مالذي جعل الزوجه ترتكب مجزره......؟؟؟

[marami]

انا ما كنت عارفه كل السالفه بس سمعت انه في حرجه و و و و .. بصراحه ما هتميت عبالي شي عالدي بس لمه دريت انه عرس !!
و لمه عرفت كلللل السالفه مت من الخرعه و الله قلبي عورني على الامهات الي حموا عيالهم
و الله الله يرحمهم ولا الي ذايبه عالكرسي وااااااااااااي جعل مثواهم الجنه انشاللللله و الله عوار قلب

 

[آبـلـہ نـونـو]

حسبي الله عليهآ ,,

لآ حول و لآ قوة إلآ بالله ..

 

[مشموشته]

الله يغفرلها و يغفرلنا اجمعين

 

[r1ksa]

اختي

مو ذنب اهل العرس انهم سووا عرس

الاولى نمسك المجرم مو نتركه و نمنع نفسنا من الفرحه

و اذا هذي سواياها ما ينلام يوم طلقها

فراقها عيد!!

حريم انطقوا و اكلوا هوا من ازواجهم

اللي تكسرت واللي تحطمت واللي واللي

بس ما احد يسوي جذي

كل اللي سووا ردود افعال عنيفه ضد الزوج اعتبرهم القضاء مجرمات
فما بالج باللي افترت في مدينه كامله !!

الالم والقهر ما اصاب اللي احترقوا

تعداهم لاهلهم وحبايبهم

ولنا كلنا .. انا مو كويتيه
انا سعوديه

و انتوا اهل وحبايب قبل لا تصيرون جيران ..

ما تتصورين شكثر متأثرين و متضايقين على اهلنا و اخواننا هناك

مهما كانت الاسباب .. مو من حقها تعتدي على حرمة عرس طليقها واهل العروس

ولا تخطط بالعمد ((مع كل الظروف التعيسه اللي اجبرتها)) انها تحرق الخيمه
شنو يعني تمزح معاهم مثلا ؟؟

حريم بفساتينهم و كعب وتسريحه
لا احترقت الخيام شلون بيطلعون؟؟ بعبي والا بدون؟؟

لو الكل نجا من الحريق .. شبيقولون ((يوووه يا حليلها كانت تنكت .. بس دمها خفيف الشيطانه!!))

خلكم واقعيين بنات

 

[مي الصغيره]

اختي اللي تقول لازم نشوف الظروف اللي ادت الى الجريمه ترا هالشي مو مبرر تذبح 44 نفس كانهم ذبان مو اوادم اختي احنا بدوله قانون مو بالارجتين ولا كوبا يعني في محاكم في محامين ليش ما الجات لاحد يكلمه ليش اصلا ما فوضت امرها لرب العالمين اللي عارف وشايف
ترا المبدا اللي تتكلمون عنه اسمه( الغايه تبرر الوسيله )
يعني انا طفرانه من دوامي و مظلومه بشهادت الجميع هل هذا مبرر اروح باجر الدوام اشب بالمكبت باللي فيه بعدين اقول حاربوني بلقمه عيشي و قط الاعناق ولا قطع المعاش


هاذي جريمه يا اخواني قتلت 44 نفس و غير اللي تشوهوا مدى الحايات
عفية مخ حتى بن لادن ما فكر جذي
عساها تحترق دنيا واخرة

 

[مي الصغيره]

اختي اللي تقول لازم نشوف الظروف اللي ادت الى الجريمه ترا هالشي مو مبرر تذبح 44 نفس كانهم ذبان مو اوادم اختي احنا بدوله قانون مو بالارجتين ولا كوبا يعني في محاكم في محامين ليش ما الجات لاحد يكلمه ليش اصلا ما فوضت امرها لرب العالمين اللي عارف وشايف
ترا المبدا اللي تتكلمون عنه اسمه( الغايه تبرر الوسيله )
يعني انا طفرانه من دوامي و مظلومه بشهادت الجميع هل هذا مبرر اروح باجر الدوام اشب بالمكبت باللي فيه بعدين اقول حاربوني بلقمه عيشي و قط الاعناق ولا قطع المعاش


هاذي جريمه يا اخواني قتلت 44 نفس و غير اللي تشوهوا مدى الحياة
عفية مخ حتى بن لادن ما فكر جذي
عساها تحترق دنيا واخرة

 

[ريان الحلوه]

لا حول ولا قوه الا بالله

 

[ام عمار]

لاحول ولا قوة الا بالله

 

[بنت ربشه]

أي ظروف هذي تخلي الواحد يجتل الناس ارواح الناس مب لعبه لو كل واحد جتله حد وقالو ماتدرون بظروفه على الدنيا السلام انا صراحة مااتعاطف معاها وحسبي الله عليها على اللي سوته انا قلبي يعورني على اللي تيتمو واللي فقدو زوجاتهم وخواتهم وانشاء الله اذا ثبتت عليها التهمه تنال أشد العقاب وتكون عبره للناس عشان الواحد يفكر قبل لايخطي اي خطوة سويها ولا ليش الله سبحانه وتعالى خلق لنا العقل وميزنا عن جميع المخلوقات ؟! اللي سوته مب شوي هذي كارثه وفاجعه هزتنا كلنا مب بس انتو يااهل لكويت كل الخليج والله

 

[عثمان حبي]

الله يأجرهم في مصيبتهم ويصبرهم صج مصيبه انا لله وانا إاليه راجعون والله كل يوم افكر فيهم وشلون صار الحادث شئ مايتصور وانا جربت وانا صغيره انداس من زحمة المدرسه المهم متخيله وضعهم اللي صار الزحمه اللي صارت والمخرج بس واحد سبب بموت الكثير غير هذا اللي انداسو ماتو من الناس صارت فوقهم المفروض يبلغون انه جايهم تهديد مايسكتون ولا يصير اللي صار ماقول الا الله يصبرهم على بلواهم

 

[RaMoSha]

والله لو طاقيني اهوه وامه وخواته وحتى مرته اليديده ودايسين ببطني وقاطيني بالشارع مااحرق خيمه باللي فيها احرقه اهوه اكفخه بالموووت اذا بحرق الخيمه احرقها بدون بانزين او احرق نفسي علشان اخرعهم مو احرق خلق الله اذا اهيه صج مسويه هالشي مهما كان عذرها الله لا يسامحها وياعلها تذوق اسوا العذاب بالدنيا وبالاخره

 

[آبـلـہ نـونـو]

اختي جواهر

الجريمه كبيره ولا تسامح عليها ارواح ناس راحت تعرفين ويش ارواح
والسبب الحقد وقلت الوازع الديني
فعلتها سببت جرح في قلب كل مواطن كويتي كارثه ماراح تنساها الكويت مهما طال الامد

لاحد يقولي محد يدري عن ضروفها ولا احد يجي يقول مريضه نفسيا هذي سوت الجريمه
بتخطيط يعني الامر كان مخطط مسبقا اي ناويه ومبيته النيه وهذي مالها الا الاعدام على فعلتها الشنيعه

ثانيا
يوم تقولين ليش المعرس سوى عرس وهو كان على علم في تهديداته رجال عباله كلام وخرابيط
ومن حقه يسوي عرس ما نقع الوم عليه

ما اقول الا حسبي الله ونعم الكيل مراح نرتاح الا نشوقها معلقه بس​

كلآمج صح ,,

 

[يمة يادلبي]

بسكم عاد
الدنيا ماتسوا ترتكب مجزرة شوفوا جم وحدة اذبحت الحين وعشان واحد مايبيها
الله يرحم الي ماتوا ويشافي المرضى
والله يعين اهاليهم الواحد لا مات احد من اهله موته طبيعييية يحس روحه مفجوع شلون لو ماتوا محترقين ومتفحمييين وحتى ملامحهم مو مبينة
الله يعييينهم بس

 

[joj0sha]

لا حول ولا قوه الا بالله

 

[شوارفسكيه حمره]

لا اله الا الله
ولاحول ولاقوة الا بالله
وانا لله وانا اليه راجعون

 

[computer_teacher]

الله يرحمهم يارب ويغفر لهم .... بنات الي تسبب بهالحريق راح يلقى جزاءة الزوجه والا غيرها الله ما يخلي ظالم الا ويقتص منه
بس يا بنات انا بصراحه ودي الناس تلتفت للمشاكل الي يسببونها اهل الزوج طبعا مو الكل في عوايل تخاف الله وتحط مرت الولد بعيونها
بس في ناس مثل خوات المعرس ياربي نسورة موحريم اي على شنو عاد حرني واحرك انشالله يتعظون ويشوفون خلال ساعه او اقل اكثر من 45 روح لاقت ربها والحساب عنده سبحانه .

 

[كلي فرح]

مااااااااااااااالها اي مبرر
والله لو شنو مسوين فيها
تبي تاخذ حقها تاخذه من اللي ظلمها مو من ناس ابرياء
وبعدين شلون ما توقعت بانزين ونار وخيمة وزمكيفات وشهر ثمانية الدنيا مولعة
ووالله ماكنت اقصد بخرب العرس بس!!!!!!!
ما اعتقد وحدة بهالتصرفات( وقوة الراس)
ممكن احد يظلمها
واذا احد ظلمها هي ظلمت نفسها ميه مرة وظلمت الناس اللي ماتوا واهلهم
وظلمت اهلها وعيالها
منو الحين مظلوم؟؟؟
الواحد بس يمشي بالجهرا يشوف لوحات كثرة لوحات العزاء بكل مكان
وكل شارع بالقطعة فيه عزا او اكثر

 

[)( مسألة وقت )(]

لا حول ولا قوة إلا بالله العلي العظيم ..

وحسبي الله ونعم الوكيل ..

 

[شاي مهيل]

​

حبيبتي جواهر انا معاج بصرااااااااااحه المعرس واهل المعرس اهم الي استاثموا بالناس الي موجبينهم ولا ليش اهل المعرس ماصار فيهم شي ليش ؟؟؟ هذا سأل وراه 1000علامة استفهام

اللهم احم الاموات وشافي المرضي آمين​

​