ماعندي خوات وابيكم تكونون خواتي وتنصحوني

[سيماا]

رد : ماعندي خوات وابيكم تكونون خواتي وتنصحوني


ياقلبي أنت أول شي استخيري

وانا والله رايي من راي البنات

والله يعينكـ ويكتب لكـ اللي فيه الخير

 

[مسك وطيب]

رد : ماعندي خوات وابيكم تكونون خواتي وتنصحوني

الله يكتب لج الخيرة يارب

 

[مجنونة ضحكاته]

اول شي فديتكم والله تاج على راسي وربي ادمعت عيني يوم قريت ردودكم لان انا صج احس اني وحيده :eh_s(2):

انا احس اني صرت واايد كبيره وللحين ماتزوجت علشان جذي قلت بوافق واهو ولد خالي بالاول والاخير بس بعد كلامكم ماادري تتوقعون اذا الحين قلت ماابيه اهلي شنو بيقولون ؟

طليقته تزوجت لا والولد عندها مو عنده خذته بالمحكمه منه وسبب طلاقهم مومعروف لان كل مانسال محد يقول لنا الصج اخته العوده تقول لسانها طويل الصغيره تقول مشاكل ماديه اخوه يقول خانته والله ماادري منو الصاج فيهم :eh_s(10):

ومن ناحية ليش ماخذاني من الاول عقب ماعشمني ماادري والله يابنات والله كنا متفقين على كل صغيره وكبيره ولا الصدمه فلان ملج :rgewrg: متى ومنو وشلون وليش ؟ الكل صار على راسه هل علامه !!!!!!

ومع هذا قلنا نصيب وماحبينا نسوي مشاكل بس الحين رد ورد بحنه بعد كل شوي يفتح الموضوع ويحاول يقنع اهلي وفعلا نجح قنع يدتي وقنع خالاتي الكبار وامي تقول الي الله كاتبه بيصير اخواني يقولون احنا مانبي نغصبج بس اهو ولد خالج واولى فيج واحسن لج من الي مانعرفه على قولتهم " الشين الي نعرفه احسن من الزين الي مانعرفه "

واخته ماادري اكثر من مره سألتها انتي اشفيج ليش تقولين جذي تقولي بس سمعي الكلام <<اهي اكبر مني ،، واذا عصبت عليها خلتني وقامت اسال الكبيره تقولي مالج شغل فيها وضايعه انا بينهم

بس اقولكم شي انا اذا تزوجته بتموت واايد احلام بقلبي بس الحياة فرص وانا وصلت ال25 ماادري متى اييني غيره او يمكن ماايي

للعلم ولا وحده من بنات العايله متزوجه << منحوسين والعياذ بالله

مااقول الى مشكورين وجزاكم الله الف خير وانا بصلي استخاره اكثر من مره وان شاء الله ياااارب يكتبلي الي فيه الصالح لي

وعلى نياتكم ترزقون وانا الحمدلله ان شاء الله نيتي اصفى من اللبن والله كريم

الله لايحرمني منكم خواتي وعساني افرح فيكم كلكم يااارب :eh_s(7):​

 

[!الجادل الصعب!]

هذآ الي يسمونه فوق شينه قوة عينه ..
شوفي حبيبتي اذا آنتي شآيفه في فرص آحسن منه منتي مضطره توآفقين عليه لآ وبشروطه .. الي آعرفه ان المره تتشرط مو الرجآل ..
والواحد بدآية زوآجه يحآول يدلل مرته وهذا من بدآيتها اصبري علي ..!
وبعدين توه مطلق ماتضمنين يرد لهآ آو لآ ..!
آستخيري وحكمي عقلج عدل ..الحين فكر فيج .. شالطآآآآري ..!

 

[غرور وايل]

صلي صلآة اسستخخخارهـ والله يكتب لج اللي فيه الخيرهـ ..

 

[جوري 2007]

مو عاجبني >>>>>اشتبين

لا صج

عشمج وبعدين خذا غيرج وتم معاها مو شوية 5 سنوات مو شوية بصراحة

وانتي صغيرة ليش تاخذين مطلق لمجرد انه ولد خالتج وعنده ولد

مهر 2 الفين وعليه ديون

ليش مفترض انج راح تستحملين وتصبرين على الديون وقلة الحال ، مادري بس شكله متاكد انج تحبينه وتبينه

على الاقل المفروض يحطلج الشمس بايد والقمر بايد بس عشان توافقين :eh_s(10):

مادري فكري عدل بقلبج وبعقلج وصلي استخارة وادعي ربج انه يكتبلج الخير :eh_s(17):

 

[RǾşє βαяяỹ]

رد : ماعندي خوات وابيكم تكونون خواتي وتنصحوني

الله يكتبلج الي فيه الخير :yaaaaaarb:​

 

[مجنونة ضحكاته]

اللهم امييين عسى ربي يكتب الي فيه الخير والصالح

مشكورين خواتي الله لايحرمني منكم

وان شاء الله بقولكم كل الي بيصير معاي وان شاء الله مايصير الى الخير

على راسي كل الي ردوا علي:eh_s(7):​

 

[الدلال]

25 مو كبيره

استخيري

والله يكتب لج اللي فيه الخير والصالح

بس مثل ما قلت لج قبل الاحسن انج ترفضينه

 

[ام فواازي]

ماادري شنصحج فيه لاكن اللي هذا اوله ينعاف تاليه بالاول معشمح فيه وتالي خذا غيرج ويوم طلق قال مالي غير بنت عمتي بترضى بالشروط عباله انتي ميته عليه وبترضين
صراحه مافي بنت بترضى في واحد يتشرط هالشروط اللي مبين منها بخله
باجر بيلوع جبدج على المصرف وبيتحجج بطليقته انها ماكلته بالمحاكم
بالاخير مالج الا الاستحاره استخيري وشوفي والنصيب يصيب

 

[ام الوردة]

اللي باااااااااااعج مرة يبيعج الف مرة

غيييييييرة الف لا وبشرووط المهر 2000 شبسوي فيهم ال 2000

 

[&&.. فزاعه ..&&]

مادري صراحه شتبين فيه !! :eh_s(10):


بس مثل ماقالوا البنات استخيري والله يكتبلج الي فيه الخير :yaaaaaarb:

 

[المستغفرة 74]

استخيري والله يكتب لج الي فية الخير

 

[شندوخه]

من بدايتها يبيج تقدمين هالتنازلات ؟؟ صراحه صعبه

 

[الكويت حياتي]

طااااااااااااااااااااااااااااااااااااف عطيه لو اعنس ما اخذه

 

[نور-الدنيا]

مادري لا توافقين احسن لج جنه وااايد يتشرط

 

[مناير ...!]

رد : ماعندي خوات وابيكم تكونون خواتي وتنصحوني

لوانه مااوافق
تتحملين عواقب مالج دخل فيها
وتبدين حياتج بحياه صعبه
بعدج العكر قدامج عمرج 24 مو 60
وبيرزقج ربج بااحسن منه

يكفي جرحه بالمره الاولى
عافج وخذا غيرج واهو معشمج وتالي يبيج تربين ولده :bbbiu:

 

[مجنونة ضحكاته]

مشكوورين الي ردوا علي تلقونه في ميزان حسناتكم يااارب

الله يكتبلي الي فيه الخير امانه عليكم ادعولي ان ربي يوفقني واذا كان لنا صالح ببعض يوفقنا ويسهل امرنا واذا بنتعب مع بعض وماراح نرتاح عسى ربي يبعدنا عن بعض بعد الشرق عن الغرب

فديتكم​

 

[نونو العصله]

رد : ماعندي خوات وابيكم تكونون خواتي وتنصحوني

الله يقدم اللي فيه الخير و اننتي بعدج صغيره مو عيوز توا المشوار جدامج انا تزوجت 27 و الله رزقني بلي احبه و يحبني و نساني صدمة ولد خاالي اللي تخلى عني و استهان بمشاعري نصيحه مني فكري عدل و اخذي وقتج مو تقولين زواج و كبرت ترا هذه عشرة عمر مو يوم و يومين و الحين فكر فيج زوجه شعقبه 5 سنين كان معاها و اكل معاها وشرب وو كان بينهم كلام حلو و اكيد قالها انه يحبها فكري بهلشغلات و حطي في بالج كل شي

 

[Alia]

لا وحاط شروط بعد؟ المفروض انتي اللي تتشرطين وفوق هذا كشت وتزوج ثانية ... حبيبتي لو انا مكانج ماراح اوافق بكل صراحة وكل واضح توج صغيرة والعمر جدامج ليش تبين عوار القلب