الحب اهو الحب قديم ويديد مايغيره شي واكبر دليل انه يحبج تزوجج وياب منج عيال وصرتي ام فلان
نرجع حق سالفه البرود العاطفي اللي وايد بنات يعانون منه هذا وانتوا توكم باول الطريج اشلون عيل لي كبرتوا اشبتسوون ياحظي
خبرتي بالريااييل بما اني اكبر منكم واقدم منكم في العلاقه الزوجيه خل اعطيكم جم سلتوح من سلاتيح حياتي مع الشيبه عل وعسي تستفيدون يمه
كنت باول ايام زواجي منه مثل قيس وليلي مافج عنه ولا يفج عني ولا نستحي علي ويوهنا وين مانروح نقعد يم بعض لدرجة نشوف نظرة الناس لنا نظره جنهم يقولون ياجليلين الحيا احشمونا شوي بس احنا بوادي والناس بوادي
عقب العيال صار فتور لاني انشغلت باليهال واهو منشده معاي خنت حيلي يحووس ويبي راحتي وكانت حياتنا طاش ماطاااااااش
عقب مادشت خالتي بيني وبينه وتطلقنا الله يغفر لها زاد الحب بيني وبينه مطلقه منه واحبهواهو كان يكلمني بالتلفون ويشوف اليهال ويصرف علينا عقبها ردينا علي بعض والحب لازاااااااال وزادت مشاغل الحياه دوامه والبلاوي اللي يشوفها من اهله الريال اعتفس فووووق تحت
صارت حياتي مثل مااقلتي بالظبط بسالفتج بس علي خفيف
قلت يامره تلاحقي عمرج وشوفي ريلج قبل لا تطير الطيور بارزاقها عقبها مالج الا ناي وحيه كوبرا تعزفين لها واهيا ترقص وتيمعين بيزات
قمت ويبت لي خدامه هذيج الساعه من عندها خدامه الا الراهيه وايامها كنت توني اشتغل وسنعت اموري والتفت علي ريلي وردت علاقتي فيه صرنا عبله وعنتر
عقبها بفتره صارت مصيبه عوده وخالتي احلفت عليه يمين الا يطلقني بعد مره
وتطلقت وبنفس الوقت كنت اموت فيه وعشت ايام تصعب عالكافر بس لومارحمة ربي والا جان علوم وعقب مده ردينا علي بعض
الحين اهو كبر وانا كبرت وعيالنا معرسين تبارك الرحمن بس والله ثم والله احس اني توني عروس واتميلح عليه عشتوووو وادلعه
كان قبل مطعمه المفضل نواره الاصلي اللي يم مجمع دسمان يوديني ونتعشا فلافل وفول
لي يومكم هالمطعم نروح له ونتذكر سوالفنا قبل انا تعبت وايد وغيرت فيه شغلات واايده بس بالاخير نتايجها حلوه ومريحه
باختصار المره بيدها تخلي ريلها يسعدها وبيدها تخلي ريلها يعطيها ظهره وينام
من فيكم تبوس ريل ريلها لي حطت راسها علي ريله وتمغطت بالصاله؟؟
بتقولون ليش نبوسها وشكو وموصج وكلامكم اللي هابين فيه
شي حلو لي بينتي لريلج انج تحبينه وتموتين عليه وشي حلو لي عطيتيه الولاء والطاعه واحترمتيه ورزيتيه حتي لوبينج وبين نفسج الريال هذا اللي يبيه منج
دوختكم بسوالفي بس قلبي يعورني لي شفت مشاكل مالها معني ودي ايمعكم بالبراحه يم بيتنا واسوي اجتماع طارئ واعطيكم جم درس تطبقونه
ودي كل بيوووووووتكم يظللها الحب ويرفرف عليها طير السعد ومايدخل بيووتكم الا الخير ويسخر ربي لكم كل عاصي
اللهم آمين يارب العالمين
