مافيني التهابات والدكتورة وصفت لي تحاميل؟؟؟

[بولندية]

السلام عليكم

بنات في شغلة ببالي احاتيها موعدي اللي طاف بشهر 11 كنت بالسابع وانا اراجع عند ماجدة بس كان عندها ولادة ف رحت حق دكتورة عندها

بس سوت لي سونار و لما خلصت وصفت لي كريمات و تحميلة !!!!!!!!!!!

استغربت ليش التحميلة انا مافيني التهابات ولا اشتكيت لها الحين احاتي من ذاك اليوم ليش عطتني اخاف تضر بالبيبي الله لا يقوله =(


مـــــــــــــع العلم ما اذكر اسم التحاميل بس كانت وحدة بالعبلة عرفتوهااا؟؟

 

[اخت خالتهم]

جان سألتيها حق شنو .. روحي وسئليها او سئلي الصيدلاني

 

[بولندية]

اي بسألها ان شاءالله موعدي بعد يومين

بس اللي مطمني ان التحميلة نزلت ثاني يوم

 

[Model Look]

عرفتها هالتحميله انا يتني حكه عطتني الدكتوره كريم وتحميله

هذي التحميله ماتضر الياهل واذا مانفعت ماتضر تنزل الافرازات وهالسوالف بس انا خفت والله وماحطيتها حطيت الكريم
وارتحت

 

[بولندية]

يا حياااتي موديل لوووك ريحتيني الله يريحج و يهون عليج وتشوفين حمادة بحضنج يارب

 

[Model Look]

بعد قلبي تسلمين وربي ان شالله يسهل ولادتج :**

 

[*صاحبة السمو*]

اذا بيضه صغيرة مدورة اهي ليموكسين

وانا استخدمتها وانا حامل مرتين كانت فيني افرازات وايد واذتني وصفتهم لي الدكتورة ووايد زينين

بس اذا انت مااشتكيتي منهم اشحقه تكتبهم لج وليش ماسألتيها
المفروض تسألين عن كل شي تكتبه لج واشحقه

انا انشف ريج الدكتوره خخخخخخخ

وعالعموم اذا التحاميل اهيا ليموكسين ان شاءالله مامنها ضرر