ماكدونالدز خطر على الصحه !!!!

[^DanaH^]

شاب امريكي قام بتجربه ووثقها بفيلم اسمه ( super size me ) عرض على الشوتايم .....
ملخص الفيلم ان هالشاب يبي يبين أثر الفاست فود اي مطاعم الأكل السريع وخصص ماكدونالدز بهذي التجربة ...
قال انه خلال 30 يوم راح ياكل من ماكدونالدز ويبي يشوف شنو يصير له ....
في بداية الفيلم يسوي تحاليل لنفسه يشرف عليها كذا طبيب وقال لهم عن تجربته اللي يبي يسويها...
طبعا الأطباء تنبأوا انه راح يزيد وزنه بعد التجربه يعني ارتفاع نسبة الدهون...
.... في الأيام الأولى من تجربته كانت النتائج انه يحس بالاكتئاب و الكسل والخمول مع احساس بالجوع يعني كل مره ياكل من ماكدونالدز وده ياكل أكثر ......
ماطول عليكم بدا يحس انه موطبيعي راح وسوا التحاليل واهو ماكمل ال30 يوم الدكاتره انصدموا قالوله انت تشرب كحول قال لهم لاء قالوا الكبد عندك تعبانه لدرجه ان من كثر الترسبات الملحيه فيها كبدك جنها خيار مخلل انصدم الشاب وان نسبة الدهون مرتفعه جدااااااااااااا وان في مادة تسبب الذبحه الصدرية مترسبه بشكل موطبيعي ماتحصل الا عند كبار السن ...وان مستوى السكر بالدم مرتفع بدرجات خياليه ......
الطبيب من الصدمة موقادر يصدق كل هذا من الوجبات السريعه لان تحاليل الشاب جنها تحاليل رجل عجوز ....
طبعا الدكاتره قالوله لازم توقف التجربه لان هذا في خطر كبير جدا على صحتك...
هذا الفيلم سوا ضجه بأمريكا ومنها بدت مطاعم ماكدزنالدز بتكثيف الدعاية عنها وبالذات بالشرق الأوسط ....

أنصح الكل يشاهد هالفيلم ..... ونصيحه ابتعدوا عن هالمطاعم لانها خطررررررر على الصحه ..... ​

 

[DooNy]

خرعتيني

الله يسترعلينا وعلى عيالنا إلى كل يوم والثاني طالبين من هالمطعم :eh_s(13):

 

[بتبوتااا]

وااااااااااااااااااااااااي كل يوم يطلع لنا شي

 

[alhabibah]

عاد أنا عندي ماكندونالد أحسن الموجودبن..إنزين شنعشي عيالنا لي طلعنا بر البيت؟؟

مشكوره إختي عالموضوع

 

[لوكريسيا]

الصراحة انا احب الفاست فود و خاصة ماكدونالدز بس مو معناته اني احبه يعني اكل منه بكثرة لأ. أخليها مرة بالاسبوع لي و لعيالي .. و بجذي أحس اني ما حرمت نفي و لا حرمت عيالي و بنفس الوقت محافظة على صحتهم

مشكورة

 

[توته الحلوة]

الله يرحمنا برحمته ويستر علينا
الحمد لله انا عيالي مودايم ياكلون وجبات بس صج يحبونه يعني بالاسبوع مرة او بالاسبوعين مرة

 

[New Mum]

شفت البرنامج ام عبد الرحمن بس اكيد بيصير فيه اكثر من جذي اهوا كان من يقوم من النوم يتريق يتغدى يتعشى ماكدونالدز لمدة شهر يعني الداد له هالجسم اللي متحمل عفيه عليه صراحه
عموماً انا ماني من ربع ماكدونادز كلش كلش مطره اكله اقولهم جيز بيرجر ويذ اوت ميت

 

[المـ انـ يـه]

واااااااااااااااااااااااء
توني مارته
اخذت لي سلطه
عاد اشوف كراتينه بالشمس
مكتوب عليها همبرغر لحم مطبوخ
ومكرويال
شكله كل شي مطبوخ بس يسخنونه
ان شاءالله يمنعون كل المطاعم بالكويت
او يحددون لها وقت يعني بس اربع ساعات
طفحوا عيالنا منه

 

[العروب]

الله يستر عليناا
وفوق هذا كله ما نصبر عنهم وانرد ونطلب منهم

 

[Reeema_q8]

ياويلناا شنااااكل ؟؟؟

<< غرامهاا ماكدونالزززززز


الله يستر عليناا ويحفظنا من هالمطااعم واضرارهااا

 

[الصعبة]

الله يستر......

شناكل اجل ؟؟؟؟

عاد انا افضل مطعم عندي ماكدونالز !!!!!!!!!

الله يحفظنا بحفظه ........

 

[الصعبة]

الله يستر......

شناكل اجل ؟؟؟؟

عاد انا افضل مطعم عندي ماكدونالز !!!!!!!!!

الله يحفظنا بحفظه ........

 

[!! شوق !!]

المشكله ندري ان هالشغله مضررررررررره وناكلهااا ,, الله يرحمنا برحمته

تسلمين ياعسل

 

[عاشقه الموضه]

واااااااااااااااااااااااء
توني مارته
اخذت لي سلطه
عاد اشوف كراتينه بالشمس
مكتوب عليها همبرغر لحم مطبوخ
ومكرويال
شكله كل شي مطبوخ بس يسخنونه
ان شاءالله يمنعون كل المطاعم بالكويت
او يحددون لها وقت يعني بس اربع ساعات
طفحوا عيالنا منه

ويـــــــــــــــــــــــــــــــــــــع ,, :eh_s(12):


انا اساسا مسووويــه مقااااطـعــه لكل مطااعم الفاااســت فــووود من عقب سواالـفــهـمـ ,,

.,. لــي تعلــيــق عالمووضوع .,.


مداام اهوو بـ 30 يووم سبب لــه هالـبلااوي ,,

شي طبيعي في منه ضرر على اللي ياكلون منه مره بالاسبووع ,, على المدى البعيد ..


see ya ​

 

[صوت السهارى]

واااااي خرعتيني عاد انا توني الحين متغديه ماكدونالدز

الله يستر بستره ويحفظنا ان شاء الله

 

[^DanaH^]

عاشقة الموضه .... كلامج عدل مدل اللي صار له بشهر احنا لو ناكل بالاسبوع مره يصير لنا بس على المدى البعيد يعني مثلا عقب خمس سنين ...

اي نسيت لا أقولكم شي .... بالفيلم يعرضون على السريع ان هالوجبات تسبب تكيس المبايض والضعف للرجال ...... الشاب اللي سوى التجربة قالت عنه صديقته ان من الناحية الجنسيه صارت قدرته أقل ( انتبهوا يا متزوجات )

بالفيلم يعرضون لنا ان كل شي بماكدونالدز ينطبخ بعدين يثلجونه ويدزونه لأفرعهم بالمطاعم حتي البطاط مهدرج ومثلج .... كل شي بمطاعم ماكدونالدز مهدرج علشان يدوم وقت طويل .... جربوا سلطتهم حطوها بالثلاجه يمكن تقعد اسبوع ما خاست !!!! انتبهوا ..

ولاحد يقولي الحمدلله انا مره بالاسبوع .... تخلي هالمواد تترسب بجسمج لانها مهدرجه ..... يعني بالشهر تاكلين تقريبا 4 مرات وبالسنه 48 وجبه اكلتيهم .......... !!!!

 

[^DanaH^]

ملاحظه ....
الموضوع هذا ينطبق على كل مطاعم الفاست فود .... يعني أضعف الايمان أكل شورما أو مشكل احسن وابرك

 

[b6o6a]

كلنا ندري مو زين وناكل !

 

[Mi$$ Parby]

والله اني ادري بمضار الفاست فوود
بس ما ايوز عنه
اصلا في مواد مسرطنه الله يكفينا شرة
ماكدونالدز على هارديز وربعهم حتي المطاعم العادية ترى ما يتقون الله فينا كل شي خايس يحطونه لنا
احنا اصلا عايشين برحمه الله والا من زمان فاطسين

 

[hada]

عاد دايما اطلب منه عبالي نظيف
انا رحت سويت سيرش على الفيلم وطلعلي على موقع اليوتيوب
تخيلوا البطاطا المقليه (الفرايز) حطها ببرطمان مسكر وقعدت اكثر من شهرين ماتغيرت ولاتحللت نهائيا جنه توة شاريها عيل شلوت بتنهضم وتحلل داخل اجسامنا ؟ او بالأحرى وين تروح بجسمنا
اللي تبي تكرة او تبي عيالها يكرهون الفاست فود توريهم الفلم هذا واللي مسوي الفلم يقول اذا مو مصدقيني سووا التجربه بنفسكم
تووووووووووووووووووووووووبه من هالنوبه اطلب منهم والله يساعدني
مشكووووووووورة ام عبدالرحمن على التنبيه المهم جزاج الله خير