مالي غير الله وغيركم!

[نفنووفه]

السسلام عليكم

يابنات انا ملجت قبل فتره والحمدلله تم كل شي على خير .. بس انه زوجي عصبي وغيور ويوسوس بشكل مو طبيعي !
بس يحبني ويموت فيني وانا ماخذذته عن حب :eh_s(17):
اللي صار ان انا ماقمت اتحمل عصبيته بنات يتنرفز من شي يحط الحره فيني .. ويعصب علي!
اقوله ألبس عدل ترى برا برد يعصب يقولي شفيج انا مو ياهل ويصرخ والله مو قصدي على نياتي بس احاتيه :eh_s(16):
واذا تناجرنا يقهرني بكلامه ويجرحني .. يعني يقول "اشوه مو انتي الوحيده اللي بهالدنيا "
" مو واقفه دنيتي عليج " المشكله اتحمل لاني احبه وربي ؟
ومرات يقولي انا مو حاس بغلاتي انا شلون اعرف انتي تبيني ولالا .. تكفون شرد عليه بالله :eh_s(11)::eh_s(14):
قسم بالله كتبت له شعر وقلت له آني احبه وماقدر اخليه .. ويرد يقولي انا مو حاس بغلاتي ماحس انج تحبيني! بعصبيه طبعا >

اخر مره تناجرنا كنت اتغشمر معاه واضحك بس اهوا اخذ الموضوع جد وقالي انتي مو كفو وانتي وانتي وخلاص انا مابيج معنى الموضوع كله كان غشمره كنا اثنينا نضحك !!
سكتت قلت يمكن يومين ويطخ .. بس بعد يومين من السالفه رفيجتي يتني جان اقولها بشوف فونج لان ناويه اشتري مثله عطتني اياه ودخلت على البي بي ام بالغلط! ياجماعه شفته موجود باللسته؟؟سألتها هذا شلون عرفتيه؟ قالتلي دخل بالشات وحاط بنه واسلوبه حلو وضفته:eh_s(2):

بنات انا شفت فوائد الاستغفار وسورة البقرة وقمت اقراهم الحمدلله بس ساعدوني تكفون وانصحوني عطوني حل شنو اسوي ..! انا عمري 21 واهوا 24 .. مو زين وضعنا يظل جذي :eh_s(2):

 

[samiah]

سمعني عدل انا مطلقه وعندي طفلين ما ابيك تمرين بتفس تجربتي
اولا اكلي حبوب ولا تجيبين عيال منه الا لحد ما تامنين الرجال عدل ثانيا يمكن الرجال قاعد يختبرك سوي لك جدول وحاولي معاه بشتى الطرق تجيبين راسه ان ما فاد فيه شي انتي اجلسي لحالك واستخيري يا ترضين بالامر الواقع وترضين بالرجالل وعيوبه وخلاص هو رجلك لين تموتين يا
مع انو ما اشوف عيوبه تستاهل الطلاق ابددد حاجات بسيطه تقدرين تحملينها وفيه رجال بدون عيوب ولا حرمه بدون عيوب

 

[نفنووفه]

احنا بملجة للحين ماصار العرس .. بس مادري ليش اهو صار جذي وللعلم مرات يدق علي ولما اكلمه يقول بالغلط وانا ادري انه يكابر ومو بالغلط .. يدووس على قلبه

 

[مطلقه جريحه]

المطلقه احساسها غير للنها عانت
ياليت يكون فيه تجمع للمطلقات ارسلوا ع الخاص لو سويتوا ملف

 

[Lovemealways]

السلام عليكم و رحمة الله و بركاته

أنا أقول يا الغاليه لازم اتقوليله الي ابقلبج

انتو في فترة ملجه يعني فتره تكتشفون بعض و شخصيات بعض بدون مجاملات و انتي الي اتسوينه مجاملات يا الغاليه

لنه بمر الزمن وانته الحين صابره و حزينه و اهو و لا داري بالي تمرين فيه وهذي مو بدايه حلوه حق شراكه عمر كله
لازم تكون واضحين بالي تبينه بالبدايه عشان تتفقون ، لنه اذا ما في اتفاق بين الزوجين في اول فترة من حياتهم ....الامور باتكون صعبه .
لا اتقولين اتحمله لنه احبني " قولي بقوله الي ابقلبي لأنه احبه و ابيه يدري "
شوفي اختاري الوقت الي اتحسين انه مناسب و كلميه و الافضل مو بالتلفون


الله ايوفقج و ايسر امورج و ايتتمم عليك

 

[البارونـه]

هالشخصيه دوم تحس انها ناقصه حنان واهتمام وتحتاج انج تحسسينها انها محور حياتج
دوم حسسيه انج مهتمه فيه وتحاتينه وتحبينه
وبنفس الوقت دامه وايد جدي وعصبي خلي بينكم حدود ولا تقطين الميانه
اهم شي بالعلاقه الاحترام واذا طاحت الميانه راح الاحترام
خلي بينكم احترام وموده وقطي نغزات ان اهم شي يكون فالعلاقه احترام
وكل شي مو عاجبج قطيه ك نغزه مثلا قولي انا اهم شي يوم نتزوج نبي نكون على قلب واحد ومانجرح بعض ولا يرتفع صوتنا وجي
ودامج بالملجه هاي شي طبيعي ان شخصياتكم مختلفه وفي صعوبه بالتعامل والتعارف
الله يوفقج ويتمم لج على خير

 

[anwaarsandrilla]

up up up

 

[A p r i l]

دامج شايفه عليه اشياء ومتأكده .. ليش عوار قلب لا خذتيه عقب باجر يطيح الفاس بالراس واتدبسين فيه مع ياهل

الم يوم ولا الم سنين ياختي فكري عدل ..

مابي اشيشج بس هذا زواج والحب مو كل شي اهم شي الاحترام والتفاهم ويكون رزين ويخاف ربه .!!!

شايفته ف لستت رفيجتج وفوق هذا قايلت لج ف شات وحاط بنه
و اكبر من جذي مستغني عنج

دوسي ع قلبج وانتي اللي خليه عشان يحس

 

[ظبية بوظبي]

الله والله كلام الي كتبولش انا استفدت منه
وصحيح كلام البارونه مررره عجبني
الي نفس نوعيه زوجش اشوف ان افضل حل معاه ان تخلين علاقتكم فيها رقي و حدود عشان يستحي فيش ولا يغلط عليش
+ عامليه برقه ولطف وحنان
ولا تلصقين فيه كثير لان كثر الاحتكاك يولد مشاكل ويطيح الكلافه
وتعالي بشرينا

الا سؤال تقولين انه يدخل شات ؟ قصدش الشات العادي مال اول ؟؟ في ناس بعدهم يدخلونه !!

 

[jessica almutairi]

انا اشوفه انه طايش و يبي اهتمام وحنان وهو للحين م حدد شنو شخصيته وشنو يبي
و على سالفة رفيجتج والبن لآ تثقين فيها
. . , وشخباري جات شلون عدت السالفه عليج ان لقته بجات ؟؟
ف انا اقول خليه فتره ولا تكلمينه و اطلبي ربج و الله يكون بعونجج ويوفقج ي رب :*

 

[M!SS.LOBY]

الله يهديه