مالجه وأجيب العيد :"(

[بعيوونك زعل]

هاااي بنااات شلووونكم ؟

ماعرفت وين اسولف مالقيت الا احلى منتدى افضفض فيه ، انا مملجه صارلي 8 شهور وبينا اتصال
مشكلتي مااعرف اتعامل معاه اعطيه ريج عسل ماينفع معاه ينقلب مودي الله خير اندق سلف بسرعه

اول ماكلمني سيده صدمني يقول ابيج تلبسين نقاب بسم الله مامدانا نمون ع بعض حاولت فيه ماكو اخر شي قلت اوك مخططه مالبسه
طلع لي بسالفه ثانيه ماتطلعين الا تبلغيني ويتنرفز شدعوااا عادي مع اهلي اطلع مو بروحي حتى مو مع رفيجاتي ليش العصبيه والنرفزه

والحين طالع لي بسالفه ماكو نادي معصب وماخذها بجديه جني رايحه كازينو مو نادي ترى بعدي ببيت اهلي مو عنده شوري بيد اهلي للحين يستصعب الامور

مشكلتي افهم انه بعدي عند اهلي بعيش حياتي ، وماودي اعطيه ع كيفه عقب يتحكم فيني ولا ابي اكسر كلمته يصير بخاطره لانه يحترمني ويقدرني
ماودي يفهم اني مو مقدرته بس ابي مساعدتكم شلون اسوي الي بخاطري بدون ماازعله واقنعه صح ماله حق بهالفتره بس يحرجني يقول السالفه سالفه تقدير لا اكثر
بس انا اشوفه بيتحكم مو عارفه اتعامل معاه اهو يتنرفز بسرعة وانا صدري ضيج

ادري قرقت وااجد بس فعلا اعاني اني مااعرف اسوي الي بمزاجي واقنعه فيه حتى لو مايحبه ومااعرف اعلقه فيني لو معلقته جان مايقول لا ويتحكم :"(
يمكن انا غلطانه وعوني انصحوني اعااني بالتعامل معاه

 

[منيره kkk]

حبيبتي كلهم جذي أول الأيام وبعدين يطخخخخخخخخ لوووول عادي بس سالفه النقاب اذ انتي رافضتها بغليه وتفاهمت وياه والطلعه و الدخل هري لج أهو التلحين مافيها شي اذ استأذنني منه
تقدرين تكسبين

 

[وَدَقْ]

عطيه ع جووه كلهم جذي بالبداية
اكسبي احترامه. وناقشيه بهدوء واذا. ماتقبل سايرييه لان هالبداية هي اللي تبني علاقتكم مع بعض
لاتخضعيين حيل ولا تعاندين مهما كان هو معتبر نفسه زوجج وله سلطة عليج
واغلبهم بالبداية يختبر ويجس نبض وبيشوف نوعيتج من الحريم
بسطي الامور واخذيها من جانب ثاني ان لو منعني عن شي ماراح امووت او يصير فيني شي
اذا كان يستاهل ويحترمج انتي بعد قدريه واحترميه
والرجال بوجهة نظرهم احترام غيرتهم افضل رد للغيرة
وكل اللي قلتي عنه من باب الغيرة والحب لج
والشي اللي نشوفه عادي عند الرجل شي كبير ومستنكر
مثال النادي يعني وايد شباب مايحب محارمه تلبس سبورت او تاخذ راحتها بمكان مايعرف شنو فيه او شنو ابعاده او نوعية اخلاق الناس اللي تدخله !
اكسبيه وحلو انج عرفتي شنو يحب ويكره من البداية
لان في شباب يصير رومنسي وروميو بوقت الملجة ومن بعد العرس يطلع الوجهه الحقيقي
وموفقة يارب

 

[Bnt-USA]

والله مادري شقوللج الرجل ببداية ازتباطه يحب يفرض رايه عشان يعود زوجته تطيعه
بس المشكله ان ما يفهم ان مو كل شي يقوله لازم اقول ان شاءالله وانا مو مقتنعه

حبيبتي قعدي معاه وتفاهمي عدل و بهدوووء و حب
مسكي ايده وقوليله انا ابي ابدي حياتي معاك على تفاهم واقتناع ورضى
يعني اذا انا بغيت منك تغير شي فيك ما افرض عليك ،، لازم اقنعك بالاول و اذا مو عاجبك احاول قد ما اقدر اخلي الموضوع حلو بعينك لما تقتنع

ثاني شي اذا انت بغيت مني البس نقاب لا تفرضه علي قبل ما تقنعني فيه عشان اكون لابسته بقناعه ورضى ما اكون مجبوره عليه واتذمر منه

حاول تنصحني تقول لي مميزاته يمكن انا غافله عنها ؟؟؟؟

ثالث شي حبيبي انا لما اروح النادي اجهز نفسي لك عشان تكون فيني لياقه و عشان جسمي يكون مشدود وباجر لي حملت اكون بصحه وعافيه
والرياضه مفيده للجسم و مسليه للوقت يعني بدال لا اروح مجمعات ومطاعم !! او اقعد بالبيت اطقطق بالنت !! ع الاقل استغل وقتي بشي مفيد

والا انت مو راضي لان النادي هذا مر عاجبك قول لي اروح غيره !!
او تبيني اووح مرتين بالاسبوع هم مقتنعه وراضيه

كللللللللللا قوليله هممممي رضااااااااك وراحتك
وابي دايما اشوفك مرتاح
وماراح ترتاح الا لما انا ارتاح


وبالنسبه لموضوع انج ما تعرفين شلون تعلقينه فيج هذا ما اقدر اعلمج ياه لان كل ريال غير عن الثاني
في رياييل يتعلقون بالبنت اللي تدزز صورها دايما و في اللي ماتهتم فيه يحبها
وايد انواع وما اعرف شخصية زوجج عشان احكم عليج بطريقة معامله

بس عموما كلللل الرياييل اللي يحبون المره يبونها مطيعه قنوعه هاديه حساسه شخصيتها قويه
ولما تتضايق من شي تقوله بصراحه وبطريقه لبقه


ابتعدي بحياتج الزوجيه عن العصبيه نصييييييحة
خلي كل شي بالتفااااهم والهدوء
وال ما اقتنع مره !!؟ احاول فيه بطرق ثانيه مره ثانيه


انا ما اقول لج روحي قوليله انت ما شرطت علي النقاب وللا توني في بيت اهلي وتتحكم
لااااا هذا مله غلط ترى!!!!!



ترى انتي على ذمته و مو قاعده ببيت اهلج عبط قاعده عشان اهوه وانتي تتجهزون
لا يقصون عليج البنات بكلامهم وعانديه وخرابيط


غيييرييييي حياااااااتج بالتفاهم الهادي وبالحب
وترى بعد العرس لما تكونين عنده بتتغير وايد اشياء بتتذكريني
بيفهم عدل وتفهمينه عدل
وبيطلع اللي بالتليفون انسان ثاااني ههههههه ع الواقع كل شي حلو


انا ريلي ما كلمته بالملجة وليلحين ما اعرف اتفاهم معاه بالتليفون
لازم يكون جدامي لان بالتليفون صعبه تفهمينه عدل بالواقع كل شي غير


سوري ع الاطاله والله هدفي انصحج ما اخرب عليج حياتج

 

[مذهلة2013]

شوفي بالاول والاخير اهو ريلج
سواء قاعده في بيته ولا بيت اهلج لانه مملجه
وانا ماافضل الملجه الطويلة حلاته ملجه وبعدها بشهرين زواج :rerrerek:
ماعلينا :
النقاب مساله مهمه ولازم تقتنعين ومولازم توافقين اذا مو مقتنعه
اما النادي : انا كنت نفسج ماكان يرضى اروح وهم مايبين اضعف فـ كنت اروح يوم واكشت بالنادي يومين وكنت حتى بالبيت مااقعد اسوي رياضه واعوض مكان النادي ولو رحتي بيت ريلج ماراح يكون وقت تروحين للنادي

وترا كل الرياييل جذي ماكو ريال مايحب يفرض نفسه انا ريلي يموت على انه البس عبايه معطيته سكب
لانه طول عمري ماالبس الا ( اذا انا ابي )
وحتى المكياج يغار فـ الحين احط اشويه مكياج مو نفس اول لانه يغار وله حق مرته :eh_s(7):

الخلاصه :

طبقي الي انتي تحسين انه صح ولاتزعلينه وفرضي رايج الريال نفس الياهل ساحليه بالكلام وراح يرضى :ggdw:

 

[نـعـومـه]

سالفه تطلعين مكان اكيد لازم تقوليله !!!!!

ونادي هم مولازم لان في رياييل مايحبون

اما نقاب مادري يعتمد اهوه بالخطبه قالج ابيج تتقبين ؟

 

[New_bride]

المفروض مثل هالاشيا تتفقون عليها قبل الملجه
النقاب كان لازم يقولج من قبل انه يبيج تتنقبين
اذا وايد صعب عليج قوليله ان هذا ماكان اتفاقنا وان شاء الله مع الايام بهيء نفسي لهالشي لكن الحين صعبه شوي
وبتشوفينه مع الايام بيطخ وينسى
عيل انا شقول قالي لبسي عباية راس قلت له ناويه فالمستقبل بس مادري متى ولاتضغط علي عشان ما اهون والحمدلله انه سكت عن هالسالفه

اما سالفة النادي قوليله ان هالشي زين لج ولصحتج والرياضه مهمه والمكان كله حريم ومافيه حد ومن هالكلام

هو زين انه من الحين تكلم احسن من انه يصدمج بالاوامر بعد الزواج لان بعد الزواج من غير شي يجي ضغط نفسي عالزوجه وتتنرفز بسرعه

 

[yam_yam]

عادي حياتي الرياييل اول الايام لازم يحاول يفرض شخصيته و انتي بعدها بتشوفين انه يطخ شوي شوي



انا لما انخطبت شرط عليي العباة و قلت اوكي

بس شوي شوي قمت البسها للجمعية و المباركية و هالاماكن

لكن اذا لبست لبس طويل و حلو و وواسع هو يشوف و يسكت مايتكلم



و حتى المكياج ما احاول احط المكياج الصارخ و صار يسكت



و شرط ماكو خدامة و قلت اوكي مو مشكله

و بعدها لما شافني حابه المطبخ و ابي اتفنن بالاكل و كل يوم طبخه ووجبه و شغل البيت

هو بروحه دخل عليي بيوم قال لي طلبت لج فلبينية انتي تعبتي من شغل البيت خل تساعدج



الريال انتي تقدرين تتحكمين فيه و لازم تفهمين شغله انه باول الايام هو يفرض شخصيته يعدها يلين شوي شوي

و هو لما يشوفج راضيه و ساكته ساعتها لاطلبتي اي طلب بتلقينه يوافق



لاتعاندينه و لا تداحرينه سكتي و قوليله حاضر و انشالله



جيبي مدربة البيت و تدربي معاها و النقاب قوليله عادي سكتي

و هالاشيائ عندي بسيطه

المهم انه يعزج و يحبج و يحطج بعيونه هذا اهم شي

 

[miss.unique]

كل الرياييل بالاول يسوون جذي ...

بس انتي وضحي له رايج بهدوء وساحليه بالكلام الحلو ...

مع الايام بطخ بس الحين يبي يفرض شخصيته .. ويبين انه ريال وله كلمته ..

 

[galb 7abebii]

البنات ما قصروا ..
حبيبتي ساحليه بهدوء وبالكلام الحلو وان شاء الله كل شي بينحل .. واهم شي لا تعاندينه
وعســى الله يتمم عليكم :eh_s(17):

 

[جامعيه طموحه]

البنات ما قصروا

سايريه ومع الوقت بيطخ قولي ان شاءالله

الله يتمم عليج

 

[Ēŋѕαnħ ツ]

حبيبتي لا تعاندينه أبد نصيحححه والله تخسرينه
تخيلي إنتي تشدين و تعاندين و هو يشد و يعاند بهالشكل مستحيل تستمرون
سايريه أي شي يقولك عليه قولي طيب حاضر
مع الوقت يموت فيك و يستحي يرفضلك طلب صدقيني
إلا العناااااااااااااااااااد هو خراب البيوت و الرجال يكره العناد و الزوجه العنيده
الله يسخره لك و يتمم لك على خير

 

[* Snow White *]

مشكله ترا مو من عنده الكلام تدرين؟ مو من قناعته اهو يقولج ترا، صدقيني ربعه. لاتقولون لي امه او اخته. ربعه بالظبط جذي صار مع اختي الله يعينها، وانا ملجت ١٠ اشهر مع زوجي وصارلي ٤ اشهر متزوجه الحمدلله.. يازين ايامها حتى امي عصبت على ريل اختي انه ليش جذي ومو نفس زوجي. سالت زوجي عن هالاسباب واهو يعرف ريل اختي، السبب ربعه وقالي شلون الطريقه تصير. وانه ينسى انه انتي بنت ناس بتهدين ابوج واخوانج عشانه.. بس اهو يفكر بنفسه ويكون خايف ومتوتر ومتردد ويعني يقولون له ورها العين الحمره! وهذا اكبر غلط وبسبتها تبدي المشاكل .. الله يعين بس.

 

[* Snow White *]

مشكله ترا مو من عنده الكلام تدرين؟ مو من قناعته اهو يقولج ترا، صدقيني ربعه. لاتقولون لي امه او اخته. ربعه بالظبط جذي صار مع اختي الله يعينها، وانا ملجت 10 اشهر مع زوجي وصارلي 4 اشهر متزوجه الحمدلله.. يازين ايام الملجه.. كنا نكلم بعض وماشاءالله ريلي يعاملني مو بس زوجته وحبيبته لا وصديقته بسرعه طاحت الميانه بس بحدود الادب كل من يحترم الثاني وهدايا.. وكنت استحي اكلمه صوت لول وكان عادي يضحك مايجبرني فكنا بي بي ام و واتس اب غالبا. حتى امي عصبت على ريل اختي انه ليش جذي ومو نفس زوجي ماشاءالله. سالت زوجي عن هالاسباب واهو يعرف ريل اختي، السبب ربعه وقالي شلون الطريقه تصير. وانه ينسى انه انتي بنت ناس بتهدين ابوج واخوانج عشانه.. بس اهو يفكر بنفسه ويكون خايف ومتوتر ومتردد ويعني يقولون له ورها العين الحمره! بس اللي يكون واثق من نفسه وعنده مبدأ يمشي عليه وبقناعته ماراح يبلش جذي، لازم بلين واحترام مثل ما امرنا رسول الله صلى الله عليه وسلم.. اللي صار والطريقه الجديه والجافه هذا اكبر غلط وبسبتها تبدي المشاكل .. الله يعين بس.

 

[بعيوونك زعل]

جزاكم الله خير حبايبي وماقصرتوا
مشكوووورين من قلب والله يتمم لي ولكم ع خيرر يااارب ؛***♡♡