ماقدر أحط فاونيشن أنقذوووني

[Q8Lady]

مساء الخير

عيييييييدكم مبااااارك


بنات صج صج محتاجة نصيييييحتكم ‏


صارلي فترة ويهي صاااااير دهني دهني دهني قوطي دهن بحر دهن صوب التي زون ‏
بشكل مووووطبيعي ‏
اغسل ‏
ويهي ‏
وبعد ‏
ساعه ‏
او ‏
نص ‏
ساعه ‏
بس ‏
يدهن ‏
بشنل ‏
جنوني
وطبعا طلعلي رؤوس سوده ومسااااامات بهالمناااطق!‏

والالعن اني يوم أحط كريم أساس بعد ساعه يسيييييح على أطراف خشمي
ويتشقق
على الحنج وأطراف حلجي!‏

نريماتي الاساس كلها خالية من الدهون وجربت ديور وكلارنس وكلينك
ولانكوم ..‏ وولا واحد زين خصوووووصا حاليا



قبل فترة كان كلارنس زين وديور زوين بس الدهووون زادت ومافي
شي ينفع !

بليييييييز قوووولولي شسوووووي بويهي والدهووون

ناطرتكم

 

[مملوحة_الوصايف]

رد : ماقدر أحط فاونيشن أنقذوووني

بعد ما يبيله اكيد رووحي حق دكتور جلديه شاطر لان الوييه الدهني مشكله بأذيج وايد بيحرمج من وايد اشياء وكا انتي قلتي حتى مكياج ما يثبت جربي تحطين كومباكت مؤقت مو تحطين فونديشن سائل على ما تعالجين ويهج واستخدمي غسوول للبشره الدهني ويكون طبي

 

[Q8Lady]

مشكووورة
فعلا يبيله دكتور شاااطر بس منو عاد
وعلى فكرة أنا دوم استخدم ماركات طبية وغسولات حق البشرة الدهنية

 

[حقوقيه زوغه]

شربي ماااااااااااي وايد وايد وايد وطول اليوووم خلي الماي يمج ,, وخففي الزيوت اللي باكلج لا تاكلين وايد دهن خففي كثر ماتقدريييييييييين


وبشرتج راح تصير طبيعيه

وهذا مو كلامي كلام دكاتره الجلديه

 

[عاالية]

رد : ماقدر أحط فاونيشن أنقذوووني

اشتر سبريه كريولاين الي ابيض ب10 دنانير
ورشيه باخر خطوة من مكياجج
وادعي علي اذا مانفع
انت مثل حالتي

 

[Q8Lady]

شكرا على مروووركم

شنوو اسمه بخاخ كريولاين ؟

تتوقعين ينفع ؟ لان الدهن يسييييح صوب خشمي ‏:‏(‏

 

[Q8Lady]

وووينكم ؟؟ ‏

 

[كـــــآترينـــآ]

ويييه آلله يعينج دآم الكريم يسسسيح عيـل مآآلج آلاإ البودرهـ المضغوطه
وغسســلي ويهج بصآإبونه علششــآآن ينششـف ششـوؤي وبعدهـ بمآآي ورد
ومرتين بالاسســبوع فركي ويهج بليمونه وخليهآآ لين تحسســين ويهج يبس
وبعدهآآ غسسلي بمآآء فآآتر وبعدهآ مرري قطنه فيهآ مآآي ورد

وبآذن آلله بتخف الدهوؤن ...، بس آبعدي عن الدهون حتى بآكلج ..،

 

[معلمة شيسمونه]

انتي نفس مشكلتي

المكياج يتقطع على ويهي ويصير جنه قطن منفوش

حبيبتي استخدمي صابونه فير اند وايت بثثثثثثثثثثثثثثثثثثثثثث

يصير كريم الاساس على ويهج يجــــــــــــــــــــــــــــــــــنن

 

[lady butterfly]

اول شي لازم تستخدمين غسول خااص حق نوع بشرتج لا تستعملين اي شي ودااومي عالمرة تنشف البشرة وتصفيها ثاني شي لا تستخدمين فاونديشن كريمي ركزي انه يكون مخلوط نفس دريم مات موس مال ميبيلين او تحطين مرطب عادي و تحطن كومباكت
وبالنسبة للتي زون في كريم من بوندس خاص للمناطق الدهنية تحطينه عليهم ينشفهم وما يخلي البشرة تلمع من الزيوت اللي فيها فتبينين فرش طول الوقت
اسمه كريم مقاومة الزيوت oil control lotion

 

[Q8Lady]

ماتقصرووون حبايبي

بس خل أقولكم تجااااربي

غير كريمات الاساس اللي ذكرتهم

جربت كريم بوندس اللي تقولون عنه مانفع جربت كريم بودي شوب مانفع جربت كريم جونسون يعني ها شوووووي احسن منهم بس هم مايمنع الدهون

الغسول قمت اغسل ويهي بصابونة ديتول عشان ينشف ويهي بس هم التي زون ماينشف !

شريت تونيكات التحكم بالدهون مانفعت و جربت تونيك مال حب الشباب اللي لونه ازرق يعني زوين ينشف وريحته جنه مطهر

واخر شي رجعت حق المرة اللي قطعتها من زماان واكتشفت انها جميله جدا جدا وتنشف بس ماتوقف الدهون !!

ومن عقب سالفة العيد يوم ساح الفونديشن بعد دقايق من حطيته حاشني احباط وماحطيت فونديشن بعدها

بس قاعده اتفرك بالمرة

ولا طلعت حطيت عالبقع كونسيلر وبسسس

 

[كيـف أسيـبكـ]

رد : ماقدر أحط فاونيشن أنقذوووني

جربي صابونه تجفف البشره


مثل بابايا

حطي عسل على وجهج لانه يمتص الزيوت حطيه مع ماي ورد ومره

>>> جربي الماسمك وانشاءالله ينفع معااج

 

[ra'3ad]

دام الفاونديشن يتشقق صوب حنجج معناته بشرتج بهالمكان جافه

حق المناطق الدهنية في ويهج واللي يسيح عليها الفاونديشن على كلامج انصحج بسيروم ماركة ثالغوو اتوقع اسمه sebum regulator شي جذي يعدل من افراز الدهون

ولاااازم ترطبين ويهج مو حسبالج انه ويهج دهني معناته ما تحتاجين ترطيب بالعكس

وغيري نوع الفاونديشن يمكن مو مناسب لبشرتج​

 

[G!RLooNa]

انا ويا الفاونيشن مشكله ازليه تقريبا نفس مشكلتج صوب الخشم دهني و اليبهه حبوب ولا اثار حبوب اللي طلعت على كبر و مولاقيه فاونديشن سنع :/

 

[جوري 2007]

حبوية انتي بشرتج دهنية لازم تتقبلين الوضع وماراح تتغير بشرتج اللهم الا شوي اذا استخدمتي المنتجات الصح

بس تتحول بشرتج لي جافة او عادية مستحييييييل :denya:

ثاني شي استخدمي المنتجات اللي تخفف من هالمشكلة وبما انه بشرتي نفس بشرتج راح اقولج شنو استخدم

لازم ماتتخلين عن المرطب لو مهما يكون لان اكيد بشرتج تحتاج والدليل ان يتشقق على قولتج

انا كنت استخدم من :جيرلان _بوبي براون _ والحين كلينيك وكله حلو

والميك اب : الفاونديشن من بوبي براون الدائري من السائل وايد حلو

استخدم لوز باودر من جيفنشي مع انه عندي بودرة بوبي براون المضغوطة بس مااحبهاااا

اي نسيت قبل كل شي استخدمي من بنفت منتج وايد حلو ينحط على المسامات لونه ازرق راح يفيدج

اكيد جفنج دهني نفسي والشدو مايثبت ؟ الحل بالبينت بوت من ماك اهوة بيس للشدوووو

وهم ارد اقولج راح يلمع صوب الخشم بعد فترة واللي عليج انج تعدلين مكياجج بالطبطبة باللوز او الكومباكت باودر

وبس:eh_s(6):

 

[<<المها>>]

حبيبتي لاتلعبين بعمرج .. ولا تاخذين آراء ولا شي

على طول دكتور او دكتورة جلديه شاطرهـ .. بتسوي كشف لنوع بشرتج وتعطيج اللي

يناسبها .. طبعا ماراح تروح الدهون لان هذي طبيعة بشرتج بس بتعطيج الشي اللي ينظم افراز

الدهون ويقللها ..

وعلى فكره احمدي ربج ان بشرتج دهنيه مو جافه غيرج يتمناها لانها سبحان الله ماتشيخ مبجر

ولا تطلع التجاعيد فيها مبجر ..

موفقه

 

[[[ عيون جابر ]]]

لازم تشوفين دكتوره جلديه بشرتج بتخترب من الدهون اذا اهملتيها

 

[ORKDI]

روحي حق طبيب جلديه

نصيحه

روحي حق يوسف مال الله

عيادة مال الله كلينك بالسالميه

علاجه حلو ما يعطيج شي قوي تصير بشرتج فتره حلوه بعدين تلوع الجبد

لا عطيج علاج خفيف اذا حفظتي على علاج راح تطلع النتيجه بالتدريج

كل علاج ما مو اكثر من خمس دنانير

 

[Q8Lady]

جزاكم الله الف خير ‏
تدرون اكثثر الي ذكرتوه مجربته
شكله لايوجد حل للاسف

 

[&موناليزا&]

رد : ماقدر أحط فاونيشن أنقذوووني

عزيزتي رفع لعيووووووووووونج