ماعندي خوات وابيكم تكونون خواتي وتنصحوني

[مجنونة ضحكاته]

السلام عليكم ورحمة الله وبركاته

صباحكمـ / مسائكمـ خيـر وبركـه يـــارب

خواتي كل الموضوع اني ابي نصيحتكم بموضوع زواج

انا الحين عمري 24 وشهر 7 بكمل الـ 25

على ايام العشرين كان ولد خالي يبيني وكنا متفقين على كل شي ومعشمني انه بيكون زوج المستقبل وفارس الاحلام واساسا من يوم كنا يهال امه " الله يرحمها " كانت دايم تقول ان احنا حق بعض

ولكن فجأه وبدون اي مقدمات يانا خبر زواجه من وحده مانعرفها ودام زواجه 5 سنوات وياب ولد والحين صارله سنه طلق بسبب مشاكل الله العالم شنو اهيه

المهم انه الحين متقدملي مره ثانيه واهلي موافقين لكن انا قلبي موموافق والمصيبه عقلي يقول اي لان اهو من بعض الزوايا زين لي ويناسبني ولكن في زوايا مو زين فيها

خصوصا ان وحده من خواته ماتبيني له ماادري ليش مع ان علاقتي معاها حيل قويه لكن كل شوي تقولي دقريه اذا كلمج واذا دق حقريه لاتعطينه ويه

المهم انا ماني عارفه شسوي شوروا علي تكفون اوافق ولا ارفض ولا شسوي

ملاحظه : اهو الحين طالب يكلمني شخصيا وللحين مارديت عليه وماني عارفه شنو ارد عليه اذا كلمته

شروطه :
1/ المهر بس الفين لان عليه ديون والتزامات
2/ العرس مختصر بس على الاهل
3/ اتحمل واصبر على الحلوه والمره لين يخلص كل التزاماته الي سببها زواجه الاول​

ناطرتكم خواتي​

 

[artya]

رد : ماعندي خوات وابيكم تكونون خواتي وتنصحوني

حبيبتي صلي استخاره

اذا ارتحتي بعدها الله بيكتب فيه الخير واذا ماارتحتي بعدي نفسج افضل

بس انا مستغربه منه ليش ماخذاج من الاول :bbbiu:

ولاتردين عليه اذا يبيج بيخطبج من ابوج رسمي والي يبي يدل الباب

واذا مو عاجبتج شروطه الف واحد يتمناج بس ارد واقول صلي استخاره وموفقه يااارب :eh_s(7):

 

[ونات الخفوق]

اخته ما تبيج تاخذينه
اكيد في سبب مقنع
حاولي تعرفين السبب
اهم شي الاستخاره

 

[رجيميه]

رد : ماعندي خوات وابيكم تكونون خواتي وتنصحوني

حياتي اهم شي صلي استخاره وشوفي وضعج وحالج وقعدي معااه اذا ارتحتي على بركة الله واذا لا الله يوفقج

 

[ونات الخفوق]

اخته ما تبيج تاخذينه
اكيد في سبب مقنع
حاولي تعرفين السبب
اهم شي الاستخاره

 

[Queenleo]

رد : ماعندي خوات وابيكم تكونون خواتي وتنصحوني

نصيحه لاتوافقين
اهوا عشمج وباعج ليش!!
واكيد اخته تدري انه مايستاهل عشان جذي ماتبيج تعطينه ويهه
وغير جذي توج بنت شكو تاخذين واحد مطلق وعنده ولد بعد
ولا بعد عنده شروووط!!
راح اييلج الي احسن منه ان شاء الله توج صغيره
لاترخصين بنفسج ترى مايستاهل

 

[الأميرة الحزينة]

شروط:bbbiu: منو مفروض يتشرط!! عالعموم الله يكتبلج الخير صلي استخارة وخته اللي قلتي عنها اكيد لها وجهة نظر بأخوها .. حاولي تعرفين اللي ببالها:eh_s(10): موفقه :yaaaaaarb:

 

[نونه الزعفرانه]

طبعا لا لا تأخذينه
هذا ماله آمان يعشمج وآخر شي تزوج ثانيه ولما شافج لي الحين ما تزوجتي يا خطبج !!!!!
لا وبعد المهر بس الفين ومطلق وعنده ولد يدفع له نفقه ولا طليقته لي درت انه تزوج راح تقعد له قعده بالمحاكم وتطلب خدامه على حسابه .....
نصيحه لا والف لا وانتي كيفج
اصلن الواحد المطلق وعنده عيال وراح يخطب بنت اول مره تتزوج يدلعها بالمهر
وغير هذا وذاك ظروفه الماديه ضعيفه يعني اشكره بنشف معاشج
لا وبعد اخته دعله
فكري الف مره ومره

 

[نونه الزعفرانه]

طبعا لا لا تأخذينه
هذا ماله آمان يعشمج وآخر شي تزوج ثانيه ولما شافج لي الحين ما تزوجتي يا خطبج !!!!!
لا وبعد المهر بس الفين ومطلق وعنده ولد يدفع له نفقه ولا طليقته لي درت انه تزوج راح تقعد له قعده بالمحاكم وتطلب خدامه على حسابه .....
نصيحه لا والف لا وانتي كيفج
اصلن الواحد المطلق وعنده عيال وراح يخطب بنت اول مره تتزوج يدلعها بالمهر
وغير هذا وذاك ظروفه الماديه ضعيفه يعني اشكره بنشف معاشج
لا وبعد اخته دعله
فكري الف مره ومره

 

[دموووعي امواج]

شووووووووووفي ياقلبي الزواج قسمه ونصيييب اذا اهو نصيييبج ماراح تاخذيين غيره
انا من راااايي تسالييين عنه عدل اهلج واهله وشوووفي شنو سبب طلاقه بالضبط
وبعدييييييين اهم شي صلي استخاااره وانتي اذا مستعده تعيييشيين معاه بظروووفه
مافيها شي اهو ولد خالتج ومن اهلج بس حطي ببالج انه كان متزوج وعنده ولد ومسؤليات
لانه اكييد الولد يبي نفقه ومصاااريف انتي فكري عدل ولا توافقيين او ترفضييين بسرعه فكري الزوااااج يحدد مستقبللللج وحياه بتعيييشيينها طوووووول عمرج:eh_s(15):

وقعدي مع اخته وشووووووووووووفي شنو سبب رفضها لج انتي تقوووولين علاقتكم قوووويه
اكيييييييييييدتبيلج الخيير والزواج قسمه ونصييييييب:rerrerek:
الله يووووفقج ويرزقج:yaaaaaarb:

 

[! بــدويه وآآيــد !]

،



كان معشمج وامه رحمة الله عليها باغيتج له

وآخر شي صدمج بوحده غريبه وجاب منها ولد ونتفته خلته ع الحديده واكيد كل يوم محكمه مره تبي سايق مره خدامه مره غير وغيره وغيره !

والحين قال ارد لها يمكن مو لانه يبيج لكن لان متوقع بترضين بشروطه الي محد يرضى فيها يعني وحده احد يطق الباب يقول انا مطلق وعندي ولد " باجر يناشبج بالبيت مع عيالج " يعني ما ارتحتي لا قبل ولا بعد ماعدل وضعه ومهر بنتكم بس الفين وماكو عرس وصبري علي باجر بيقول لج ماعندي وماعندي وانتي تدرين بظروفي والي دفع 2000 مهر وماقدر على عرس مايقدر على سفر وغيره وغيره


انا يمكن اكون ماديه بنظر واجد ناس لكن الحياه هـ الايام من اولوياتها الماده


انتي استخيري وشوفي ارتحتي او لا


الله يكتب لج الي فيه الخير ​

 

[الدلال]

لو كنت مكانج ما اخذه لعدة اسباب:

- عشمج وتالي اخذ غيرج

- يتشرط بالمهر والحفله , بدال ما يعوضج

- يبيج تتحملين معاه الحلوه والمره, وهذا ترى واجب على كل زوجه, لكن ان يقول لاني توهقت بزواجي الاول وعلي ديون عاد هذا اللي مايصير


اختي انتي هالزواج يعتبر اول فرحتج والوحده بأول زواجها تبي تتدلع وتبي ريلها يهاديها وتكون معاه على راحتها لكن ولد خالتج كأن قاعد يقول هذا انا تبيني بشروطي ولا كيفج

لو صج يحبج وشاريج جان على الاقل خذاج من غير ما يتشرط وبالمقابل انتي اللي لازم تشرطين

لان اهو مع احترامي له مطلق ومعاه ولد وملتزم بالتزامات وايد بسبب تجربته الاولى

والله يرزقج اللي فيه الخير والصالح يارب

:eh_s(17):

 

[فنكيه]

شالله حادج عنده ولد واكيد راح تصير في علاقه بينه وبين طليقته عشان الولد يا اهيه بتيي تاخذه يا اهو بيروح ياخذه واجتماع اولياء الامور يقابلها واكيد بيصير في حجي واهيه بيحن قلبها عليه
وثاني شي ماديته اظغيفه الوحده تبي تعدل وضع بيتها ما تقلله اخذي واحد ماعليه ديون وشنو الفين ؟منو يعطي الفين الحين اربع الاف ونحس اشويه فجنه اهلج قاطينج عليه قط وانتي جنج ميته عليه على ولا شي انتي لو يبيج جان خذاج من زمان مو توه يفكر يصلح حياته فيج بصراحه لو انتي اختي ما اخليج ولو امي امج بتقلج ولا كلمه ولا تفكرين واحنه ما نقطج قط وحق واحد مطلق يقعد ويقارن مابي اشيشج استخيري[/color]

 

[شمس 20]

كان يبيج وبسبب اخته تفركش الزوااج

عزي نفسج لاتقطين روحج عليه

ويبي يكلمج ، كلميه شوفي شيبي خير نعم

يمكن حوبتج يوم عشمج وماخذاج ربي ماوفقه

رياييل جلاااب حشاج :rgewrg:​

 

[sweet dashttya]

رد : رد: ماعندي خوات وابيكم تكونون خواتي وتنصحوني

اخته ما تبيج تاخذينه
اكيد في سبب مقنع
حاولي تعرفين السبب
اهم شي الاستخاره

اي قوليله شنو السبب لازم اتعرفين من حقج

 

[" غـادهـ "]

.

آآمبــي من صجج آنتــي @@ عقب سوآته آلشينه تفكرين فيه !!؟
توووج صغيره وآحلـى آلفرص جدآمج ليش تظلمين عمرج معآآه
يآآ معوووده من شروووطه بآنت حيآآتج معآآه نكد بنكد
شآلله حآآدج بآلذمه .. لآ تظلمين نفسج !

.

 

[دمع القلوب]

رد: رد : ماعندي خوات وابيكم تكونون خواتي وتنصحوني

نصيحه لاتوافقين
اهوا عشمج وباعج ليش!!
واكيد اخته تدري انه مايستاهل عشان جذي ماتبيج تعطينه ويهه
وغير جذي توج بنت شكو تاخذين واحد مطلق وعنده ولد بعد
ولا بعد عنده شروووط!!
راح اييلج الي احسن منه ان شاء الله توج صغيره
لاترخصين بنفسج ترى مايستاهل

انا معاها 100 بالميه من صجج تاخذينه عشميه انتي واهلج وبعدها رفضيه وبكل ثقه قولي ما ابيك:rgewrg:

 

[المرتاحة]

مادري والله هذا الشي راجع لج

بس لو انا بمكانج ما اوافق عليه كلش

 

[بتبوتااا]

حبيبتي الصبر والاستخاره واذا كان من نصيبج بتاخذينه ..

 

[بتبوتااا]

حبيبتي الصبر والاستخاره واذا كان من نصيبج بتاخذينه ..