغزو انأسروا وفي منهم استشهد يعني تفدونها بروحكم وهالشي شفته بعيني محد قالي .... فليش فجأة صار ولائكم لديرة لا انولدتو فيها ولا كليتو من خيرها مادفتكم من برد ولا آوتكم من حر .
حبو اي ديرة تبون بس لاتنسون امكم الكويت الي ماراح تلاقون احن من صدرها عليكم صدقوني ..... لا تغلبكم الأوهام .
ملاحظة آنا ما اعمم الكلام على كل الشيعة اقول البعض ممن فاجآنا بموقفه وعلى الملأ يقوول اي لو يسير ما يسير ولائي لإيران نسى الكويت نسى الشيخ جابر الف رحمة عليه نسى الخير الي عشنا ولازلنا عايشين فيه .
الله يحفظ الكويت بكل الي فيها وبسنا طائفية وبسنا فتنة لا تشمتون الدول فينا طول عمرنا عايشين بأمان سنة وشيعة وبدو حضر
احب عايشة واحب عمر وابوبكر
واحب الحسين وعلي
