مالي غيركم

[مانجا كويتية]

مرحبا حبايبي عساكم بخير
والله مالي غيركم اساله واستشيره
امس راجعت دكتورتي عشان اشوف نفسي بعد ما اجهضت وعرفت فيني اجسام مضادة سوت لي سونار داخلي وقالت عندج كيس ماي وقالت علاجه حبوب مانع حمل قلت له اخاف اخذ مانع وانا لي الحين ماعندي يهال قالت عادي انشالله يروح الشهر الياي ولازم اجي لها الشهر الجاي وتشوف ما اقنعتني وخايفة
الله يخليكم اللي عندها معلومة ترد علي

 

[WaChoCha]

عسى ربي يرزقج بالذرية الطيبة ويشفيج ان شاء الله
توكلي على الله واخذي المانع .. الدكتورة من بعد الله اعلم
انا لما سويت حقن مجهري هم عطوني لمدة شهر مانع حمل والشهر اللي وراه بلشو تنشيط

لا تحاتين ان شاء الله خير

 

[lovemyself]

والله مادرى
بس حبيت ارد عليج واواسيج
الله يوفقج

 

[mosta7eel]

حبيبتي اول شي عسى ربي يرزقج الذرية الصالحه
ولا تخافين من حبوب منع الحمل بالعكس وايد زينه حق الي عندهم مشاكل
انا رفيجتي دورتها ما كانت منتظمة وصفتلها الدكتورة حبوب منع حمل والحين عندها توأم ماشاءالله

 

[om_7mood]

حبيبتي لازم تعالجين الكيس علشان لايكبر
لان اذا كبر ماينشال بحبووب , بعدين لازم تسوين عملية
فاخذي برأي دكتورة او دكتورين أحسن

 

[فراشة الكويت25]

انا ماعندي اي فكره
بس حبيت ادعيلج يارب انه يرزقج ولا يحرمج الذريه الصالحه

 

[ما في مثلهااا]

ما عندي فكرة بس حبيت ادعي لج بالذرية الصالحه

 

[كويتيه مذهله 87]

حبيتبي الدكتوره تعرف اكثر منه

شوووفي الماانع بالعكس يفيد حق التكيساات وتأخر الحمل
اخذيه هالشهر والشهر اليااي ان شالله حاامل