مانمت البارحة

[ابلة لولوة]

حقريهم بس عاتبي ريلج قوليله انا بنت عز وماعلي قاصر ليش تخشوون ؟

بس لاتكبرين الموضوع لانه مايسوى

بدون زعل الظاهر مايبونج تسافرين معاهم . والله العالم

 

[Mrs_Orchidia]

عنهم ما قالوا .. ان شاءالله يسافرون و يردون بدون ما يقولون .. انتي ليش محترة..!؟

حطي ببطنج بطيخة صيفي و لا تسألين ريلج عنهم عشان ما يصير في شي مستخبي بينكم .. و الحمدلله ان الشي اللي يخشه عنج ماله علاقة فيكم .. مجرد شي برة علاقتج فيه..!


و انتي لا تصفصفين اخبار اهلج عندهم .. لا تجذبين عليها بس قولي مادري ما أكدوا شي ليلحين .. و خليها بحيرة بلقافتها

 

[saratee]

الله يهداج وليش مضيقه خلقج يبه عادي كل هالامور وعامليهم بالمثل بس بلباقه وذكاء

 

[بعيدة الدار]

الف شكر لكل وحده ردت بالعكس انا مو محتره منهم او لقافه الله يسعدهم ويهنيييهم بس حسيت نفسي مغفلة هذا كل شي

 

[هيبة ملك]

خليهم يروحون عليهم بالعافية

حبيبتي هذي سوالف حريم يعني مانبيها تروح ويانا

الشرهة على المسعد زوجج

يبه ماعليج منهم الله يهنيهم وأنت الله يسخر لج

 

[ديانا سبنسر]

صج موشايفين خير ليش جذي يعاملونج كلها سفرة يعني على شنو خابين عمرهم والله ارفعو ظغطي

 

[اشتياق]

مادري ليش حسيتهم معقدين.؟؟

 

[السحر؛؛؛الحلال]

واااي عندي نسبة الفضول صفر بالأميه والله لو على قص رقبتي ما أسأل أي أحد عن خصوصياته حتى لو كانوا أهلي ... إللي بيسولف يسولف والباقي ماراح يزيدني ولا راح ينقصني وهذي نعمه من الله إن ماعندي فضول ...... بعدين السالفه واضحه خالتج ماتبيج تروحين معاهم تبي تستانس مع بناتها وإعيالها..... إنت شكلج بنت عز وماتهمج سفراتهم ولا عاد تسولفين عن أخبار أهلج حتى عند زوجج.. المعامله بالمثل حبوبه.

 

[غلاتي ديرتي]

وااااااااااي شي يقهر صراااااااحه يعني ليش يخشووون عنج سفراتهم وانتي تسافرين كل سنه على كلامج يعني خايفين من الحسد ولا انج تروحين معااهم ولا شنووووو بس صج شي يقهررررر


حبوبه زين انج عرفتي لطبعهم من اليوم ورااايح لاتقوليلهم شي عن سفراتج ولاروحااتج

وبالنسبه لريلج عااادي حبوبه اغلب الريايل جذي ماااااايتحجوون وسعي بالج عليه

 

[كتكوته ورديه]

الرجال ما دام خالك ام قالت لا تعلمك امرتك والله مايعلمك

 

[نماين]

عادي ياما بتشوفين

زين بعد لمحولك بالموضوع في ناس كلش عبالهم بيحسدونهم

 

[memories*]

مالج شغل فيهم ولا حتى تسألينهم ليش تدوخين راسج مايشوفون شر

 

[[[ عيون جابر ]]]

اشدعووه عليهم يخشون جذي
والله ياقلبي كفي خيرج وشرج عنهم كيفهم قالو لج ولا ما قالو لج خليهم على راحتهم

 

[غير عنهم]

والله شوفي من ناحية انو يقهر ويطفش فهو كذلك .... بس ياحلوة لاتحرقين دمك وطريين نومكـ (طيب يوم كذا انتي مروقة فية ألبسي وأكشخي اخر كشخة وأدلعي علية خلية يتجنن عليك وصارحية قولية انا أحبك وماأخبي عليك شيئ أبد ليه انت مو صريح معاي .......

 

[om Firas]

حبيبتي الناس أطباع .. الحمدلله مرض الخش بهالزمن زايد جنه الناس بتنظلهم ولا بتطالعهم الحمدلله و الشكر .. تلقين الحامل ما تقول انها حامل الا بالسابع ! و المخطوبة ما يقولون انها مخطوبة الا عقب الزواج! و اللي بيسافرون ما يقولون انهم مسافرين الا عقب ما يردون! قولي الحمدلله الذي عافانا مما ابتلاهم .. و خليج على طبعج و سنعج و غضي البصر عن كل ما يضايقج .. و إنتي الربحانة و ريلج بإذن الله يتغير مع الوقت لي شافج السنعة اللي ما تهتم لحجي أهله و تصرفاتهم .. لا تفكرين تسألينه أبداً و كيفه و و أمه ينيازون .. و لج الأجر أولاً و أخيراً .. و شنو أحسن من الأجر ؟!

عاملي الناس مثل ما تحبينهم يعاملونج .. و مهما سووا لا تلتفتين لتصرفاتهم و ربج يرزقج على نيتج صدقيني .. يبيلها صبر شوي و تعود شوي .. و الله يكثر من امثالج و يسخر زوجج لج ..

:hjy5jewf::hjy5jewf:ماشالله عليها عين العقل

 

[خاتم ذهب]

اسمحيلي اختي هذيل يبين مايحبونج ولا يبونج تعرفين عنهم شيء
خليهم يولون تركيهم صراحه سخيفين عاد اذا تبي تحسدكم مرت ولدكم
خلج مع زوجج لا يفرقونج عنه الحين لاتقولها باجر شنوووو
كسبي وتركيهم وتركي سوالفهم وخلي زوراتج لهم بالقطااره

 

[Um Turki]

انتي غريبه في نظرهم وخليج غريبه اريحلج ترى مو بس انتي جذيه كلنا في الهوى سوى واي سؤال منهم عن اهلج ردي مادري
نفس المعامله وخلي حياتج اسرار لاتعلمينهم اي شيء