مانمت البارحة

[بعيدة الدار]

مرحباااااا كويتيااااات شخباااااركم
بدخل بالموضوع على طووول

...

الله يسلمكم انا ساكنة بديرة بعيدة واهلي بديرة .. وانا دايم عند اهل ريلي لان ماعندي احد غيرهم لان اهلي بعدين عني .. طبعا كل ما اروح عند اهل ريلي احس مرتبكين واكو شي خاشينه وحتى ريلي يختفي احيانا مع امه وابوه بالساعات ولمى اساله شنو عندكم يقول ماحب اللقافه مالج دخل عاد انا اموت اذا ريلي قالي جذي بس تعودت انه مستحيل يقولي اذا في سر بينهم
ومرت الايام وام ريلي دايم تسالني اهلج مب مسافرين هالصيفية قلت لها امبلى بيسافرون الاسبوع الجاي للدولة الفلانية وقلت لها وانتو عمتي منتو مسافرين ؟
قالت ويه يا حسرة منين لنا فلووس من تقاعد عمج ماعندنا فلووووس
وكل ما ابي ازورهم يقولي ريلي اهلي مو هني بالسوق يتقضون للعيد.. انا قلت شكووو العيد بعييد .. شكيت الصراحة ان اخته مخطوبة ويجهزون لها ومايبون يعلموني

الا مره كانو عندي ونسولف عن السفر قالو لي منتي مسافرة قلت امبلى بعد العيد عشان يبرد الجو وسالتهم وانتو ماخططتو لشي قامو خوات ريلي يطالعون امهم قالت امبلى خططنا نسافر فرنسااا قلت زين حلوة فرنساا والله ومتى ان شاء الله ناوين تروحون لان لازم تسون فيزا مبجر قبل لايجي رمضان تخيلووو عطتني طااف وردت علي وضيعت السالفه
ومن يومين تقولي اخته الكبيرة لاغيرنا مب رايحين فرنسا بنروح دبي ورادين قلت تروحون وتردون بالسلامة

وقبل امس كنت عندهم .. الا دخلت على ام ريلي تخبز وتحط بالكراتين وتغلف انا شكيت ليه ؟؟؟
ويوم شافتني جنها مسوية جريمة وتطلع الف سبب وسبب ..

وقلت لها يعطيج العافية عمتي ..
قالت الله يعافيج ماقلت لج يمكن مب اكيد عمج يقول بنروح لبنان .. عاد انا رايحه لبنان قبل لازوج مع هلي 3 مرات ورا بعض
وهني انا انطميت شكو يكذبون علي جني بزر مره فرنسا ومره مصر واللحين لبنان
وقامت تسالني عمتي شنو احسن شي في لبنان وعن التمشيات والمجمعات والسكن وانا ع نياتي اقولها ..

عاد كنا في الصاله الا جا عمي ومعاه الجوازات اهني كلهم تمنو اني اموت او اختفي .. عاد عمي يحبني واايد قالي قلت لريلج من 3 اسابيع تروحون ويانا عيى قال لا ..
ومن شهر وانا ادور حجز نرجع قبل رمضان ماكو يلااا بنآخذ مم رمضان خمسة ايام ..
قلت لعمي تروحون وترجعون بالسلامة متى ناووين تروحون قالي السبت الياي...

وبس اختفووو خواته وتضاايقووو وحتى عمتي دكها العرق وقامت تخربط بالحجي .. وانا عادي عندي بالطقلق اللي يطق العدو لايعلمون انهم بيسافرون انشاء الله بليلتها بس ما احب الجذب اكره ماعندي الجذب
وليش طيب هالكره والحسد والغيره .. الحمدلله انا كل صيفية اسافر شنو يعني بحسدهم ولابعلم الناس عنهم ..

عاد قلت بختبر ريلي يوم رجعنا البيت اقوله ماكو شي على رمضان اهلك مب مسافرين ؟
قال علمي علمج وش دراني انا بعد
قلت اممممم تدري ان عمي اليوم قالي قلت لريلج تعالو معانا لبنان وعييييت...
سكت وماتكلم قال ماله داعي اقولج وبعدين امي قالت لي لتتقولها ولاتكثرين كلام...


صراحة حز بخاطري انا اللحين مرت ولدهم واحبهم بس مدري ليه يعاملوني جذي ... بس قلت بقلبي هين ان قلت عن اهلي شي عند ريلي ولاعندهم والله ما اعلم لو يمتوووون
حيييل مقهوة اكثر شي من ريلي ماتوقعت يخبي علي :eh_s(10):

قولولي هل الموضوع يستاهل اني افكر فيه ؟ ولا اقول طز ب60 داهية
بس شلون اعلم ريلي مايخبي شي ويقولي ؟؟؟

 

[در الـبحـور]

السلام عليكم و رحمة الله و بركاته

و اشلج بالطلايب يا قلبي

اللي ما يبي يعلمج براحته عادي حبيبتي طنش تعش تنتعش

يمكن أهل زوجج ما يحبون يطلعون أسرارهم و أشغالهم بره لو حتى كنتي مرت ولدهم

عادي حبيبتي لا تفكرين و لا تهتمين المهم عامليهم بما يرضي الله و واصليهم إذا تكلمو تكلمي و إذا اسكتوا سكتي

و زوجج لا تلومينه يمكن أمه موصيته ما يتكلم لا تجبرينه على شي يجيبلج مشاكل إنتي بغنى عنها خليهم على هواهم

و اشترى راحة بالج

و الله يجمعج بزوجج بالمودة و الرحمة و يصلح ما بينج و بين أهل زوجج اللهم آمين

 

[الفدنه]

الظاهر مايبونج تروحين معاهم
ههههههههههههههه
يبه كيفهك مالج شغل من راقب الناس مات هما طنشي وعيشي حياتج
اما زوجج هذا الصراحه واسمحيلي يحررررررررر
ما دري شلون تغيرين طبعه
الله يعينج ويهديهم

 

[LA TROO7]

طاف وانتي غلطانه المفروض ماتسالينهم اللي يبي يعلم يقوول من نفسه وتعلمي ماتسالينهم عن شي كلش وخففي زيارة لهم

 

[عطـر الكويـت]

رد : مانمت البارحة

هلا فيج يالغاليه


شوفي نصيحه مع الحموله لا تسألين خلي ضحكتج علي ويهج

وعموما الحريم الكبار يخافون من العين عشان جذي دايم شغلهم بالسر والكتمان

مو عشان مثلا انتي المقصوده

عادي قلبي طنش تعش تنعش

وخلج مع اهلج وكل انسان واسلوب تربيته

في واحد اللي في قلبه يقوله حتي لو بيسحب ورقة كلينكسه سولف السالفه علي الناس

وفي واحد لاا منشاف ولا مندري

عشان جذي وسعي صدرج وعامليهم مثل ماهم يبون كبري رااسج

عسي ربي يخليج لزوجج وعيالج انشاء الله

 

[بعيدة الدار]

السلام عليكم و رحمة الله و بركاته

و اشلج بالطلايب يا قلبي

اللي ما يبي يعلمج براحته عادي حبيبتي طنش تعش تنتعش

يمكن أهل زوجج ما يحبون يطلعون أسرارهم و أشغالهم بره لو حتى كنتي مرت ولدهم

عادي حبيبتي لا تفكرين و لا تهتمين المهم عامليهم بما يرضي الله و واصليهم إذا تكلمو تكلمي و إذا اسكتوا سكتي

و زوجج لا تلومينه يمكن أمه موصيته ما يتكلم لا تجبرينه على شي يجيبلج مشاكل إنتي بغنى عنها خليهم على هواهم

و اشترى راحة بالج

و الله يجمعج بزوجج بالمودة و الرحمة و يصلح ما بينج و بين أهل زوجج اللهم آمين

انا اللي باط جبدي اذا خشيت شي عن اهلي يبوز يقول ليش ماعلمتيني عشان جذي احتريت من ريلي وانا ماهمني راحو ولاماراحو بس ما احب الجذب

 

[بعيدة الدار]

الظاهر مايبونج تروحين معاهم
ههههههههههههههه
يبه كيفهك مالج شغل من راقب الناس مات هما طنشي وعيشي حياتج
اما زوجج هذا الصراحه واسمحيلي يحررررررررر
ما دري شلون تغيرين طبعه
الله يعينج ويهديهم

بالعكس حبيبتي انا ماراقبتهم ولاشي اهما اللي يفتحون معاي سيرة السفر عاد يسالوني لازم اسالهم وحده بوحده
عاد تدرين مره امي راحت مع ابوي يومين بالحرين وماقلت لعمتي قعدت يومين ماتحاتجيني شكوو انا شذنبي

 

[ام كوشه منكووشه]

رد : مانمت البارحة

حيـــــــــــــــاتي طااااااف الحمدالله انتى مو متوقفه على سفره معاهم ولا شي عرفتي طبعهم الحين خلج رسميه معاهم احسن
بعدين يمكن انتي ماصارلج فتره متزوجه لان حتى ريلج ما يسوالف لج عنهم شكله بعده موماخذ عليح ترا عادي تحصل باحسن العايلات

 

[بعيدة الدار]

طاف وانتي غلطانه المفروض ماتسالينهم اللي يبي يعلم يقوول من نفسه وتعلمي ماتسالينهم عن شي كلش وخففي زيارة لهم

انا سالتهم لانهم يسالون عن اهلي وكل دقيقة يسالون عن اهلي قمت سالتهم عادي عندي مو قصدي لقاافه:cxxxp:

 

[بعيدة الدار]

رد: رد : مانمت البارحة

هلا فيج يالغاليه


شوفي نصيحه مع الحموله لا تسألين خلي ضحكتج علي ويهج

وعموما الحريم الكبار يخافون من العين عشان جذي دايم شغلهم بالسر والكتمان

مو عشان مثلا انتي المقصوده

عادي قلبي طنش تعش تنعش

وخلج مع اهلج وكل انسان واسلوب تربيته

في واحد اللي في قلبه يقوله حتي لو بيسحب ورقة كلينكسه سولف السالفه علي الناس

وفي واحد لاا منشاف ولا مندري

عشان جذي وسعي صدرج وعامليهم مثل ماهم يبون كبري رااسج

عسي ربي يخليج لزوجج وعيالج انشاء الله

اي والله كلامج عين العقل حبيبتي

 

[در الـبحـور]

انا اللي باط جبدي اذا خشيت شي عن اهلي يبوز يقول ليش ماعلمتيني عشان جذي احتريت من ريلي وانا ماهمني راحو ولاماراحو بس ما احب الجذب

لا تنبط جبدج و لا شي يعني البوز بظل وايد أكيد بروح مع الوقت عادي

إذا سالفة عن أهلج ما تسوى قوليله أمن شي خاص وايد بينكم مثلا لا سمح الله مشكلة كبيرة منتي ملزومة تقولين

بس انتي اهدي حبوبة و لا تكبرين السوالف و ترتاحين يا قلبي

 

[تيوليب]

لاتعلمينهم شي عن اهلج خل يزعلون بالطقاق ... واذا قالج ريلج ليش ماعلمتيني قولي حتى انت ماتعملني وبعدين ليش اعلم ؟؟؟ مالنا شغل الا بنفسنا ياحياتي اهلي وكيفهم ..باسلوب حلوو يعني ردي علييه بس جد جد شي يقهههههر ..

 

[الجــادل]

رد : رد: مانمت البارحة

طاف وانتي غلطانه المفروض ماتسالينهم اللي يبي يعلم يقوول من نفسه وتعلمي ماتسالينهم عن شي كلش وخففي زيارة لهم

عين العقل

انتي غلطانه شلج تسالين الناس وتدورين علومهم

 

[محتاره بحياتها]

عادي هالشي عارفينه ومتعوديينه

دايم اهل الزوج يخيبون عن امورهم الخاصه
يمكن مايبونج تسولفين او مايبون احد يدري
عادي طنشي ولاتعبين عمرج وكيفهم يسافرون ولا يقعدون...ولاتسوين مشكله مع زوجج عشان شي تافهه..وترى هو ماينلام لان امه وصته واكيد بيطيع امه ولاتلومينه هذى امه

طنـــــــــــــــــــــــشـــــــــــي

 

[ريميا]

ههههههههههههههههههههههههههه
ذكرتيني بنفسي
اهل زوجي من اول ماادخل عليهم يسالوني عن اهلى وخوالى وجيرانا واحنا كلنا بمنطقه وحده ونصير حق بعض ولما انااسالهم نفس اسالتهم تنقلب وجيهم حت زوجي ولا اخذمنهم معلومه ولا شيء شنووووو سويت ياطولة العمر كل ماسالونى اقول مادري يقولون شلون ماتدرين اهلج اقول اشدراني

 

[الأميرة جوري]

شيء طبيعي اللي يسونه اهل ريلج ,,,,,,,,,,اكثر الناس جذيه بشوفونها اسراااااااااااار مايحبون يعلمون فيها بس اللي يقهر ريلج اشهالسريه الزايده ,,,,,,,,الله يعينج

 

[حياتي كلها لله.]

عاااااادي وايد ناااس مايحبون يعلمون
انتي صيري مثلهم لما يسالونج عنج او عن اهلج قولي
ماااااااااااااااااااااااااااادري

 

[حبـ admant ـك]

لا تحرين روحج
مثل ما اهما يخشون
انتي خشي
عااادي

 

[أنا Top أنا]

صراحه " ولا تزعلين

انتي الغلطانه وشكلج تسألين واجد عشان جذي يخشون عليج ... سوي نفسهم خشي عليهم ولا تعلمينهم بأي شي خصوصا" من طرف اهلج , قولي انا عندك اشدراني عن اهلي واهلي بعيدين عني او ما دقيت عليهم من زمان تعذري !!

وبعدين لما سافروا اهلج منو اللي علمهم ؟؟ خلاص لا تعلمينهم بسفر اهلج عشان لاحد يزعل من الثاني وفكي عمرج وبس ..

تقبلي كلامي انا ابي نصيحتج ... والله يعينج !

 

[^مرايم^]

حبيبتي الناس أطباع .. الحمدلله مرض الخش بهالزمن زايد جنه الناس بتنظلهم ولا بتطالعهم الحمدلله و الشكر .. تلقين الحامل ما تقول انها حامل الا بالسابع ! و المخطوبة ما يقولون انها مخطوبة الا عقب الزواج! و اللي بيسافرون ما يقولون انهم مسافرين الا عقب ما يردون! قولي الحمدلله الذي عافانا مما ابتلاهم .. و خليج على طبعج و سنعج و غضي البصر عن كل ما يضايقج .. و إنتي الربحانة و ريلج بإذن الله يتغير مع الوقت لي شافج السنعة اللي ما تهتم لحجي أهله و تصرفاتهم .. لا تفكرين تسألينه أبداً و كيفه و و أمه ينيازون .. و لج الأجر أولاً و أخيراً .. و شنو أحسن من الأجر ؟!

عاملي الناس مثل ما تحبينهم يعاملونج .. و مهما سووا لا تلتفتين لتصرفاتهم و ربج يرزقج على نيتج صدقيني .. يبيلها صبر شوي و تعود شوي .. و الله يكثر من امثالج و يسخر زوجج لج ..