ماعندي خصوصيّة . . ومو حاسّة إني عروس !

[om fairoz]

اول شي تعبي على موضوع الباب عشان تكون لج خصوصتج مع زوجج
وثاني شي انتي تعرفين متى ردته من النادي جهزي لج عشى بسيط وشغلي شموع يعني خلي الجو رومانسي ولبسي وتكشخي ونطريه صدقيني ماراح يطلع حق عشى اهله اذا شاف هالزين كله واهله اتوقع راح يقدرون انكم معاريس وماراح ينادونكم واذا عندج حماة خليها تساعدج بموضوع العشى
والله يوفقج عروستنا ويتمم عليج

 

[om-Jana]

عالاقل يوم بالاسبوع خليه لج وله دشو مبجر الغرفه شوي

اهو تعود على هالنظام انتي عوديه وحاولي تغيرينه

لان حتى اذا صكرتي الباب هم بتقعدين بره لان اهوو تعود يقعد كله معاهم ف حاولي تغيرين ماتمنعينه. بس مثل ماقتلج دشوو ابجر ويوم لكم وكلشي بيدج

 

[Um Tuki]

سكري صالتج و خلي لها باب ينقفل ..

هذي خصوصيتج و حقوقج حبيبتي .. !!

المفروض زوجج يتفهم .. او حتى لو قلتي حق امه مدامها حليوة معاج قولي ودي أسكر الصالة عشان لو ودي اطلع الصالة و الا شي ما اضطر ألبس ملفعي .. خبرج عيالج ما شاء الله رياييل ما يحلون علي !! ياريت تتفهم و الاحسن انج تكلمين زوجج

 

[nono93]

حني عليه وقولي له سكر الباب موماخذه رااحتي كلشش

عادي كلميه وقولي سكره

 

[عطيات19]

الله يوفقج

 

[مني يغارون]

شوفي يالغلا احسن حل يكون لكم خصوصيه اكثر يعني تحطون باب يفصل جناحكم وتفهمين خالتك الموضوع عشان ماتحط بخاطرها والبسي واكشخي زي ماتبين وراح تلفتين نظره ممكن بالمرات الاولى ماينتبه بس اذا تعود انك تكشخين وتجددين بين فتره وفتره راح تشدين انتباهه اكيد

 

[PuPa^^SWeeT]

قعدي انتي ويا خالتج ليين اهو ايي

تعشوو

بعديين صعدي غرفتج و لبسي و كشخي



ليين اهوو يقولهم بنام



و نطريييه


بس اذا على الرداعة


لبسي لبس الطلعة و نزلي تحت

 

[غدووور الكويت]

المفروض من فترة الملجه مسكرين جناحكم

 

[أبله شقحه]

الله يعينج يارب

 

[amorah jna]

الله يعينج

 

[زمردة مشعة]

الله يعينج .

 

[GreenApple]

واايد سهل موضوعج حبيبتي قبل لايرجع زوجج من النادي جهزي عصير او اي مشروب يحبه بارد او حار ووجبه خفيفه او سويت والبسي لبس كاشف اهو اكيد من يرد يدخل الغرفه يبدل ملابسه بيشوفج بها الوضع بيسالج ماتبينا نطلع نقعد مع اهلي قوليله مافيني ابلد ملابسي والف شعري بيقعد وسولفي عليه وخلال السوالف افتحي له الموضوع ان بالاسبوع الي تروحين بيت اهلج يجي النجار ويركب باب للصاله لانها وايد مكشوفه وماتخذين راحتج...والله يوفقج حبيبتي

 

[أحلام ورديـہ]

مشكورين حبيباتي ع الحلووول إن شاء الله بطبّق الي يناسبني منها ما قصرتوا
الله يوفقكم إن شاء الله ويسهل أموركم على مساعدتكم واقتراحاتكم

وبالنسبة لشقتي على أساس إنها تكون مسكرة بباب بس لي الحين ما صار لزوجي مجال إنه يجيب حد يسويه وأشوفه سكت عن الموضوع أخاف يهوّن عنه بس إن شاء الله بحن عليه عشان يسويه بأقرب وقت

هل من مزييييد من الأفكار