مانتوهات للدوام

[Golden Rose]

مشاركة: مانتوهات للدوام

السلام عليكم
ام ضاري بالاحمدي عندها عرض يوم 11 و 12 /8 وراح يكون عندها عرض في بيت كريزما على ما اظن يوم 14 و 25 /8 3980708 الصراحه المنتوهات رووعه عندهااا ناعمه وراقيه

هالمره تعنيت لبيتها في شمال الاحمدي واصلا اول مره أطب الأحمدي وقعدت ساااعه افتر بالمنطقه وضيعت ما دليت بيتها ..... ورحت امس لبيت كريزما على كلامج على اساس بشوف عرضهاا و ما لقيتها ...

 

[fulla]

مشاركة: مانتوهات للدوام

اذا تبين مانتوهات شوفي انا عندي خياط بالبيت وقاعده اسوي بنجابيات عشان بعرضهم على شهر 9 بس في وحده شافتهم وقالتلي انا ابيج اتسويلي نفس الموديل بس مانتو اذا تبين اتشفينهم حياج الله راسليني على الخاص

 

[حور]

مشاركة: مانتوهات للدوام

جولدن روز نفس حالتج ام ضاري ادق على رقمها وماترد ؟؟؟ الله يسامحها اللي تمدحها وخلتني اتشوق اشوف شغلها؟؟؟

 

[حبيبة قلبه]

مشاركة: مانتوهات للدوام

وانا بعد تعنيت على الفاضي ومالقيتها

 

[جمانه]

مشاركة: مانتوهات للدوام

بريسم
حبيبتى لا تنسيني عالخاص ابى الرقم

 

[بريسم]

مشاركة: مانتوهات للدوام

أموت فيه

أرسلت الرقم بالخاص

 

[دندونة]

مشاركة: مانتوهات للدوام

بريسم بغيت الرقم يا الغالية. بس ليش ما تحطين عالعام المنتدى ما يمنع .وانتي شنو مجربه منهم؟؟ قوليلتا شوي عنه.

 

[جمانه]

مشاركة: مانتوهات للدوام

مشكوره بريسم حبيبتي

لقيته بالخاص

 

[الدرالمنثور]

مشاركة: مانتوهات للدوام

بنات اذا قصدكم بام ضاري الي بالاحمدي سكوت ترا ما تستقبل الحين خلاص..وبعدين تدرون على جم مانتوهاتها على 70!!!
يعني اقصاه مانتو المفروض حق كرف ...يوصل هالاسعار
بنات اذا عندكم افكار عرضوها وكل وحده تستفيد من الثانيه وتخيط وايد خياطين شطار والاسعار ما توصل لي هالدرجه حرام على الدوامات ..ولا انتو شرايكم

 

[وردة الجوري]

مشاركة: مانتوهات للدوام

حرام عليج يادرر أنا رحت عرض ام ضاري (السكوت ستايل ) أخذت منها مانتو ب35 واسعارها من20الي 35 يمكن دراريع يجوز بس مانتوهات لا أعتقد انج غلطانه ( انت رحت العرض ولا سامعه هذا الكلام؟؟!!!) صارلي 3 سنوات وانا أفصل عندها صج أول كانت 15 الي 25 دينار
هي صج الحين ماتستقبل افتحت العرض الأول للتفصيل في بيتها بتاريخ 11 و12 - 8
وعندها عرض ثاني لبيع المانتوهات الجاهزه في الكريزما بتاريخ 24 و25 -8
ملاحظه:
بنات انا مامدح بالمره ولا أعرفها معرفه شخصية ولا شي أقصاها أفصل عندها وبس
بس الوحده منا اذا قرات شيء غلط تصححه عدل ولا لا.

وردة الجـوري

 

[الدرالمنثور]

مشاركة: مانتوهات للدوام

والله مادري آنه سمعت من ثنتين رايحين عرضها...
آنه موقصدي اصك باب رزقها بس البنات ليلحين يسألون عنها واهي ما تستقبل..
والله الرزاق..

 

[وردة الجوري]

مشاركة: مانتوهات للدوام

حصل خير والله يرزقها ويرزقنا أجمعين
صج هي ما تستقبل وماترد هذي طريقتها من العام
العام قبل ما تبدا الدوامات باسبوع رحت ورزيت عمري على الباب أدق الجرس ماحد يرد أدق تلفون ماحد يرد بالأخير طلعلى ريلها ولصق أعلان وحطه على الباب نصه يقول(نعتذر عن استقبال الزبائن لغاية العرض الثاني بتاريخ 15 - 9 ) اهنيه بغيت أموت من الحره اشلون والدوام شنو ألبس احنا نقزرها أول اسبوع بدل وبعدين مانتوهات
وفصلت عندها بالعرض الثاني استلمتهم أول اسبوع من رمضان يعني كاشخه
السنه هذي قلت توبه ألحق على العرض الأول ابرك والحمد لله صدفه احن على ريلي يوديني بشوف اذا عندها عرض ولا لا جان القي زحمه عندها ........... اكيد عندها عرض وفصلت لي مانتو ب35
وسلامتكم واتعيشون .............( قلت لكم قصه حياتي )
اللي تحب تشوف شغلها عندها العرض الثاني بيت كارزما تاريخ 24 و25

وردة الجـوري

 

[ام نصور]

مشاركة: مانتوهات للدوام

السلام عليكم اختي بريسم بغيت الرقم ولاعليج امر

 

[بريسم]

مشاركة: مانتوهات للدوام

بريسم بغيت الرقم يا الغالية. بس ليش ما تحطين عالعام المنتدى ما يمنع .وانتي شنو مجربه منهم؟؟ قوليلتا شوي عنه.

مشغل دانتيل فرش توه فاتح و هو فى بيت عشان جذيه ما أقدر احط العنوان على العام

و فيه مجموعة مانتوات بأفكار جديدة : تايغر و ريش و بليسه و فيه ملافع مع المانتوات

و أسعاره المانتوات على 25 دينار و الملفع على 8 دنانير

 

[بريسم]

مشاركة: مانتوهات للدوام

دندونه

أم نصور

أرسلت لكم العنوان على الخاص

 

[العسل وصل]

مشاركة: مانتوهات للدوام

مرحبا بنات.فيه وحده اسمها أم محمد العجمي.....بأم الهيمان يقولون شغلها حلو وبتسوي عرض للمانتوهات......اللي سامعه عنها او تعرف عنوانها تذكره لنا الله يخليكم......لا يكون بس صار وخلص العرض........بنات بلييييز( اتطقسوا)وجيبوا العلم.........وأنا بعد بأحاول........ماني مقصرة.....

 

[العسل وصل]

مشاركة: مانتوهات للدوام

وبريسم يا قلبي مشغل دانتيل وقت محدد وأيام معينة والا عادي...بأي وقت نروح؟؟؟؟؟؟؟؟؟

 

[بريسم]

مشاركة: مانتوهات للدوام

اى وقت بس بعد الظهر و دقى قبلها تليفون

 

[العسل وصل]

مشاركة: مانتوهات للدوام

هلا يا بريسم.مشكورة يا عيوني بس ترى انتي ما عطيتيني رقم في الرسالة الخاصة!!!!!!!!!!!!!!!

 

[كويتيه]

مشاركة: مانتوهات للدوام

بريسيم ابي العنوان