ماليزيا تهبل لكني ...

[fay fay]

السلام عليكم


ياخبيرات اسيا
يارب القى عندكم مساعده

امممم سلمكم الله سفرتي السنويه تقريبا قرب موعدها

وبصراحه .. انا سنوياً يمكن 4 سنوات كل سنه منقعه بماليزيا
حفظتها .. صميتها صم ..

والحقيقه احبهاااا جداً ومابتوقع اني القى بلد " راقي , نظيف , سياحي, رخيص , جنة تسوق " مثلها
احس فيها كل الاشياء اللي تخلي الواحد يسافر لها .. مغرياتها وايد .. تسوق وطبيعه وجزر مريحه للقلب والعين وتخلي نشاطك يتجدد


بعد كل هالمدح بماليزيا
بقولكم مشكلتي

المشكله اني سلمكم الله مابي السنه اسافر ماليزيا ..

احس بدا يجيني ملل او فتور خلاص حفظتها ..مع ان مغرياتها تغطي على اي شي ثاني

زين انا ابي منكم البديل

شرايكم اروح :


سنغافورا + ماليزيا
المالديف + ماليزيا
بالي + ماليزيا
هونج كونج + ماليزيا

او اروح :
هونج كونج + الصين << زوجي خايف نتوهق مع اللغه لانهم مايتكلمون انجلش
كوريا



( مع العلم اني لو رحت ماليزيا بروح صباح + كوالا بس لان خلاص تشبعت من باقي المناطق )


ياليت تردون علي رد يساعدني

 

[فاقده ابوهاااا]

رد : ماليزيا تهبل لكني ...

مو الا تروحيلها وصج ترى اذا رحتيلها كذى مره تملين انا لاعت جبدي منها وتوني راده بس استانست لان اليهال استانسوا ولو تسأليني انا بقولج مليتها بس دامج رايحتلها ما انصحج روحي المالديف اذا قلتلج روعه شويه عليها بس الاقامه غاليه اهناك ومافيها غير الراحه والاستجمام

 

[fay fay]

زين اشوا في حد فاهم لي هههههههههههه

اختي المالديف مثل ماقلتي حقت استجمام يعني بالكثير 3 ايام وبطلع منها
وين اروح تالي ؟؟
اروح ماليزيا بعد !!!


ياختي لما افكر بأني ادل كل شبر فيها وان اعرف اسواقها واعرف شنو ابي منها واعرف اي محل هو الافضل والارخص ووووو احس ودي اريح نفسي ... لان رحلتي نصها استجمام ونصها تسوق ...

متحيره ..

 

[^kloOot^]

امممممممممممممم

صح انا رحت ماليزيا مرتين

بس مليت خلاص

ماعتقد اروحلها

اوكي ليش ماتبتعدين عن شرق اسيا
وتروحين اوروبا

او تركيا


دول بااااااارده

 

[Meeesh]

روحي هونج كونج او سنغفورا

 

[مضيعة برقعها]

روحي الصين (( لاكوانزو وماليزيا ))
مايحتاج انجلش كله عرب

 

[summer's day]

رد : ماليزيا تهبل لكني ...

روحي هونغ كونع والصين بالذات قوانزو اذا تبين سوق.
هونغ كونغ فيها ديزني لاند ومتحف الشمع وطبيعة حلوة بس جوها ممطر وممل إذا عادي عندج وتبين هالشغلات روحي بس ترا مو رخيصة نفس الصين.

 

[غَـنْـجَـى و دَلـوعْ]

ليش تحصرين نفسج بدول آسيا ؟ إذا تبين تغيرين حالته تغيرين القارة بكبرها و تروحين أوروبا أو غيري على الأقل من هالنوعية يعني مثلا تركيا حييييل حلوة عجيبة و كل منطقة تتميز عن الثانية يعني أوزنجول فيها جنها دولة ثانية مو نفس اسطنبول حدها حدها تهبل هالديرة و بتستانسين فيها إن شاء الله خاصة إن جوها حلو وما بقى شي على موسم الأمطار عندهم يعني قمممة المتعة و الاستجمام ..

والله ييسر لج سفرتج و يهنيج بكل ثانية فيها ..

 

[غَـنْـجَـى و دَلـوعْ]

مو حالته قصدي حلاته *
أبي لازم أنام ألحين قمت أقط بدلياااات

 

[fay fay]

امممممممممممممم

صح انا رحت ماليزيا مرتين

بس مليت خلاص

ماعتقد اروحلها

اوكي ليش ماتبتعدين عن شرق اسيا
وتروحين اوروبا

او تركيا


دول بااااااارده

نصيحه لاتروحين لها مره ثالثه الحين
روحي لها بس بعد كم سنه عشان تشتاقين لها اكثر

<< انظر من يتكلم :denya:

اممممممممم بالنسبه لأوربا .. مادري بس انا لو بروح لها بروح بنقابي .. واحس بيضايقوني عشان جذي مابي .. والشي الثاني انا اخاف من سالفه مطاراتهم وسوالف هالاجهزه اللي تكشف الجسم وووو

مشكوره قلبي على الرد والمساعده

 

[fay fay]

روحي هونج كونج او سنغفورا

تصدقين حلو اسبوع هونج كونج واسبوع سنغفورا
ماقد فكرت فيها

بس سؤال تعرفين اذا بلقى بديل لاسواق ماليزيا في هالبلدتين ؟؟
يعني اسواق ماليزيا رخيصه هل هم مثلها

 

[fay fay]

روحي الصين (( لاكوانزو وماليزيا ))
مايحتاج انجلش كله عرب

بس بالاسواق والمطار والفندق والتكاسي مافي عرب وتحتاجين احد يتكلم انجلش صج؟؟

 

[fay fay]

رد: رد : ماليزيا تهبل لكني ...

روحي هونغ كونع والصين بالذات قوانزو اذا تبين سوق.
هونغ كونغ فيها ديزني لاند ومتحف الشمع وطبيعة حلوة بس جوها ممطر وممل إذا عادي عندج وتبين هالشغلات روحي بس ترا مو رخيصة نفس الصين.

:icon30:

كثرت الاصوات للصين

بسئلك الصين وهونج كونج جوهم استوائي نفس ماليزيا او عندهم شتا وصيف مثلنا؟؟

 

[fay fay]

ليش تحصرين نفسج بدول آسيا ؟ إذا تبين تغيرين حالته تغيرين القارة بكبرها و تروحين أوروبا أو غيري على الأقل من هالنوعية يعني مثلا تركيا حييييل حلوة عجيبة و كل منطقة تتميز عن الثانية يعني أوزنجول فيها جنها دولة ثانية مو نفس اسطنبول حدها حدها تهبل هالديرة و بتستانسين فيها إن شاء الله خاصة إن جوها حلو وما بقى شي على موسم الأمطار عندهم يعني قمممة المتعة و الاستجمام ..

والله ييسر لج سفرتج و يهنيج بكل ثانية فيها ..

ثاني صوت لأوربا

مشكوره حبيبتي :eh_s(21):

 

[sweetkoko]

اولا أهنيج انج مافكرتي بتايلند واذا تحبين شرق اسيا بدون تردد هونغ كونغ راقيه ونظيفه بس سياحه سوق كوانزوا بس لج عليها موذاك الزود بالنظافه وشنغهاي جبال وثلج وبررررد بس راح تتعبين بالاكل لانهم بوذ شوفي اهم ابرك من تايلند بس بالأكل تعيسين

 

[fay fay]

هلا اختي سويت كوكو
بالنسبه لتايلند اساسا انا مجبوره اني مافكر فيها لانها دوله مش مصرح لنا نسافر لها
ولو سافرنا لها ممكن ينمسك الجواز 5 سنين وغرامات وبلاوي فماتعبت راسي فيها .. مع ان يقولون انها حلوه للتسوق
بس سمعت وايد انها وسخه بعنف بعد

انا فكرت بالصين بس قلت ماراح احصر روحتي بكوانزا وبروح شنزن وشنغهاي وكوانزا مع هونغ كونج بس احس صج بيصير تعب

فشكلي لو روحت بخلي بس شنزل وكوانزوا بحكم قربهم من بعض

وتسلمين اختي

 

[sweetkoko]

حرااااااااااااااام اطوفين هونغ كونغ ترا وووايد حلوه وونيسه ومتحضره واهم شي الحياه فيها شامله تسوق ومناضر وطبيعه ومتاحف وملاهي ودزني لاند واايد ونيسه والعاب ناريه يوميا واضواء ليز صراحه مدينه مدهشه وساعتين بالقطار والقطار رووووعه وتجربه خياليه ولج كبينه خاصة فيج والمناظر حلوه مادري تري هونغ كونغ صغيره 6 ايام تكفيها مو خسرانه شي مريها قبل كوانزوا

 

[fay fay]

ماتقصرين على النصيحه اختي

ابشرك .. الاختيارات تقلصت الي

هونج كونج والصين

او

اندونيسيا

والثاني شفت لها تقارير
صج البلد حلوه من ناحيه الطبيعه بس ماحبيتها من ناحيه التطور والرافاهيه
كلش بوووور حسيتها

بس صج طبيعه

 

[fay fay]

اختي فلونه اييييييييييييييييييييييييييييه ماليزيا تهبل وشوي عليها تهبل ولا ليش انا محتاره

بس مشكلتي اني رحت لها 4 مرات فخلاص احس شبعت منها من ناحيه ان مافيه اكشن بالسفره
اما من ناحيه انها حلوه او لاا فهيا والله حلوه

بس خلاص

سنويا صار نفس الروتين
نفس الاماكن
نفس الاسواق
نفس التمشيات

فهمتي ليش ابي اغير

والا اذا تبين الصج والله متولهه على اسواقها بس مابي ابي اغير

 

[*حور العين*]

تصدقين ماحبيت ماليزيا وااايد ماادري ليش

بس نصيحه روحي المااااااااااااااااااااااالديف روووووووووووووووووووعه حتى لو بس 4 او 5ايام صج صج وناسه لاتطوفج

وبصراحه الدوله اللي صج روووووووعه وماتنمل استراليا صج صج راح تستانسين واذا كنتي تحبين سوالف العاب ومدينة ملاهي راح تستانسين من قلب

موفقه حبيبتي