ماعندي خوات انتو خواتي@*@ابي اسوي حفلة لتخرجي من الجامعه

[مهموومه]

قوة بنات شلونكم
انا اكسر الخاطر ماعندي خوات
وابي اسوي حفلة تخرجي من الجامعه امانه ساعدوني
الحضور يمكن70 هذا اذا لقيت احد يجي بسوي اعلان هنئ بالمنتدى
لاني ماعرف احد بس امانه قولولي ابي افرح لانه بعمري مافرحت
قولولي شسوي امي تقولي حطي بالحوش كراسي وفرشات حمرة سوالف اول
انا ابي شي راقي اضاءه حلوة نفس جذي
شوفوه امانه
http://www.q8yat.net/showthread.php?t=494582
ابي شي كأنه حلم خيال
اي بوفيه راقي حق 70شخص
تدرون كل هذا ابيه بجم
600دينار يصير؟؟؟؟؟؟؟؟؟؟؟؟
مابي بوفيه حريم ابي شي معروف اخذ خيمة ملكية ورا بيتنا ولاقاعه انا اقول الخيمة احلى امانه بنات ردو علي اعتبروني اختكم واذا كبار اكبر من25بنتكم واذا نص ونص اعماركم صديقتكم واذا صج صج تبون الخير تعالو الحفلة ودي اشوف ناس بحفلتي
قولولي وين اروح وبجم الاسعار امانه لحد يسفهني​

 

[مهموومه]

بنات ليش محد رد لهدرجة يعني:0bee2e8d89::0bee2e8d89::0bee2e8d89:

 

[فراشه بنفسجيه]

هلا مهمومه لاتحاتين شي اذا بتحاتين كلشي ما يضبط سوي كل ألي قلتي علي وحطي دي جي لان راح تستانسين واااايد والله يوفقج مبروك علي التخرج

 

[مهموومه]

يابعد عمري الله يفرح قلبج علا الرد
والله مادري

 

[عنايد]

ان شاء الله تصير حفلتج حلوه

انتي بس دقي على المكاتب اللي يسوون حفلات وهم يضبطونج

 

[خوختي دنيتي]

يابعدقلبي تلقين طلبج عند الي ينظمون حفلات وتلقين اعلاناتهم بالوسيط وان شالله بتكون خوش حفله وتفرحين

 

[شيــوخه]

هلا حبيبتي مهمومه سلامت قلبج من الهم من ناحيت البوفيه فيه مطاعم وايد وانا صراحه من ناحيتي احب بوفيه مال الوالي وايد حلو وشغله مرتب تلقينه بلفروانيه فيه المنيم وجذيه ورخيص وطعمه حلو ومعقول وفكرت البنوته الحلوه الي قالت دي جي همن فكره حلوه وناسه تحسين بفرفشه انزين

ومن ناحيت الخيمه لا تاخذين خيمه اذا بيتكم كبير سويه بلحوش والناس تقعد داخل البيت واذا بيتكم صغير انتي اي منطقه ساكنه اكيد في صلات الي تكون يم الجمعيه حجزي عندهم وسويها حفله صح وان شاءالله افلوسج اتكفي وهذا حجي انا من مخي يعني
وان شاءالله البنات يفيدوننننننننج ويارب تلقين الي يسرج ويفرحج يارب

 

[عاشقة متعب]

هلا مهمومة ........... انا نفسج ماعندي خوات واتمنى نتعرف من صج ونشوف بعض ونتواصل

وعلى لحفلة انا اقول اتسوين بصاله اذا عندكم بحديقة تطلع احلى والخيمة وايد حلوة ... وزيدي ال دي جي بس يكون مو مزعج وصراخ
وحطي طاولات بالخيمة بس تكون دوائر صغار حق 3 اشخاص وبوفيه والله مااعرف بلبوفيهات للاسف ....... بس لاتزيدينها يعني محاشي وسوالف يكون فطاير ومشاوي وخفايف وسلطات ماراح يكلف انشالله ....... وحطي خدمة سيارات حق الضيوف ...... واستمتعي

ولح وعد مني اني اجي الحفلة واذا تبين اساعدج بالتجهيز ...... وانشالله نتواصل

 

[السوري 2008]

الف الف الف مبرووووووووووووووك على التخرج اولا وطبعا كلنا خواتج
ولا تفكرين حيل بالحفلة سوي اللي انت تبينه واهم شي نفسج اكشخي اخر كشخة
والله سهلات انا قبل كنت احاتي عرس اخوي وسبحان اللي سهله لا تحاتين

 

[آلعناآأ]

اول شي مبروك التخرج ومنها للاعلى ان شاء الله~
600 قولي 200 للصاله و200 للبوفيه بقى 200 ~
100 دي جي
100 للحلو والفطاير ~
مااعتقد يكفيج فاسويه ببيتكم و70 شخص شوي والصاله حرام تصير فاضيه~
سويه ببيتكم ووفري 200~
سوي منهم كاكاو توزيعات~
وسوي ضيافه لبعد العشاء ~
ومايحتاج كراسي بالحوش اذا صالتكم كبيره خلي المعازيم فيها يرقصون~
والحوش حطي كراسي وطاولات للبوفيه~
عشان ينجبون ويقعدون يتعشون عليها~
والحلو والموالح دشي موضوع الخنساء حق اللي يطلبون من حريم ~
واطلبي من اللي يعجبج وشوفي الصور لاتاخذين ع مدح ~
والبوفيه خلي ايجبون العصيرات من عندهم والقهوه والجاي ~
اطلبي من بوفيه الوطنيه حلو وشغلهم نظيف~
وموفقه حبيبتي ~
واذا تبين شي دزيلي ع الخاص~

 

[عاشقة الكاكاو]

مبروك التخرج حبووووبه

ليش ماتسوين بمكان غير البيت في مطاعم تحجزين عندهم قاعة تكون حلوة وعلى عدد المعازيم

وبالسعر اللي تبينه

 

[@Miss Dio@]

حبوبه انا بنصحج نصيحه تغيرين اسمج من مهمومه لأي اسم ايجابي انتي متخرجه هالشئ بروحه نعمه تحمدين ربج عليها وتغيرين توقيعج بكلام يرفعج لأن والله انا اعرف وحده كانت تفكر بنفس طريقتج وحياتها كلها مشاكل
و600 راهيه بصراحه
انتي سكري الحوش وحطي تكييف وطاولات وكراسي وطلبي دي جي وان امج مارضت خلي الحفله بالصاله والعشا بالخيمه ساعات يصير احراج من الجيران انا ورفيجاتي سوينا حفله من سنه تهبل حطينا ليتات الديسكو الملونه وصكينا الليتات واي وناسه وكا سرداب وحطينا طاولات مدوره بسرداب والبوفيه بالممر بس صج وناسه
والعشا ميس الغانم حلو ويبيض الويه والديك الرومي بعد وموفميك بس ديري بالج في اكثر من واحد بصراحه ما اعرف الفرق بينهم بس انا جربت واحد روعه اللي يكون بصاله صباح الاحمد سلطاته تينن والبنات ترى يبون سلطات وباستا وهالخرابيط النواشف وفي بيت الانبعي والله شغلهم يهبل بس ما ادري طباخهم كان مسافر ان رجع همن عندها فناتك وسلطات وسوي لج كيكه على تخرجج كبوس او شئ شهاده
وترى البوفيه مو تطلبين حق 70 يطلع وايد طلبي حق 40 او 50 شخص كفي
صدقيني شويه ترتيب وراح يكفي كل شئ

 

[مهموومه]

بنات تخيلو الكل يحبطني يقولي شنو تخرجة من الروضة عشان تسوين حفلة
ولامعاج دكتوراه
انا مدرسة معاي بكالريوس تعبت وربي الكل يحبط فيني
بنات والله من امس قاعده ابجي تعبت نفسيتي
محد راضي يساعدني لي دقيت علا الي بالوسيط بيتنا يقعدون يتطنزون علي

 

[qatwa_3saal]

السلام عليكم

ليش تتحبطين بالعكس انتي مسويه حفله عشان تستانسين ومالج شغل بلي يحبطونج محترين منج
استانسي وسوي حفله ورقصي وسوي الي تبينه .... كل البنات اللي يتخرجون يسوون حفلات ويونسون عمرهم هذا فخر لج انج انجزتي شي بحياتج ومكااافأتج لنفسج اهيا الحفله ... ماعليج منهم انتي بس رتبي افكارج وخلي وحده من رفيجاتج اتساعدج والله يوفقج

 

[مهموومه]

السلام عليكم

ليش تتحبطين بالعكس انتي مسويه حفله عشان تستانسين ومالج شغل بلي يحبطونج محترين منج
استانسي وسوي حفله ورقصي وسوي الي تبينه .... كل البنات اللي يتخرجون يسوون حفلات ويونسون عمرهم هذا فخر لج انج انجزتي شي بحياتج ومكااافأتج لنفسج اهيا الحفله ... ماعليج منهم انتي بس رتبي افكارج وخلي وحده من رفيجاتج اتساعدج والله يوفقج

والله كلامج حمسني بنات شوفو شنو سويت
حجزت خيمة ورا يتنا كلها شيفونات وطاولات مدورة
وحجزت ناصر روتانا
والبفوفيه يمكن موفنبك

 

[@Miss Dio@]

انتي وايد حساسه توج صغيره باجر وراج دوام وريل وحموله وناس كلها بتنتقدج اهو مجتمعنا هالشكل ما يعجبني شئ نصيحتي غيري اسمج وحبي نفسج نفسج تستاهل مو كل من دش الجامعه تخرج هالشئ بروحه انجاز وبالله عيل متى الوحده تسوي حفله؟؟؟

 

[مهموومه]

بنات حجزت بوفيه رويال كشن وااي اتعب واقول راقي
ود\ي جي ناصر روتانا
وسويت شغل راح احطة حقكم نااعم
وخ1يت كيلو حلو من واااو وكيلو من سلفرينا الي ككاو وداخلة شعر بنات مغلف
واخذت توزيعات مع الشاي
بس ناقصني الفطاتير ابيها حلوة وميني وابي عصاير شي غيررر يعني سوالف تدوخ من كثر غرابتها

 

[om mishaal]

ألف مبروك التخرج
الفطائر والعصير وكل شي يوصلك مع البوفيه تفاهمي مع رويال كشن وهم يجهزون لك مع الخدمة حريم بعد
انتي اختاري البوفيه والاصناف كلها
الله يوفقك

 

[qatwa_3saal]

يالله نايس شي حلو ... استانسي وقوليلنا شيصير معااااج

تيك كير

 

[انصاريه قمره]

حيااااااااااتي انتي عسى ربي يوفقج وكل واحد واقف ضدج وينقد عليج مييييييييييت قهررررر حبيبتي استانسي وعقب الحفله نبي تفاصيل