ماكلمتي زوجج بلملجة ! شلون مرت عليج اول الأيام

[farawla.a]

مشكورين بنات على مروركم


بس اتمنى تعطوني نصيحة وراييي وطريقة اشلون اتعامل


مو تعلقون على موضوع يكلمها ولا مايكلمها افضل لانة هشي خلاص خلصنا منا ومجبورة علية


ابييي حل مابيكم تقعدون اتقولون مفروض اتكلمة والي تقول مفروض ما تكلمة







ابييييييييييييييييييي حل شسوي خصوصا الي مرو بنفس الحاله

 

[دنيا رديه]

سسهالات ياقلبي
خلاص اخذي رقمه من ابوج وطرشيله مسج
خلاص الريال ماطلب خلااص لاتقولين مابي اوفق اول يوم مادري شنو وقت الصجيه غيررررر

 

[G!RLooNa]

مادري شتسوين بعد لازم تحاولين تأقلمين روحج معني ما تخيل كلش الله يعينج هذا نصيبج بعد

 

[فوووله]

شدعوااا بنات كبرتوا السااالفه

حبيبتي اذا ماااكلمج يمكن مااحب يضغط عليج او يضايقج يمكن ماايبي يحس انه مضغوط مع التجهيز للعرس ولاتنسين ان الواحد مع الضغط يصير حسااااااس << وماارين بهالشي احنا ونعااني ، وصدقيني بيتفهم وضعج اذا صرتي ابيته وبعدين ربج اللي يجعل القبول بينكم لا مكالمات ولا طلعات ولا بطيخ ، ياما ناس كلمت ازواجها وتطلقوا والسبب المشاكل وياما ناس ماااسولفوا ومع هذا تطلقوا يعني هذا شي بيد الله وان شالله مو فالج ..

ولاتدخلين عليه مشحوووونه وبراااسج زعل وهوااش اعذري وحاولي مع الأيااام تعرفين السبب ، بالأول والأخير ماااتبين المشاكل تهل عليج من بداية حياااتج ..


شوفي حبيبتي انا عرسي الشهر الجاي وللعلم ان زوجي كان يشوفني ويسولف معاي وقتها بس مااكان يكلمني فون وامه طلبت رقمي وانا رفضت واخر مره شفته طلب رقمي ورفضت ، واهوو ماا لح بالموضوع ، قدر وضعي واني ماراح اكون فاضيه وبلهى بالتجهيز وماابيه يشوفني دايما بالوقت اللي المفرووض فيه اهتم بنفسي بعيد عن الطلعات والتمشي .

كل اللي اقوله ادعي الله انه يجعل بينكم قبول وتآلف من اول ليله وامورج بتتيسر ان شالله

 

[farawla.a]

انا احساسي ريلي ماعبرني



ماكو احساس عروس


مدقورة هههههههههههههههههههههه

 

[farawla.a]

ريلي ماعبرني




احساسي احساس وحدة مدقورة مو احساس عروس

 

[mariaQ8]

حبيبتي اول شي مبروك الزواج

ثاني شي مثل ما فهمت من كلامج..انه عندكم عادي يكلمج لكن اهو اللي ما طلب...ممكن كان متوقع ترفضين او شي..ليش ما توصلينله انج بتكلمينه بطريقه غير مباشره

ومثل ما قالت وحده من الخوات...لا تخلين هالشي يأثر عليج..و تبدين حياتج الزوجيه وانتي مشحونه و شايله بقلبج منه ( صار غرام و انتقام )

و اما عاد على اول ليله..ما اظن في وحده ممكن تعطيج حل مثالي..لانه تختلف حسب وضعج و ضعه..مو شرط اللي يناسب غيرج يناسبج..فخليها بظروفها..وما تدرين وين الخيره فيه

و مبروك مره ثانيه

 

[tmtmt]

حبيبتي انتي
انا الصراحه زوجي طلب رقمي بالمحكمه من رحنا نملج
بس انا ماعطيته ويه
لانه ماحب البنت اللي تكلم زوجهاااااااا ايام الملجه
لانه اكيد بتصير مشاكل بينهم وبلااااااااااااوي
وبعدها بتاخذين عنه فكره وتقعدين تتحلطمين انا ليش وافقعت عليه وليش ومت هالسوالف

ما تحبين البنت لما تكلم ريلها وقت الملجه ريييلها
وهذا شرع الله حلال ...

تحبين البنت الي ما تعرف الريال وا شافته ولا قعدت معاه
جك بم اهيا معاه بدار وحده وبالفراش !!!!!

انا اشوف ان جرأه الصراحه ...

هذا الغلط ..

ياقلبي هاذي عادات وتقاليد يعني ممكن الواحد ما يسويها
مو حلال وحرام الي الواحد يتزم فيها !!

وبالنسبه للموضوع ...

يعني انتوا عاداتكم ما تكلمون بعض وقت الملجه ولا عادي ؟

اذا هاذي العادات يعني مو داقرج وملتزم بعاداته ..
اذا لا ...

مادري والله شنو تفكيره

 

[noo7a]

اشدراج يمكن اهو يبي يكلمج و ميت على ما يسمع صوتج
بس خايف يطلب هالشي بحكم العادات و التقاليد

 

[مس لوتس]

اول شي الف مبروووك حبيبتي ثاني شي مافيها شي اذا ماكلمج وقت الملكه انا ماكلمته مع انه ميت يبي يكلمني واطلع معاه ههههههههه
وانتى دايما رددي اللهم ملكني قلب من احوجتني اليه..
والله سهالات ربي بيسرها وتصير نفس الذكري واساسا هو اللي بيلطف الجو وبيسولف عليج وانتى ردي عليه طبعا
وبعدها بتتجرايين شوي شوي وموفقه حبي

 

[farawla.a]

مشكورين بنات



احنا البساط احمدييييي ما نكش ولا نش


وواضح ما يبيله خوف ان ماعندنا مانع


بس مابادر واااااااااااااااااااااااااااااااااااة ياقلبي

 

[أو عبوش]

مادري تختلف الاراء والموضوع واااحد.........


يمكن اهو اللي منحرج يكلمج

بعض الشباب يستحوون

وانتي الله يهديج بتقلبينها نكد من اول ليله زعلانه عليه؟؟

عادي

انا والله العظيم حتى صوره له ماشفت بس اهو شاف بطاقتي الصوره وماشفته الا بليله العرس والحمدالله حياتي حلوه حاليا بعد 4 سنين

 

[شيخة الغراشيب]

غريب ريلج غناتي انه ماطلب رقمج او حتى فكر يشوفج بعدين انتي
حليلته يعني مافيها شي الحمدلله عيل انا من شهروشوي مالجه واول
يوم الملجه طلب من ابوي يبارك لي ياني ويلست معاي وتعشه وبعدين
طلب الرقم والحين ماشاءالله الله يدومها علينا متفاهمين ونطلع مع بعض
وانا ازهب بعد حق العرس ونسير مطاعم ونسير بيت اهله هذه عيشه مب
يوم يومين العمر كله مادري والله شي غريب وياج حق تزعلين والا تحطين
بخاطرج مالومج الله يلوم اللي يلومج ... بعدين اهله مايتصلون فيج ؟؟؟

 

[توته وزيتونه]

حبيبتي فراوله اول شي مبروك وربي يوفقج ويكتبلج الي فيه خير لج
وثاني شي انتي بتبدين حياة جديده زواج وزج ومسؤليه وحياة لازم فيها ترخين وتلتمسين العذر لزوجج ومشاركة بكل شي باجر هذا بيصير زوجج وحبيبج وابو عيالج
انا نفسج ملجة ولاطلب يشوفني وبيوم الملجة دريت ان اخته داقه عليه قالت تعال سلم عليها وقال ليش يصير اشوفها مستغرب قالت عادي صارت زوجتك واهو ولد عمي عادي شايفني من قبل وبعدها وجا وسلم علي وكنت اقول بقلبي يمكن يطلب رقم تلفوني وبعدين قام سلم وطلع ولاطلب رقمي ولا شي انا سكت عادي لان شكثر ناس بجماعتنا شباب ماحاجو زوجاتهم وكلهم نفس التفكير بنت عمي الي اهي حماتي الكبيره ايام الملجه نفسج لاشافها ولا طلب يشوفها ولا حاجاها وكانت ميته وتحاجيه بس ماتضايقت عادي وبعد الزواج سألته قال مادري ان عادي عندج قلت اخاف اقول وماترضين وانفشل وينقدون علي اهلي وجذي وماشاءالله تبارك الرحمن عليه الحين يمووت فيها ومدلعها اخر دلع الله يتمم عليبهم ووحده ثانيه من جماعتنا ماحاجاها ولا طلب يشوفها واهي ودها تدرين شنو سوت دزت له رساله بورقه رقم تلفونها ومعاها ورده حمره يعني انه زوجها وحلالها وتبي تحاجيه تدرين شسوى مادق عليها وعصب وقال مابيها انا لو ابي احاجيها جان طلبت والرجال ماكان وده يحاجيها كلش واذكر امه سكتته وقالت له بنت حلال ومن هالحجي بس الحمدلله عدت عليهم وتزوجوا واشوفهم زينيين مع بعض الحمدلله محد حقد عالثاني انتي اعذرية لا تبدين حياتج بمشاكل قولي فيها خيره واذا في نصيب انه يحاجيج بيحاجيج بدون ماتقولين واذا لا فيها خيره في رجاجييل جذي يحبون يوم العرس يشوفونها عشان يستانس فيها صج مو بعيده عنه وتعذبه ومن هالحجي وكل غايب عذره معاه انا من يوم ملجتي وا يحاجيني وعادي اقول خلاص بعد الزواج ان شاء الله راح اعرف شلون اخليه مايستغنى عني بس الحين مابيدي شي اذكري الله ولاتخلين الشيطان يوسوسلج ويكبرها براسج والي فيه خير بيصيرلج اعذريني طولت عليج بس حبيت اقولج الي عندي لاني فاهمتج

 

[PinkY Dreams]

انا كلمته ونطلع كل اسبوع
ولما سافر يكمل دراسته
اكلمه بالفون بس مو دايما
وطبعا انا لاتشوفون حالتي بجي عند امي وابوي
ونواح طول الليل وكل ماشفت وحده مع زوجها يضيق خلقي وابجي على طول خخخخخخخخخخخخخخخخخخخخ