لا ترفع الصوت قصّر صوتك العالي
..........،ــــــ....{ما فيه داعـي تخرّبهـا وأخرّبهـا
،
مدام هذي سواتك ليه يـا الغالـي
..........،ــــــ....{أتعب خفوقي وروحي فيك أعذبهـا
،
رح في كرامة وأنا بروح بلحالـي
..........،ــــــ....{مدام نفسي عـن الزلّـه مجنبهـا
،
ومدام تدرى عن اللى صار وأحوالي
..........،ــــــ....{بـلاش قصّتـك بالأعـذار تكتبهـا
،
الناس واجد وفيه ألوان وأشكالـي
..........،ــــــ....{في مشرق الأرض وإلا حول مغربها
،
دور وتلقى حبيـبٍ فيـه تحتالـي
..........،ــــــ....{المسئلـه هيّنـه بالـك تصعبهـا
،
سوق الغلا لا دخلت بروس الأموالي
..........،ــــــ....{نفسي على الغاليه دايـم مدربهـا
،
عارف مخارج طريقي قبل مدخالـي
..........،ــــــ....{مثل القصايد علـى كيفـي أرتّبهـا
،
من باعنى وأستمع في هرج عذالي
..........،ــــــ....{ينباع برخيص وحروفـه اشطبهـا
،
عزيز نفس وصميدع نسل رجالـي
..........،ــــــ....{مانى سوات الذليل ..النفس متعبها
،
شعيل لامن برك للحمـل يشتالـي
..........،ــــــ....{وناقة عريمـان مافـادت معزبهـا
،
لا ترفع الصوت يكفى منك غربالي
..........،ــــــ....{فتّح عيونك عـدل بالـك تكذبهـا
،
أن كان زينك عطاك الصك بأهمالي
..........،ــــــ....{ترى محاكيـك لا كبـرت يخربهـا
،
|
)
