مافهمت المعنى ..

[ماء الكوثر]

السلام عليكم خواتي العزيزات ...
عندي أختي صارلها تقريبا شهرين من تزوجت وعايشة حياه سعيدة مع زوجها اللة يسعدهم أنشاللة المهم قبل يومين قالتلي أختي شنو معنى ( كبلز ) قتلها واللة مادري ليش جان تقول دايم زوجي يقولي شرايج نكون ( كبلز وناسة ) قتلها واللة مادري الصراحة بس شرايج أطرح الموضوع بمنتدى كويتيات يمكن يفيدونا .... ولكم جزيل الشكر

 

[وردة شفافة]

والله ما ادري ما عندي فكرة

 

[mrs.abk]

بالنظر غلى عدد مشاركاتج .. أقول شكلج ريال يفلم علينا

 

[فروحته]

كابلز يعني ثنائي على ما اعتقد
ادا هدا معناه الانجليزي
اما ادا له معنى ثاني فما اعرفه
و مادري شنو فايدة الموضوع؟

 

[دلوعةمآمآ]

مدري ,خليها تسأله طيب

بس للتوضيح

اللة (الله)

أنشاللة (إن شاءالله)

اللهُم صل ِ وسلم على نبينا مُحمد ..

 

[الاء حسين]

إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة والله يعلم وأنتم لا*تعلمون*

 

[ظبية بوظبي]

والله تساله ليش جايه تسالش
كبلز معناه اللغوي يعني ثنائي بالانقليزي
بس مفهومه الي يقصده ما ندري
والحين صار عندي فضول ابفهمه
بس اظنه شي مب زين
شكله يبا يدوث بها

 

[الورده الخالده]

كابلز Couples
معناها بالانجليزي ثنائي "زوجان"

 

[اليوم السابع]

هههههه يعني زوجين سعيدين كابلز يعني زوجان او ثتائي

 

[nameIess]

جان تقول دايم زوجي يقولي شرايج نكون ( كبلز وناسة )

في ناس متخيلين ان الزواج يعني رسميات وروتين وحمال وفجأه الشاب والشابه يصيرون نسخة من امهم وأبوهم.

اعتقد ان هالزوج اقترح انهم يصيرون بالكويتي "زوجين فرفوشيين"، او اثنين مرحين... نفس هالاجانب اللي تشوفونهم لي سافرتوا برة كل واحد ماسك ايد حبيبته وضحك وغشمرة اهي الصديقة واهي الحبيبة واهي الزوجة.

اما بالنسبة للخوات اللي فسروها بالدياثة والفاحشة ووصفوا السؤال باللي ماله فايدة فهذول مساكين الله يشافيهم ويهديهم وانصحهم بالرقية الشرعية وسماع سورة البقرة.

 

[nameIess]

بالنظر غلى عدد مشاركاتج .. أقول شكلج ريال يفلم علينا

مو مهم كثرة الكلام، المهم المضمون. ولا قصدج ان الحريم هذرة اكثر من اللازم؟! :krkrkr:

 

[الاء حسين]

في ناس متخيلين ان الزواج يعني رسميات وروتين وحمال وفجأه الشاب والشابه يصيرون نسخة من امهم وأبوهم.

اعتقد ان هالزوج اقترح انهم يصيرون بالكويتي "زوجين فرفوشيين"، او اثنين مرحين... نفس هالاجانب اللي تشوفونهم لي سافرتوا برة كل واحد ماسك ايد حبيبته وضحك وغشمرة اهي الصديقة واهي الحبيبة واهي الزوجة.

اما بالنسبة للخوات اللي فسروها بالدياثة والفاحشة ووصفوا السؤال باللي ماله فايدة فهذول مساكين الله يشافيهم ويهديهم وانصحهم بالرقية الشرعية وسماع سورة البقرة.

ما ابغى ارد عليك بنفس اسلوبك لاني ارفع من كدا

يعني العيب يصيرون زي امهم وابوهم يعني امهم وابوهم مو مريحين وفرفوشين ومايحبون بعض لهم الفخر يصيرون زي امهم وابوهم مصلين ومسمين وطايعين الله

بس الاجانب الي يحبون بعض وفرفوشين وضحك وغشمرة على قولتك

تبعيه للغرب لو تصل تسب امها وابوها وماتبغى تصير زيهم بتصير زي الاجانب والي الله يقول بكتابة كالانعام

مين الي الحين الله يشفيه

وبخصوص الاخت لو المقصد سليم فما يحتاج الفه كان قال مريحين ورائعين اظن العربية لغتنا لسى مااحتلوا ديارنا العجم والحمدلله

 

[keka89]

كلمه كبلز حبايبي هذي كلمه وصخه معناها انه واحد يأخذ حبيبته ويروحون حفله او شقه وجذي هذا معناها الوحيد لانه بالبي بي ام دايما يكتبون عندنا حفلات كبلز كل واحد ايب حبيبته معاه والسنقل يعني الي يكون بروحه ممنوع يدش وبس فهمتو

 

[Aloe Vera]

كبلز معناها زوج او أثنين
اذا حفلة كبلز يعني مختلطة او كل واحد مع زوجته او حبيبته
و اتوقع قصد زوج اختج ان يصيرون زوج ثنائي نفس الاجانب هواياتهم مع بعض و طلعاتهم و يطبخون مع بعض يعني غير رسميين و مثل الربع

و كلمة كبلز ابداً مو وصخة ولا شي
يعني حسب استخدامها بالكلمة

 

[جامعيه طموحه]

الكلمه مووصخه بس على حسب استخدامها وشنو قصده معناها بالعربي ثنائي وقال كبلز وناسه يعني اكيد ثنائي يستانسون مع بعض ويمارسون هواياتهم مع بعض اذا كان هذا قصده خلي تفهم منه اكثر وتقوله شنو نسوي يعني؟

واذا يقصد بمعنى او بمفهوم ثاني الله يستر

 

[الجادل الخشف]

انا مع كيكا اكيد اهو تفكيره مو زين ومعناته ماعنده غاريه كلش وديوث ولازم تتاكدين منه اهو شنو يقصدوحده من رفيجاتي تركتها ليش زوجها جذي صايرين ربع يقول عيشي حياتج وانا اعيش حياتي والاثنيين يكلمون ويخربطون ومع هذا جابو عيال وعادي عندهم وهالنوعيه ماتعجبني وغلطانه ماتطلقت منه من الاول الله يهديها صارت مثله واهو عادي ديوث

 

[فروحته]

وصفوا السؤال باللي ماله فايدة فهذول مساكين الله يشافيهم ويهديهم وانصحهم بالرقية الشرعية وسماع سورة البقرة.

مشكورة على حسن ردج اختي
تكفين ادعيلنا الله يشفينا اوكي لا تنسين :yaaaaaarb:
ما اقول غير الله يحسن ظن الناس فينا
و عند كلامي السؤال ما منه فايدة
ادا صج تبين توضحين مو لازم توصفينا بالمساكين
هالاسلوب مو سليم
والله يشفينا اجمعين :yaaaaaarb:

 

[nameIess]

انا مع كيكا اكيد اهو تفكيره مو زين ومعناته ماعنده غاريه كلش وديوث ولازم تتاكدين

شنو هالهراء والكلام القذر والتفكير الوصخ.
على اي اساس افترضتي انه تفكير مو زين؟ وشاللي وداج للدياثة مباشرة؟

اذا زوجج قذر وماعنده غارية ويحب الدياثة فهذه تجربتج انتي الشخصية. ولكن نهائيا كلمة "زوجين" ما عتني اللي انتي قصدتيه، وبصراحة، عمري ما سمعت احد يستخدمها بإستخدام وصخ.

اذا نتوا سامعينها من قبل تستخدم استخدام قذر، قولو انكم سمعتوا، ولكن انا على يقين انكم ما سمعتوا وان تفكيركم هو القذر والوصخ.

مع الاسف المنتدى من سيء إلى اسوأ واسوأ وحفنة من القذرين تارسين المنتدى هاليومين.

 

[nameIess]

مشكورة على حسن ردج اختي
تكفين ادعيلنا الله يشفينا اوكي لا تنسين :yaaaaaarb:
ما اقول غير الله يحسن ظن الناس فينا
و عند كلامي السؤال ما منه فايدة
ادا صج تبين توضحين مو لازم توصفينا بالمساكين
هالاسلوب مو سليم
والله يشفينا اجمعين :yaaaaaarb:

وصفتي الريال بأبشع الأوصاف وقلبتي زوجته عليه، ومعرتضه اني دعيتلج الله بالهداية؟ شهالمنقط! هذا اذا كان عندج منطق من الاساس.

 

[M!ss CoLoRz]

من الآخر

تعور راسها وتفسر على هواها ليش

قال لها كلمة تسأله يعني شنو قصدك ما فهمت

وكان الله غفورا رحيما

الياهل لما تقولين له قصة وما يفهم معنى شي فيها ما يروح يفسرها على خياله يوقفج ويسألج يعني شنو.